ഇവാ, An Angelic Beauty Part 5 [മാലാഖയുടെ കാമുകൻ] 1894

അവൻ അവളെ ചേർത്തുപിടിച്ചു.. ആശ്വസിപ്പിച്ചു..

***

പിറ്റേന്ന് റോക്ക് കോളേജിൽ കാത്തു നിന്നു..

അവൻ ഇവയെപ്പറ്റി ആലോചിച്ചു.. കത്തുന്ന പ്രണയം കാണാം അവളുടെ കണ്ണുകളിൽ എന്നാലും എന്തോ ഒരു മടി..

അവൾ വാശി കാണിക്കാതെ നോർമൽ ആയി പറഞ്ഞിരുന്നു എങ്കിൽ സമ്മതിച്ചേനെ.. അവൾ സങ്കടപെടുമ്പോൾ അവനും നോവാറുണ്ട്..

അവർ അങ്ങനെ നിൽക്കുമ്പോൾ ആണ് ഒരു ജീപ്പ് വരുന്നത് കണ്ടത്..

അതിന്റെ ഡ്രൈവിംഗ് സീറ്റിൽ ഇവാ ആയിരുന്നു.. വണ്ടി വന്നു നിന്നു..

അതിൽ നിന്നും ഡാനി ഇറങ്ങി..

ചട്ടയും മുണ്ടും ഉടുത്തു ഇറങ്ങിയ ഡാനിയെ കണ്ടപ്പോൾ കോളേജ് മുഴുവൻ വിറങ്ങലിച്ചു നിന്നു..

പിള്ളേർ വാ പൊളിച്ചു റോക്കിനെ ആണ് നോക്കിയത്.. പകരം വീട്ടി എന്ന് ചിലർ പിറുപിറുത്തു..

കോളേജിനെ വിറപ്പിച്ചുകൊണ്ടിരുന്ന ഒരുവൻ ചട്ടയും മുണ്ടും ഇട്ടു ഒരു കോട്ടയംകാരി അച്ചായത്തിയെപോലെ വന്നു ഇറങ്ങിയത് കണ്ടപ്പോൾ കുട്ടികൾ അലറി ചിരിച്ചു..

ഡാനി ആരെയും മൈൻഡ് ആക്കിയില്ല..

“നെക്സ്റ്റ് ടാസ്ക്..?”

ഇവാ വന്നു മുൻപിൽ നിന്നപ്പോൾ റോക്കിന് ഒന്നും പറയാൻ ഇല്ലായിരുന്നു.. ഡാനി അവനെ ഒന്ന് നോക്കി അടുത്തേക്ക് വന്നു..

“നന്നായി ചേരുന്നുണ്ട് അച്ചായോ…”

റോക്ക് പുഞ്ചിരിയോടെ പറഞ്ഞു..

“ഇത്രയൊക്കെ ചെയ്തിട്ടും അവൾ ഈ ടാസ്ക് ജയിച്ചു കഴിഞ്ഞു വാക്ക് മാറിയാൽ.. കൊല്ലും ഞാൻ…നിന്നെ..എന്റെ അനിയത്തി എനിക്ക് ജീവനാണ്..”

അവൻ അത് ശാന്തമായി പറഞ്ഞിട്ട് ക്ലാസ്സിലേക്ക് പോയപ്പോൾ പിള്ളേരും അവന്റെ പുറകെ പോയി.

അവൻ ചിരി അടക്കി ഇവയെ നോക്കി.. അവൾ അവനെ നോക്കി നിൽക്കുകയായിരുന്നു..