ഇവാ,An Angelic Beauty Part6[മാലാഖയുടെ കാമുകൻ] 2143

അവിടെ നിന്നും ഒരു മണിക്കൂർ നാല്പതു മിനുട്ട് ആയപ്പോഴേക്കും എതൻസിലെക്ക്‌ ഉള്ള അടുത്ത വിമാനത്തിൽ അവൻ കയറി.. വിമാനത്തിൽ നിന്നും ഭക്ഷണം കഴിച്ചു..

വീണ്ടും ഏകദേശം അഞ്ചു മണിക്കൂർ അടുപ്പിച്ചു പറന്ന വിമാനം ഗ്രീസ് സമയം 11:30 am ആയപ്പോഴേക്കും ഏതൻ‌സ് ഇന്റർനാഷണൽ എയർപോർട്ടിൽ ഇറങ്ങി..

ഇന്ത്യൻ സമയത്തിൽ നിന്നും രണ്ടര മണിക്കൂർ പുറകിലാണ് ഗ്രീസിലെ സമയവും. എയർപോർട്ടിൽ നല്ല തണുപ്പ് ആയിരുന്നു.

ചെക്കിങ് എല്ലാം കഴിഞ്ഞു അവൻ പുറത്തേക്ക് നടന്നു..

അവൻ എയർപോർട്ടിന്റെ പുറത്തേക്ക് ഇറങ്ങി..

ഗ്രീസിന്റെ ഏതൻ‌സ് നഗരം.. അവരുടെ ഭാഷയിൽ സിറ്റി ഓഫ് അഥീന.. യുദ്ധത്തിന്റെയും അറിവിന്റെയും ഗ്രീക്ക് ദേവതയാണ് അഥീന.. സീയൂസിന്റെ ആയുധമായ തണ്ടർബോൾഡ് കയ്യിൽ എടുക്കാൻ അവകാശമുള്ളവൾ..

അവൻ ഒരു നിമിഷം അത് ആലോചിച്ചു നിന്നു എങ്കിലും ഉടനെ ഒരു ടാക്സിയുടെ അരികിലേക്ക് നടന്നു.. ടാക്സി ചിലവുകൾ കൂടുതലാണ് എന്നാലും അവന് സമയം കളയാൻ തോന്നിയില്ല.

അവൻ ആ അഡ്രെസ്സ് കാണിച്ചു കൊടുത്തു.. അയാൾ ഓക്കേ പറഞ്ഞു..

കൊളോനാക് എന്ന പേരിൽ ഉള്ള സ്ഥലത്താണ് അവളുടെ അന്റി വീട്.. അവർ വിവാഹം ചെയ്തത് ഒരു സ്പാനിഷുകാരനെ ആണ്.. അന്റോണിയോ എന്നാണ് ആളുടെ പേര് എന്ന് ഡാനി എഴുതിയിട്ടുണ്ട്..

35 കിമോമീറ്റർ അകലെയാണ് അവിടം… ടാക്സിക്കാരൻ പറഞ്ഞത് വലിയൊരു തുകയാണ് എന്നാലും അവൻ അത് കാര്യം ആക്കിയില്ല.. അവന് അവളെ കാണുകയായിരുന്നു ആവശ്യം.. എയർപോർട്ടിൽ നിന്നും മാറിയ കറൻസി കയ്യിൽ ഉണ്ട്.