ഇവാ,An Angelic Beauty Part6[മാലാഖയുടെ കാമുകൻ] 2149

അവന്റെ അവസ്ഥ കണ്ടപ്പോൾ അവർക്കും സങ്കടം തോന്നി.

“ഇവിടെ നിന്നും ഫെറി ഷിപ് ഉണ്ട്.. അത് സെന്റോറിനി എത്താൻ എട്ടു മണിക്കൂർ എടുക്കും.. ഫാസ്റ്റ് ഫെറി ആണെങ്കിൽ 5 മണിക്കൂർ എന്നാൽ അതെപ്പോഴും ഉണ്ടാകില്ല..
വിമാനം ഉണ്ട്.. അതിന് സമയം കുറച്ചു മതി.. ഏകദേശം ഒരു മണിക്കൂർ..”

ആനി പറഞ്ഞപ്പോൾ അവൻ ബാഗ് എടുത്തു..

“ഞാൻ പോകട്ടെ.? എയർപോർട്ടിൽ.. എനിക്ക് അവളെ കാണണം.. അല്ലാതെ പറ്റില്ല..”

അവൻ പുറത്തേക്ക് നടന്നപ്പോൾ ആനി അവനെ അതിശയത്തോടെ നോക്കി..

“ഓക്കേ മാൻ. ഹോൾഡ് ഓൺ. ഐ വിൽ ഹെല്പ് യു…”

അന്റോണിയോ വേഗം ഒരു ജാക്കറ്റ്‌ ഇട്ടു വന്നു അയാളുടെ ബൈക്ക് സ്റ്റാർട്ട് ആക്കി അവനോടു കയറാൻ പറഞ്ഞു..

ഡൊമസ്റ്റിക് എയർപോർട്ടിൽ അവനെ എത്തിച്ചു. എന്നാൽ ടിക്കറ്റ് കിട്ടിയത് രാത്രി ഉള്ള വിമാനത്തിൽ ആണ്.. നേരത്തെ ഉള്ളതിൽ ഒക്കെ ബുക്‌ഡ് ആയിരുന്നു..

വീട്ടിലേക്ക് പോകാം രാത്രി വരാം എന്നു അന്റോണിയോ അവനോടു പറഞ്ഞെങ്കിലും അവൻ എയർപോർട്ടിൽ ഇരിക്കാൻ തീരുമാനിച്ചു.

അന്റോണിയോ ടിക്കറ്റ് എടുത്തു ഉറപ്പ് വരുത്തിയിട്ട് ആണ് പോയത്..
തിരിച്ചു പോകുമ്പോൾ മറക്കാതെ അവിടേക്ക് വരണം എന്ന് അയാൾ പ്രെതെകം പറഞ്ഞു അവനോട്.. അയാളൊരു നല്ല മനുഷ്യൻ ആണെന്ന് അവന് മനസിലായി..

അവൻ കാത്തിരുന്നു.. ഇടക്ക് ഒരു കാപ്പി കുടിച്ചു.. വൈകുന്നേരം ആയി..
പറഞ്ഞ ടൈം ആയപ്പോൾ അവൻ ചെക്ക് ഇൻ ചെയ്തു അകത്തേക്ക് നടന്നു.

ഫ്‌ളൈറ്റിൽ കയറി..

അത് അഥീന നഗരത്തിൽ നിന്നും പറന്നു ഉയർന്നു.. കടലും ദ്വീപുകളും പിന്നിട്ട് അവസാനം തെളിഞ്ഞു നിൽക്കുന്ന കെട്ടിടങ്ങൾ നിറഞ്ഞ ഒരു ദ്വീപിൽ വിമാനം ഇറങ്ങി.. രാത്രി വൈകിയിരുന്നു..