ഇവാ,An Angelic Beauty Part6[മാലാഖയുടെ കാമുകൻ] 2143

പുറകിൽ അനക്കം കേട്ട് അവൻ തിരിഞ്ഞു നോക്കി.. റിസോർട്ടിലെ പരിചാരകയാണ്.

“ഗുഡ് മോർണിംഗ് അമിഗോ.. “

അവൾ സ്പാനിഷ് കലർന്ന ഇംഗ്ലീഷിൽ അവനോടു പറഞ്ഞു അവനുള്ള ഭക്ഷണം പുറത്തെ മേശയിൽ വച്ചിട്ട് പോയി..

അവൻ ബോയ്ൽഡ് എഗ്ഗും ബ്രെഡും കഴിച്ചു അല്പം കാപ്പിയും കുടിച്ചു..

വേഷം മാറി.. ജാക്കറ്റും എടുത്തു ഇട്ടു അവൻ റിസോർട്ടിൽ നിന്നും ഇറങ്ങി നടന്നു.. ഭദ്രക്ക് അവൻ മെസ്സേജ് അയച്ചിരുന്നു..

നിറയെ ആളുകൾ.. പലവിധത്തിൽ ഉള്ള പൂക്കൾ വിരിഞ്ഞു നിൽക്കുന്ന കല്ല് പാകിയ വഴികൾ..

എല്ലായിടത്തും നല്ല വൃത്തി.. എവിടെ നോക്കിയാലും ആണും പെണ്ണും കൈ കോർത്തു നടക്കുന്നു..

ചിലർ പരസ്യമായി ചുംബിക്കുന്നു.. അല്ലെങ്കിലും പ്രണയം അതൊരു അനുഭവമാണ്.. അതിൽ നാണം എന്നൊരു വാക്കില്ല.. ഞാനും നീയും മാത്രം എന്നൊരു വികാരം മാത്രം.. പ്രണയിനിയുടെ കണ്ണിലും അധരങ്ങളിലും ആയിരിക്കും കാമുകന്റെ കണ്ണുകൾ..

അവന്റെ കണ്ണുകൾ തേടിയത് അവന്റെ പ്രണയിനിയെ ആണ്.. അവന്റെ മാത്രം ഹെലൻ.. അവനേ കണ്ടാൽ പ്രണയം തളിർക്കുന്ന കണ്ണുകളും കവിളുകളും അവൻ തേടി..

വെളുത്ത കൊച്ചു വീടുകളുടെ ഇടയിൽകൂടെ അവൻ നടന്നു..
കുറെ നടന്നപ്പോൾ ആണ് മനസിലായത്.. നീലയും ചുവപ്പും മകുടമുള്ള കെട്ടിടങ്ങൾ വീടുകൾ അല്ല.. അത് പള്ളികൾ ആണ്..

അവൻ ഒന്നിൽ കയറി മുട്ടുകുത്തി നിന്ന് പ്രാർത്ഥിച്ചു.. വീണ്ടും ഇറങ്ങി.. കടകളിൽ ഒക്കെ നോക്കി.. ചിലപ്പോൾ ഓടി.. അവന് പ്രാന്ത് പിടിച്ചതുപോലെ ആയിരുന്നു..

അവളെ എവിടെയും കണ്ടില്ല.. ഉച്ച കഴിഞ്ഞു.. വൈകുന്നേരം ആയി.. ആൾത്തിരക്ക് കൂടി കൂടി വന്നു.. അവൻ അവളെ കണ്ടില്ല..