ഇവാ,An Angelic Beauty Part6[മാലാഖയുടെ കാമുകൻ] 2149

അര മണിക്കൂർ കൊണ്ട് അവിടെ എത്തി.

അവൻ വെറ്റ് ടിഷ്യൂ എടുത്തു മുഖം തുടച്ചു ഒന്ന് വൃത്തി ആയി…

അനേകം വില്ലകൾ ഉള്ള ഒരു ഏരിയയിൽ ആണ് എത്തിയത്.. കാർ നിർത്തി അതിൽ ഒന്നിന്റെ മുൻപിൽ അവൻ ഇറങ്ങി.. മുൻപിൽ നിറയെ പൂക്കൾ.. പൈസ വാങ്ങി ടാക്സിക്കാരൻ പോയി.. അഡ്രെസ്സ് നോക്കി വീട് അതുതന്നെയാണ് എന്ന് ഉറപ്പ് വരുത്തി.

അവൻ ആ വീട്ടിലേക്ക് കയറി.. ധൈര്യം സംഭരിച്ചു അവൻ ഡോറിൽ തട്ടി.. നെഞ്ചിടിപ്പ് കൂടി..

അവൾ ചിലപ്പോൾ ദേഷ്യപ്പെട്ടേക്കും.. എങ്ങനെ എങ്കിലും പറയണം..

ഒരാൾ വാതിൽ തുറന്നു.. മുടി പറ്റെ വെട്ടി കയ്യിൽ ടാറ്റൂ ഒക്കെ അടിച്ച ഒരാൾ.. അയാൾ സംശയത്തോടെ നോക്കി..

“ഹേയ്.. ആം റോക്ക്, ഫ്രം കേരള. ഐ നീഡ് റ്റു സീ മിസ്സിസ് ആനി…”

അവൻ പരിഭ്രമത്തോടെ പറഞ്ഞ ഉടനെ അകത്തുനിന്നും സുന്ദരി ആയ ഒരു പെണ്ണ് വന്നു.. അവളുടെ ഒക്കത്ത് ഒരു കൊച്ചു വാവ.. പെൺകുട്ടി ആണ്..

അവൾ അവനെ ഒന്ന് നോക്കി.. അവന് അതാണ് ആനി എന്ന് തോന്നി. പെട്ടെന്ന് അവൾ ചിരിച്ചു.

“ആനി.? ആനി ചേച്ചി അല്ലെ..?”

അവൻ ചോദിച്ചു..

“അതെ.. റോക്ക് ആണോ..?”

അവർ അവനോടു ചോദിച്ചു.. ഡാനി വിളിച്ചു കാര്യങ്ങൾ പറഞ്ഞു എന്നവൻ മനസിലാക്കി..

“അതെ.. എനിക്ക് ഇവയെ കാണണം.. അവൾ എവിടെയാണ്?? ഒന്ന് വിളിക്കുമോ..?”

അവൻ വേഗം ചോദിച്ചു.. ഉടനെ അവരുടെ മുഖം മങ്ങി.. അവൻ പരിഭ്രമത്തോടെ അവരെ നോക്കി.. എന്തോ പോലെ അവന് തോന്നി തുടങ്ങി..

“അവൾ പോയി റോക്ക്.. പറയാതെ പോയിക്കളഞ്ഞു..എങ്ങോട്ടാണെന്ന് പോലും പറഞ്ഞില്ല..”

അത് കേട്ടപ്പോൾ റോക്ക് ശബ്‌ദിക്കാൻ പോലുമാകാതെ അവിടെ നിന്നുപോയി.. പ്രതീക്ഷയുടെ കിരണനകൾക്ക് മങ്ങൽ ഏൽക്കുന്നത് അവൻ അറിഞ്ഞു..