ഇല്ലിക്കൽ 1[കഥാനായകൻ] 471

ഉണ്ണികൃഷ്ണൻ: “നിങ്ങൾ എപ്പോ എത്തി?”

ജിത്തു :”ഞങ്ങൾ ഇപ്പോൾ എത്തിയുള്ളു അച്ഛാ. ”

സിദ്ധാർത്തൻ : “അപ്പോൾ നാളെ തിരിച്ചു പോകുവോ അതൊ കുറച്ചു നാൾ ഉണ്ടാകോ?”

ജിത്തു: “നാളെ തിരിച്ചു പോകണം അച്ഛാ ഓഫീസിൽ കുറച്ചു കാര്യങ്ങൾ ഏൽപ്പിക്കാൻ ഉണ്ട് അതുപോലെ നിങ്ങളോട് എല്ലാവരോടും കുറച്ചു കാര്യങ്ങൾ പറയാനും ഉണ്ട്.”

ഉണ്ണികൃഷ്ണൻ: “എന്താടാ സംഭവം? എന്തെങ്കിലും പ്രശ്നം ഉണ്ടോ?”

ജിത്തു: “ഒന്നുമില്ല അച്ഛാ എല്ലാവരും ഉള്ളപ്പോൾ പറയാം.”

സിദ്ധാർത്തൻ: “എന്നാ ഞാൻ പോയി ഒന്ന് കുളിക്കട്ടെ. രാവിലെ നടന്നത് കൊണ്ട് നല്ലോണം വിയർത്തു അതുപോലെ നല്ല വിശപ്പും ആയി.”

ജിത്തു: “ഞാനും വരുന്നു അച്ഛാ ലതയമ്മ രാവിലെ അവിടെ നിന്നും കഴിച്ചാൽ മതി എന്ന പറഞ്ഞത്.”

ഉണ്ണികൃഷ്ണൻ: “എന്നാ അങ്ങനെ ആവട്ടെ.”

ജിത്തുവും സിദ്ധാർത്തും കൂടി സൈഡ് ഗേറ്റ് കടന്നു അടുത്തുള്ള വീട്ടിൽ കയറി. ഉണ്ണികൃഷ്ണൻ അകത്തേക്ക് കയറിയപ്പോൾ തന്നെ കാർത്തുവിനെ കണ്ടു വിശേഷം തിരക്കി ഫ്രഷ് ആവാൻ പോയി.

രാവിലെ ഭക്ഷണം കഴിക്കാൻ ഇരുന്നപ്പോൾ ആണ് കാർത്തുവിന് ജിത്തുവിനെ കയ്യിൽ കിട്ടിയത്. അവൾ മുഖം വീർപ്പിച്ചു ഭക്ഷണം കഴിക്കുന്നത് കണ്ടു ലതിക ചോദിച്ചു.

ലതിക: “നിനക്ക് എന്ത് പറ്റി മുഖം കടന്നൽ കൊണ്ട പോലെ വീർത്തു ഇരിക്കുന്നത്.”

ജിത്തു: “മുരിങ്ങക്കായ കൊണ്ട് തല്ല് കൊണ്ടാൽ കടന്നൽ കുത്തോ?”

ജിത്തുവിന്റെ ചോദ്യം അവളുടെ ദേഷ്യം കൂട്ടി.

ലതിക: “നി ഇത് എന്തൊക്കെ ആണ് പറയുന്നത് മുരിങ്ങക്കായയോ?”