ആദ്യ ചുംബനം…? [VECTOR] 209

“ഞാൻ ദൂരെ നിന്ന് ഒന്ന് കണ്ട് പൊക്കോളാം പെണ്ണേ..” കുറേ എതിർത്തെങ്കിലും അവന്റെ പ്രേമം നിറഞ്ഞ വാക്കുകളിൽ അവൾക്ക് സമ്മതം അറിയിക്കേണ്ടി വന്നു…വാതിൽ കൊളുത്ത് അഴിച്ച് പുറത്തേക്ക് ഇറങ്ങിയതും തന്നെയും കാത്ത് ബൈക്കിന്മേൽ ചാരി ഇരിക്കുന്ന കിച്ചുവിനെ കണ്ടതും അവൾ അവന് ഒന്ന് ചിരിച്ചു കൊടുത്തു… ചുറ്റും ആരും ഇല്ലെന്ന് ഉറപ്പ് വരുത്തി കിഷോർ വേഗം തന്നെ ഗേറ്റ് കടന്ന് മുറ്റത്തേക്ക് കയറിയതും ദേവു പേടി കൊണ്ട് അങ്ങോട്ടും ഇങ്ങോട്ടും കണ്ണുകൾ പായിച്ചു…

“ഒരാൾ വന്നാൽ പുറത്ത് തന്നെ നിർത്തുകയാണോ ചെയ്യുക അകത്തേക്ക് ക്ഷണിക്കുക ഒന്നും ചെയ്യില്ലേ നീ…”

“കിച്ചേട്ടാ ആരെങ്കിലും കാണും..!”വാക്കുകളിൽ ഭയം…

“ആരും കാണില്ലെടി…”പറഞ്ഞ് കൊണ്ട് തന്നെ അവൻ അകത്തേക്ക് കയറി..ദേവൂന് പേടി കൊണ്ട് എന്താ ചെയ്യേണ്ടത് എന്ന് അറിയാതെ അവന് പിറകെ അവളും കയറി… വെപ്രാളം കൊണ്ട് ഡോർ ചാരിയാതെ ഒള്ളു…ഇടം കണ്ണ് കൊണ്ട് അത് കണ്ട കിഷോർ ഉള്ളിൽ ഊറി ചിരിച്ചു…

__________________••••

*തെക്കേതിലെ പ്രഭാകരന്റെ മകളെ ആരെക്കെയോ വീട്ടിൽ കയറി പീഡിപ്പിച്ചു പോലും…പാവം കുട്ടി രണ്ടീസം ആയി ബോധം പോയി കിടക്കുകയാ…കെട്ടാൻ പോവുന്ന ചെക്കനും കൂട്ടുകാരും ആ വീട്ടിൽ നിന്നും ഇറങ്ങി പോവുന്നത് തെങ്ങ് കയറ്റക്കാരൻ രാമു കണ്ടത്രേ…!!* വഴിയിലൂടെ നടന്ന് പോവുന്ന രണ്ട് സ്ത്രീകൾ പരസ്പരം പറയുന്നത് കേട്ട് കലുങ്കിൽ കിടന്ന് തലക്ക് മീതെ കൈ വെച്ച് കിടക്കുന്ന കാശി ഞെട്ടി പിടഞ്ഞ് എണീറ്റു…കേട്ടത് ഒന്നും സത്യം ആവരുതേ എന്ന് പ്രാർത്ഥിച്ച് കൊണ്ടവൻ ദേവൂന്റെ വീട് ലക്ഷ്യം വെച്ച് ഓടി..

കുറേ വയറുകൾക്കിടയിൽ മരണത്തോട് മല്ലിട്ട് കിടക്കുന്ന തന്റെ പ്രണയത്തേ കണ്ടതും ഹൃദയം കൊത്തി മുറിച്ചത് പോലെ തോന്നി അവന്…അനുസരണ കാട്ടാതെ കണ്ണുകൾ പെയ്ത് കൊണ്ടിരുന്നു..ചുവരിൽ ചാഞ്ഞ് കൊണ്ട് നിലത്തേക്ക് ഊർന്ന് ഇരുന്ന് കൊണ്ടവൻ കൊച്ച് കുഞ്ഞുങ്ങളെ പോലെ തേങ്ങി കരഞ്ഞു..