ഇവാ,An Angelic Beauty Part6[മാലാഖയുടെ കാമുകൻ] 2149

“മോനു.. ഓർമ ഉണ്ടല്ലോ..? പോയാൽ തിരികെ വരണം…”

എയർപോർട്ടിൽ വച്ച് ഭദ്ര അവനോടു നിറകണ്ണുകളോടെ പറഞ്ഞപ്പോൾ അവൻ അവളെ പുണർന്നു..

“വാക്ക് തരുന്നു ചേച്ചി…”

അത് അവളോട് പറഞ്ഞ ശേഷം അവൻ അകത്തേക്ക് കയറി..

ആദ്യമായി ആണ് എയർപോർട്ടിൽ.. രണ്ടോ മൂന്നോ പട്ടാളക്കാർ പാസ്സ്പോർട്ടും വിസ കോപ്പിയും വാങ്ങി നോക്കി അവനെ അകത്തേക്ക് വിട്ടു..

അവൻ ടിക്കറ്റ് എടുത്തു നേരെ ഖത്തർ എയർവെയ്‌സ് എന്ന് എഴുതിവച്ച കൗണ്ടറിൽ ചെന്നു..

3:45 രാവിലെ ആണ് ഫ്ലൈറ്റ്.. അത് ദോഹയിൽ എത്തി കഴിഞ്ഞാൽ രണ്ട് മണിക്കൂറോളം കഴിഞ്ഞിട്ടാണ് അടുത്ത ഫ്ലൈറ്റ്.. അത് എതൻസിലെക്ക്‌ ആണ്.. അകെ മൊത്തം 13 മണിക്കൂറുകൾ ഏകദേശം എടുക്കും..

അവന് നല്ല ടെൻഷൻ ഉണ്ടായിരുന്നു.. ബാക്കി ഉള്ളവർ ചെയ്യുന്നതും സംശയം ചോദിച്ചും അവസാനം അവൻ വിമാനത്തിന്റെ ഉള്ളിൽ എത്തി..

3:45 ആയപ്പോൾ തന്നെ വിമാനം കൊച്ചിയിൽ നിന്നും പറന്നു.. അവൻ താഴേക്ക് നോക്കി.. ഒന്നും വ്യക്തം അല്ല.. അവൻ കണ്ണടച്ച് ഇരുന്നു.. അവളുടെ ഓർമ്മകൾ മാത്രം..

ഹോസ്റ്റസ് അടുത്ത് വന്നപ്പോൾ അവൻ ഫുഡ് ഒന്നും പറഞ്ഞില്ല.. അല്പം പാനീയങ്ങൾ മാത്രം വാങ്ങി. ഇനി അവനെ വിളിക്കണ്ട എന്നും പറഞ്ഞു.. അവൻ കണ്ണടച്ച് കിടന്നു..

ഏകദേശം നാല് മണിക്കൂറും നാല്പതു മിനുട്ടോളവും പറന്ന് ഖത്തർ എയർവെയ്‌സ് വിമാനം അവനെയുംകൊണ്ട് ഖത്തറിന്റെ തലസ്ഥാനം ആയ ദോഹയിൽ ഇറങ്ങി.. അവിടെ അപ്പോൾ 5:55 am ആകുന്നതേ ഉണ്ടായിരുന്നുള്ളു.

ഇന്ത്യൻ സമയത്തിന് രണ്ടര മണിക്കൂർ പുറകിലാണ് ദോഹ. അവിടെ വീണ്ടും കാത്തിരിപ്പ്.