ഇരുൾ വഴികൾ [ഫ്ലോക്കി കട്ടേകാട്] 82

ഇരുൾ വഴികൾ

 

മഴ പെയ്തു തോർന്നതേയൊള്ളു….. ഹൈവേയിലൂടെ ചീറിപ്പായുന്ന വാഹനങ്ങളിൽ നിന്നും ചിതറിയ ജലകണങ്ങൾ  വൈഗയുടെ മുഖത്തു പതിച്ചു. റോഡ് ക്രോസ്സ് ചെയ്തു. തൊട്ടടുത്തെ ഇടുങ്ങിയ വഴിയിലേക്ക് വൈഗ നടന്നു…. തുലാമഴയിൽ കുത്തിയൊലിച്ചു വന്ന ചളി നിറഞ്ഞ മൺപാതക്ക് പക്ഷെ ചോരയുടെ ചുവപ്പാണെന്നു അവൾക്കു തോന്നി…..

 

ഇടുങ്ങിയ റോഡിനു വലതു വശത്തു നിറഞ്ഞ കുറ്റിച്ചെടികൾ മഴയിൽ കുതിർന്നു നിൽക്കുന്നുണ്ട്. കൊമ്പോടിഞ്ഞു വീണു കിടക്കുന്ന ചില ചെടികൾ ജീവനറ്റ് പോയത് പോൽ…. ഒടിഞ്ഞു ചതഞ്ഞു കിടക്കുന്ന ചെടികൾക്ക് അരികിൽ വൈഗ ഇരുന്നു…. കുറച്ചു നേരം അങ്ങനെ തന്നെ നോക്കിയിരുന്നു…..

 

പെയ്തൊഴിഞ്ഞ മഴയുടെ ബാക്കിയെന്നോണം തണുത്തു വീശുന്ന കാറ്റിൽ വൈഗയുടെ മുടിയിഴകൾ പാറി പറന്നു….. മറ്റൊരു ലോകത്തേക്കെന്ന പോൽ വൈഗ, കണ്ണുകൾ അടച്ചു……

 

“ഹേയ്…….. വൈഗ…………. “

 

പിന്നിൽ നിന്നുമുള്ള വിളിയിൽ അവൾ തിരിഞ്ഞു നോക്കി……

 

ദീപക്ക്!!!!!!

 

“നമുക്ക് പോകേണ്ടേ??? സമയം കുറച്ചായി!!!!!”

 

കയ്യിൽ കെട്ടിയ ഫാസ്റ്റ് ട്രാക്ക് വാച്ചിൽ ചൂണ്ടി അവൻ ആംഗ്യം കാണിച്ചു…..

 

“വരുന്നു…….. “

 

വൈഗ കൈ കൊണ്ട് ആംഗ്യം കാണിച്ചു കൊണ്ട്, അവിടെ നിന്നും എണീറ്റ് നടന്നു. ഹൈവെക്ക് അപ്പുറത്ത് ദീപക്ക്, തന്റെ റോയൽ എൻഫീൽഡ് ഹിമാലയത്തിൽ ചാരി നിന്നു….. വൈഗ ഇരു വശങ്ങളിലേക്കും നോക്കി വാഹനങ്ങൾ വരുന്നില്ല എന്ന് ഉറപ്പു വരുത്തി റോഡ് ക്രോസ്സ് ചെയ്തു……

“എന്താണ് ബ്രോ…. പോകണ്ടേ…… ഇതാണ് അവസാനത്തെ വിസിറ്റ്….. “

 

വൈഗ, ദീപക്കിനെ നോക്കി പുഞ്ചിരിച്ചു….. മഴ തുള്ളികൾ ചിത്രം വരച്ച ബൈക്കിന്റെ സീറ്റ് വലതു കൈകൊണ്ട് തുടച്ചു.  കയ്യിൽ പറ്റിയ വെള്ളത്തുള്ളികളെ കുടഞ്ഞു……

 

“ ഞാൻ ഓടിച്ചോട്ടെ……. “