ഇവാ, An Angelic Beauty Part 5 [മാലാഖയുടെ കാമുകൻ] 1894

ഇടക്ക് ഫുഡ് കഴിക്കാൻ നിർത്തിയപ്പോൾ അവൾ പെൺകുട്ടികളുടെ ഇടയിൽ ആണ് ഇരുന്നത്.

“അപ്പോൾ അതിനൊരു തീരുമാനം ആയി.. ഇത് നിന്റെ മിസ്റ്റേക്ക് ആണ് റോക്ക്.. നിനക്ക് വേണ്ടി അവൾ അവളുടെ ചേട്ടനെ വരെ വേഷം കെട്ടിച്ചു.. ആൻഡ് ലുക്ക് അറ്റ് യു.. എല്ലാം പോയപ്പോൾ അവന്റെ ഒരു വിഷമം.. കോപ്പ്..”

ജോൺ പറഞ്ഞത് കേട്ടപ്പോൾ അവനൊന്നും മിണ്ടിയില്ല.. കഴിക്കാതെ എഴുന്നേറ്റ് പോകാൻ നോക്കിയപ്പോൾ ആണ് ഭദ്രയുടെ വാക്കുകൾ മനസ്സിൽ വന്നത്..

“മോനു.. ഭക്ഷണം. അത് മൂന്ന് നേരം കിട്ടുന്നവർ എത്ര ഭാഗ്യവാന്മാർ ആണെന്ന് അറിയാമോ..? ഒരിക്കലും കളയരുത്.. നമ്മൾ തന്നെ വയറു നിറച്ചു തിന്നാൻ കൊതിച്ചിട്ടില്ലേ..?”

അവൻ അവിടെ തന്നെ ഇരുന്നു.. പാളി ഇവയെ നോക്കി. അവൾ എന്തൊക്കെയോ പറഞ്ഞു ചിരിക്കുന്നു.. അവനെ നോക്കിയതുകൂടെ ഇല്ല..

അവൻ വേദനയോടെ കഴിക്കാൻ തുടങ്ങി.. മുഴുവനും കഴിച്ചു തീർത്തശേഷം ആണ് എഴുന്നേറ്റത്..

ബാംഗ്ലൂർ എത്തി.. റൂമുകൾ തയാറായിരുന്നു.. എല്ലാവരും അന്ന് കിടന്ന് ഉറങ്ങി എങ്കിലും ആ കൂട്ടത്തിൽ രണ്ടുപേർക്ക് ഉറക്കം ഇല്ലായിരുന്നു..

രാവിലെ ഒരൊരൊ സ്ഥലങ്ങൾ വിസിറ്റ്‌ ചെയ്യാൻ തുടങ്ങി. പല സ്ഥലങ്ങൾ..

എവിടെയും ശ്രദ്ധിക്കാൻ റോക്കിന് കഴിഞ്ഞില്ല.. അവൻ സംസാരിക്കാൻ ശ്രമിച്ചു എങ്കിലും ഇവാ ഒഴിഞ്ഞു മാറി..

ഒരു മാളിൽ കറങ്ങി നടന്ന് എന്തൊക്കെയോ വാങ്ങുന്ന ഇവയുടെ പുറകെ റോക്ക് ചെന്നു..

“ഹെലെൻ..?”

“വാട്ട്..?”

അവൾ ഒരു പരിചയവും ഇല്ലാത്തത് പോലെ അവനെ നോക്കി..