ആദ്യ ചുംബനം…? [VECTOR] 209

“വല്യമാമ ആ ചെറിയമ്മ പെണ്ണിനോട് ഞാൻ എന്താ അരിയുന്നെ എന്ന് ചോദിച്ചതിന് എന്നെ ചീത്ത പറഞ്ഞ് ഓടിച്ചു വിട്ടു…”പറഞ്ഞ് തീർന്നതും കള്ളക്കരച്ചിൽ കരയാൻ തുടങ്ങി ദേവു…!!

“ഡീ പെണ്ണേ കള്ളം പറയുന്നോ…??”അടുക്കള വാതിൽക്കൽ നിന്ന് ചെറിയമ്മ കയ്യിൽ തവി പിടിച്ച് ചോദിച്ചതും നാവ് കടിച്ച് കൊണ്ട് അവൾ വല്യമ്മാമയുടെ പിറകിലേക്ക് ഒളിച്ചു…

“ന്നേ പേടിപ്പിക്കുന്നത് കണ്ടോ…”അയാളുടെ മറവിൽ നിന്ന് കൊണ്ട് തന്നെ അവൾ പറഞ്ഞതും രണ്ടുപേർക്കും ചിരി ഇങ്ങെത്തിയിരുന്നു…

“നിന്നെ ഇന്ന് ഞാൻ…!!”തവിയും പിടിച്ച് അവൾക്ക് പിറകെ അവർ ചെന്നതും ദേവു ഓടാൻ തുടങ്ങിയിരുന്നു…ഹാള് മുഴുവനും അവരെ കൊണ്ട് ഓടിപ്പിച്ചിട്ട് സ്റ്റെയർ ഇറങ്ങി വരുന്ന കാശിയുടെ അടുത്ത് ചെന്ന് അവന്റെ ഷിർട്ടിൽ തൊരുത് പിടിച്ച് കൊണ്ട് അവൾ ജലജയെ നോക്കി കൊഞ്ഞനം കുത്തി… കാശിയെ കണ്ടതും കളി മതിയാക്കി അവർ നേര്യതിന്റെ തുമ്പ് അരയിൽ തിരുകി കൊണ്ട് അവർ അടുക്കളയിലേക്ക് ചെന്നു…

കാശിക്ക് വല്ലാത്ത സങ്കടം തോന്നി…വല്യമാമയെ നോക്കിയതും ഒന്ന് ചിരിച്ച് കൊണ്ട് കണ്ണ് ചിമ്മി കാണിച്ച് കൊടുത്തു…ദേവൂനെ അയാളുടെ അടുത്ത് ആക്കി കൊണ്ട് അവൻ അടുക്കളയിലേക്ക് ചെന്നു…ഓരോന്ന് പിറുപിറുത്ത് കൊണ്ട് ജോലി ചെയ്യുന്ന ചെറിയമ്മയെ കണ്ടതും ഒന്ന് നീട്ടി ശ്വാസം വലിച്ച് കൊണ്ട് അവൻ അവർക്ക് അരികിൽ ചെന്ന് നിന്നു…

കാശി വന്നത് ഇടം കണ്ണ് കൊണ്ട് അവർ കണ്ടെങ്കിലും കൂടുതൽ ശക്തിയിൽ പാത്രം മുട്ടിയും ഉരസിയും അവർ പണി എടുത്തു…

*ചെറിയമ്മക്ക് എന്നോട് ദേഷ്യം ആണോ…??* പതിമൂന്ന് വർഷങ്ങൾക്ക് ഇപ്പുറം തന്നോട് ആദ്യമായി കാശി സംസാരിച്ചു…അവരുടെ ഹൃദയം വിങ്ങി പൊട്ടി…കണ്ണുകളുടെ ഓരത്ത് നീർത്തിളക്കം…!! എങ്കിലും കേട്ട ഭാവം പോലും നടിക്കാതെ അവർ പണി തുടർന്നു.

“ന്നോട് ക്ഷമിക്കണേ ചെറിയമ്മേ…അന്ന് കുഞ്ഞായിരുന്നപ്പോൾ… അറിയാതെ…”വാക്കുകൾക്കായവൻ പരതി… അവൻ പറയുന്നത് എന്താണെന്ന് കേൾക്കാൻ ജലജ ശ്രദ്ധയോടെ ചെവി കൂർപ്പിച്ചു…

“എന്നോട് പൊറുക്കണം…”പറഞ്ഞ് തീർന്നതും അവൻ അവരുടെ കാലിൽ വീണ് പോയിരുന്നു… ഞെട്ടി പോയിരുന്നു ജലജ… പിന്നെ ഒട്ടും സമയം കളയാതെ കാശിയെ എണീപ്പിച്ച് അവനെ ഇറുക്കി പുണർന്ന് കൊണ്ട് അലറി കരഞ്ഞു..ഉറക്കെ ഏറെ ഉറക്കെ.. !! കാശിയും കരയുകയായിരുന്നു…