ഇല്ലിക്കൽ 1[കഥാനായകൻ] 473

ജിത്തു കാർത്തുവിനോട് ബാക്കി പാക്കിങ് ചെയ്യാൻ ഏല്പിച്ചു ഉണ്ണിയുടെ കൂടെ പോയി. കുറച്ചു ദൂരം നടന്നിട്ടും രണ്ടു പേരും ഒന്നും മിണ്ടിയില്ല.

ഉണ്ണി: “നിങ്ങൾ അവിടെ എത്തിയിട്ട് എങ്ങനെ ആണ് പോകുന്നത്?”

ജിത്തു: “അച്ഛാ അവിടെ ട്രെയിൻ ഇറങ്ങുമ്പോൾ തന്നെ നമ്മളെ പിക്ക് ചെയ്യാൻ ആളെ അനൂപ് ഏർപ്പാട് ആക്കിയിട്ടുണ്ട്. പിന്നെ അവൻ റൂമും എല്ലാം ഏർപ്പാട് ആക്കിയിട്ടുണ്ട് എന്നാണ് പറഞ്ഞത്.”

ഉണ്ണി: “അപ്പോൾ കുഴപ്പമില്ല. പിന്നെ നി ചോദിച്ചതിന് മറുപടി വേണ്ടേ? നിങ്ങൾ അവിടെ പോകുന്നതിന് ഞാൻ എതിർ നിൽക്കുന്നില്ല പക്ഷെ ഒരു കാരണവശാലും എന്റെ വീട്ടുമ്പേര് അവിടെ ആരോടും പറയരുത്. അത് പറഞ്ഞാൽ നിങ്ങളുടെ ജീവന് പോലും അത് ഹാനി ആയി മാറും.”

ജിത്തു: “എനിക്ക് അറിയില്ലേ അച്ഛാ അതൊക്കെ ഞാൻ ഒരിക്കലും എന്റെ പേർസണൽ കാര്യങ്ങൾ വെളിപ്പെടുത്താൻ പോകില്ല പോരെ.”

ഉണ്ണി: “അത് മതി എന്നാ നമ്മുക്ക് തിരിച്ചു വീട്ടിലേക്ക് പോയാലോ?”

അതിനു സമ്മതം മൂളി അവർ തിരിച്ചു വീട്ടിലേക്ക് നടന്നു.

പാക്കിങ് എല്ലാം കഴിഞ്ഞ ശേഷം അവർ രണ്ടുപേരും റെഡി ആയി. അവരെ സ്റ്റേഷനിൽ ആക്കാൻ രണ്ടു അച്ഛന്മാരും കൂടി ഉണ്ടായിരുന്നു. കാർ ഓടിച്ചിരുന്നത് ഉണ്ണി ആയിരുന്നു. അവർ സ്റ്റേഷനിൽ എത്തി അധിക നേരം കാത്തുനിൽക്കാതെ തന്നെ അവർക്ക് ട്രെയിൻ കിട്ടി. എസി കമ്പാർട്മെന്റിൽ അവരുടെ സീറ്റുകളിൽ ബാഗുകൾ വച്ച ശേഷം തിരിച്ചു ഇറങ്ങുമ്പോൾ ഉണ്ണി വീണ്ടും ജിത്തുവിനോട് ആ കാര്യം ഓർമിപ്പിച്ചു. ജിത്തു അതിന് തലയാട്ടി സമ്മതിച്ചു. അവർ ട്രെയിൻ നീങ്ങുന്നത് വരെ അവരോട് സംസാരിച്ചു ഓരോന്നു ഓർമപ്പെടുത്തി.

ട്രെയിൻ പുറപ്പെട്ടത്തോടെ അവരോടു യാത്ര പറഞ്ഞു രണ്ടു പേരും അവരുടെ സീറ്റുകളിൽ വന്നിരുന്നു.

കാർത്തു: “എന്താണ് അച്ഛൻ ഇടക്ക് ഇടക്ക് മറക്കരുത് എന്ന് പറഞ്ഞത്?”

ജിത്തു: “അത് ഇല്ലിക്കലിനെ പറ്റി ആണ്.”