ആതിര 4 [ആദിത്യൻ] 129

അത്ര നേരം ഇതൊക്കെ നോക്കിനിന്ന ആസിഫ് എന്റെ ദേഹത്തു പുള്ളി കൈവച്ചപ്പോ കേറി ഇടപെട്ടു കൈവിടുവിക്കാൻ ശ്രെമിച്ചു അതിനിടയ്ക് വേണ്ടെട്ടാ,,പ്ലീസ് ഏട്ടാ എന്നൊക്കെ അവൻ പറയുന്നുണ്ട്

അവന്റെ കെഞ്ചിയുള്ള സംസാരം കേട്ടു പിടിവിട്ടു,, നോട്ടം കൊണ്ട് എനിക്ക് വീണ്ടും ഒരു വാർണിങ് തന്നു അവൻ പോയി

തിരിച്ചു വീട്ടിലേക്ക് പോകുമ്പോൾ ആസിഫ് എന്നെയെന്തെക്കൊയോ പറഞ്ഞു ആശ്വസിപ്പിക്കാൻ ശ്രെമിച്ചു,, പക്ഷെ അതൊന്നും ഞാൻ കേട്ടില്ല നാണക്കേട് തോന്നി,എന്റെ ദേഹത്തു ഒരുത്തൻ കൈവച്ചു,, അവസാനമായി ഒരുത്തൻ എന്റെ ദേഹത്തു കൈവച്ചത് കഴിഞ്ഞ വർഷം പഠിക്കുമ്പോഴാണ് അതിന് ശേഷം ഒരുത്തനും ധൈര്യം വന്നിട്ടില്ല,,വച്ചവന്റെ തല ഞാൻ ചുമരിനോട് കൂട്ടിയടിച്ചു പിള്ളേര് തമ്മിലെ വഴക്ക് ഷർട്ടിൽ കുത്തിപ്പിടിക്കലും ഉന്തലും തള്ളലും മാത്രം കണ്ടിട്ടുള്ള പിള്ളേർക്ക് അതു പുതിയ കാഴ്ചയല്ലേ.. ദേഷ്യം വന്നാൽ ഞാൻ എങ്ങനെ പ്രീതികരിക്കും എന്നറിയാത്തോണ്ട് ആരും അതിന് ശേഷം കാര്യമായ ഒരു വഴക്കിനു വന്നിട്ടില്ല ഞാൻ പോയിട്ടുമില്ല,,തമാശയ്ക്കുള്ള ഉന്തലും തള്ളലും ഒഴിച്ച്,, അങ്ങനെയുള്ള എന്റെ ദേഹത്തു ഒരുത്തൻ കൈവച്ചിട്ടുപോയി അതെന്റെ ഈഗോയെ ആണ് തോട്ടത്,, പക്ഷെ പറഞ്ഞിട്ട് കാര്യമില്ല അവൻ എന്നേക്കാൾ ശക്തനാണ് പിന്നെ കാര്യം ഇതുമാണ് പുറത്തു അറിഞ്ഞാൽ അവളുടെ അവസ്ഥ

പേടി തോന്നി ഇപ്പ്രാവശ്യം അവളെ മാത്രം ആലോചിച്ചു അല്ല എന്റെയും അവസ്ഥ ആലോചിച്ചാണ്…അച്ഛൻ അറിഞ്ഞാൽ?? സ്കൂളിൽ വില്ലാളി വീരൻ ആയാലും അച്ഛന് ഞാൻ കുഞ്ഞാവയല്ലേ എടുത്തു ഉടുത്തു കളയും എന്നെ

അന്ന് വീട്ടിൽ എത്തിയ ശേഷം പുറത്തുപോയ അച്ഛൻ തിരിച്ചു വന്നത് കണ്ടു പേടിച്ചു വിറച്ചു ഞാൻ നോക്കിയിരുന്നു,, അച്ഛൻ വല്ലോം അറിഞ്ഞോ? കുഴി വെട്ടേണ്ടി വരുമോ എന്നൊക്കെ ആയിരുന്നു എന്റെ ചിന്ത മുഴുവൻ

ഫോണിൽ ഞാൻ അന്ന് നോക്കിയില്ല ആസിഫിന്റെ മെസ്സേജ് ഉറപ്പായും കാണും ആ നാണക്കേട് മറക്കാൻ പറ്റുന്നില്ല,,ചിലപ്പോൾ ഉറങ്ങി എഴുന്നേറ്റൽ മാറിയേക്കും

രാത്രി ഭക്ഷണവും കഴിച്ചു ഞാൻ കേറി കിടന്നു,, ടീവി കാണാൻ ഒന്നും നിന്നില്ല,, അല്ല ലൈഫ് തേഞ്ഞൊട്ടി നിക്കുമ്പോ എന്ത് ടീവി എന്ത് മൊബൈൽ

നാളെയാവാൻ വേണ്ടി കൊതിച്ചു ഞാൻ ഉറങ്ങി,, അവളെ കാണാൻ അല്ലാതെ ഒരു ദിവസം കൊണ്ട് സ്കൂളിനോട്‌ സ്നേഹം വന്നതല്ല ??

പക്ഷെ ഞാൻ അറിഞ്ഞില്ല,, ഇപ്പൊയുള്ള നാണം കെടൽ ഒന്നും ഒന്നുമല്ല മോനെ,, ഇനിയാണ് കെടാൻ പോവുന്നത് എന്ന്