ഇവാ,An Angelic Beauty Part6[മാലാഖയുടെ കാമുകൻ] 2149

അതുപറഞ്ഞു അവൾ അവനെയും കൊണ്ടുവന്നു കാറിൽ കയറി.. അനന്യ ഒന്നും മനസിലാകാതെ അവിടെ നിന്നു.

“ബൈക്ക് അവിടെ ഇരുന്നോട്ടെ.. “

ഭദ്ര പറഞ്ഞത് കേട്ടപ്പോൾ അവനും കാറിൽ കയറി.

അവൾ ആദ്യം വണ്ടി വിട്ടത് ഒരു തുണിക്കടയിലേക്ക് ആണ്..
അവന് പോകുമ്പോൾ ഇടാൻ വേണ്ടത് എല്ലാം വാങ്ങി.. നല്ല ഒരു ജാക്കറ്റ് കൂടെ വാങ്ങി.. അതിന് ശേഷം വണ്ടി വീട്ടിലേക്ക് വിട്ടു..

“മോനു.. ഞാൻ അറിയാതെ അടിച്ചത് ആണ്.. വേദനിച്ചോ..?”

അവൾ കുറ്റബോധത്തോടെ അവനെ നോക്കി..

“വേദനിച്ചു.. വേദനിക്കണം ചേച്ചി.. അത്രക്ക് തെറ്റാണ് ഞാൻ ചെയ്തത്.. എന്റെ ചേച്ചി എന്നും ന്യായത്തിന്റെ ഒപ്പമാണ് എന്നെനിക്ക് അറിയാം.. ഐ ലവ് യു ചേച്ചി.. മോർ താൻ മൈസെൽഫ്…”

അവൻ അവളുടെ തോളിലേക്ക് തലചായ്ച്ചു വച്ചപ്പോൾ അവൾ ഒരുകൈകൊണ്ടു അവനെ ചേർത്തുപിടിച്ചു… അവളും കരഞ്ഞിരുന്നു.. അവന് അവൾ തല്ലിയതിൽ ഒരു പരാതിയും ഇല്ലായിരുന്നു.

വീട്ടിൽ എത്തി അവൾ അവന് ആഹാരം കൊടുത്തു.. അതിന് ശേഷം അല്പം വിശ്രമിക്കാൻ പറഞ്ഞു..

തലേന്ന് രാത്രി അവർ ഉറങ്ങിയിട്ടില്ലായിരുന്നു.. അവൻ ഒന്ന് കിടന്നു എങ്കിലും അവന് ഉറക്കം വരുന്നില്ലായിരുന്നു.. നെഞ്ച് തകർന്ന് നിൽക്കുന്നവളുടെ മുഖം മാത്രമാണ് മനസ്സിൽ…

വൈകുന്നേരം ആയപ്പോൾ വിസയും ടിക്കറ്റും ഓക്കേ ആയെന്നു പറഞ്ഞു ഭദ്ര അവനെ വിളിച്ചു..

അവൻ ഒരു കൊച്ചു ബാഗിൽ എല്ലാം സെറ്റ് ആക്കി വച്ചു..

ഭദ്ര അവളുടെ കാർഡുകൾ എല്ലാം അവന്റെ കയ്യിൽ കൊടുത്തു.. അതിൽ ഇന്റർനാഷണൽ ക്രെഡിറ്റ് കാർഡ് ഉണ്ടായിരുന്നു.. അവിടെ പോയാൽ ചിലവ് കൂടുതൽ ആണ്..

***