ഇവാ,An Angelic Beauty Part6[മാലാഖയുടെ കാമുകൻ] 2149

“അകത്തേക്ക് ഇരിക്ക് മോൻ..”

അവൻ അത് കേട്ട് പ്രതീക്ഷ അറ്റവനെ പോലെ അകത്തു ചെന്നിരുന്നു..

അവൾ അവന് കുടിക്കാൻ കൊടുത്തു.. കാര്യങ്ങൾ ഒക്കെ അവളുടെ ഭർത്താവിനും അറിയാമായിരുന്നു..

ഡാനി വിളിച്ചത് അവൾ കേട്ടിരുന്നു.. റോക്ക് വരുന്ന കാര്യം അവൾ കേട്ടില്ല. അവൾ അവിടെ ഉണ്ടോ എന്ന് ഡാനി ഉറപ്പ് ചോദിച്ചപ്പോൾ അവൻ അവളെ തേടി വരാതെ ഇരിക്കാൻ ആണ് അവൾ പോയെതെന്ന് തോന്നി.

“ഓ ഐ തിങ്ക് ഷി വെന്റ്‌ റ്റു സെന്റോറിനി..”

എല്ലാം കേട്ട് കഴിഞ്ഞപ്പോൾ അന്റോണിയോ പറഞ്ഞത് കേട്ടപ്പോൾ അവൻ തലപൊക്കി നോക്കി.. ആ സ്ഥലം എവിടെയാണെന്ന് അവന് മനസിലായില്ല..

“ആർ യു ഷുവർ ഹണി.?”

ആനി അയാളോട് ചോദിച്ചു.. അയാൾ തല കുലുക്കി..

“യെസ്.. ഷി ചെക്കഡ്‌ ദി ഡീറ്റെയിൽസ് ഓഫ് ഫെറി ഷിപ്സ് ട്ടു സെന്റോറിനി യൂസിങ് മൈ ലാപ്.. “

അയാൾ ലാപ്പിൽ സെർച്ച് ഹിസ്റ്ററി കാണിച്ചു.. അതിൽ ഫെറി ഷിപ്പിന്റെ ഡീറ്റെയിൽസ് എല്ലാം നോക്കിയത് കണ്ടു. റോക്കിന് വീണ്ടും ജീവൻ വീണു.

“എവിടെയാണ് സെന്റോറിനി.. എനിക്ക് പോണം..”

അവൻ ചാടി എഴുന്നേറ്റ് ചോദിച്ചു..

“മോനെ അതൊരു ഐലൻഡ് ആണ്.. ഗ്രീസിലെ തന്നെ ഏറ്റവും ടൂറിസ്റ്റ് അട്ട്രാക്ഷൻ ഉള്ള സ്ഥലം ആണ്..

വലിയ തിരക്ക് ആയിരിക്കും.. അവിടെ പോയാലും അവളെ കാണാൻ ഒരു ശതമാനം ചാൻസ് പോലുമില്ല.. “

ആനി പറഞ്ഞത് കേട്ടപ്പോൾ അവന്റെ പ്രതീക്ഷ ആ ഒരു ശതമാനത്തിൽ ആയിരുന്നു.

“അവിടെ എങ്ങനെ എത്താം? എനിക്ക് അവൾ ഇല്ലാതെ പറ്റില്ല ചേച്ചി..പ്ലീസ്.. ഒന്ന് ഹെല്പ് ചെയ്യോ..!”