ഇവാ,An Angelic Beauty Part6[മാലാഖയുടെ കാമുകൻ] 2149

അയാൾ പോയപ്പോൾ അവൾ എഴുന്നേറ്റ് അവന്റെ അടുത്തേക്ക് ചെന്നു.. അവന്റെ മുഖം ഒരു വശം ചുവന്നു കിടക്കുന്നത് കണ്ടപ്പോൾ അവളുടെ കണ്ണ് നനഞ്ഞു..

“ചേച്ചി.. അവൾ പോയി.. ഗ്രീസിലേക്ക്.. അവളെ തിരികെ കൊണ്ടുവരണം.. ഞാൻ കാരണം ആണ് ഇതൊക്കെ.. അവൾ ഇല്ലെങ്കിൽ ഞാനും പോകും.. പറ്റുന്നില്ല എനിക്ക്…”

അവൻ വല്ലാത്തൊരു അവസ്ഥയിൽ ആയിരുന്നു.. അവൾ അകെ അമ്പരന്ന് അവനെ നോക്കി..

“വാട്ട്..? ഗ്രീസോ? മോനു ഇറ്റ്സ് നോട്ട് പ്രാക്ടിക്കൽ…”

“നോ ചേച്ചി അവൾക്ക് അവിടെ ഒരു ആന്റി ഉണ്ട്.. അഡ്രസ് ഉണ്ട്. ഞാൻ പോയാൽ അവൾ വരും.. പ്ലീസ് ചേച്ചി… “

അവൻ കെഞ്ചിയപ്പോൾ അവൾക്ക് സങ്കടം തോന്നി..

“ഓക്കേ.. ഫൈൻ.. പക്ഷെ അവൾ വന്നില്ല എങ്കിൽ നീ തിരിച്ചു വരും എന്ന് സത്യം ചെയ്.. ഈ ചേച്ചിക്ക് ആരും ഇല്ല എന്ന് നീ… ഓർക്കണം….”

അത് പറഞ്ഞപ്പോൾ ഭദ്രയുടെ തൊണ്ട ഇടറി.. അവൻ അവളുടെ കൈ മുറുക്കെ പിടിച്ചു..

“അവളെ ഞാൻ കൊണ്ടുവരും.. ഞാൻ വരും.. എന്റെ ചേച്ചിക്ക് ഞാൻ ഉണ്ടാകും എന്നും…”

അവൾ അവന്റെ നെറ്റിയിൽ ചുംബിച്ചു.. അവനെ ഒന്ന് നോക്കി.. അതിന് ശേഷം ഫോൺ എടുത്തു.. ആരെയോ വിളിച്ചു.

“ജെക്‌.. യാ. ഞാൻ ഒരു പാസ്സ്‌പോർട്ട് ഡീറ്റെയിൽസ് അയക്കാം.. എനിക്ക് ഗ്രീസിലേക് ഒരു വിസിറ്റിംഗ് വിസ വേണം. ഐ മീൻ നോർമൽ ആയിട്ട് അല്ല വേണ്ടത്.. ഐ വാണ്ടഡ് ഇറ്റ് റൈറ്റ് നൗ….വിസ ഓക്കേ ആയാൽ എയർ ടിക്കറ്റ് കൂടെ വേണം.. ഫസ്റ്റ് ക്ലാസ് ആയാലും ഓക്കേ ആണ്.. ബൈ..”

അത് പറഞ്ഞു അവൾ ഫോൺ വച്ച് അവന്റെ കൈപിടിച്ചു പുറത്തേക്ക് വന്നു.

“അനു.. ഇന്ന് ആര് വന്നാലും നീ ഡീൽ ചെയ്യണം…”