അപരാജിതൻ 49 5341

പെൺകുട്ടികൾ ഭയന്നുറക്കെ നിലവിളിക്കുവാനാരംഭിക്കും മുന്നേ തന്നെ , അവർ ആ പെൺകുട്ടിയെ മുറുകെ പിടിച്ചു വലിച്ചു വാനിനടുത്തേക്ക് വലിച്ചിഴച്ചു.

ഭാർഗ്ഗവയില്ലത്തെ സന്തതിയായ  വൈഗയെ.

വൈഗ വലിയവായിൽ അലറിക്കരഞ്ഞു.

തന്നെ മുറുകെ പിടിച്ചവരുടെ കൈ അയയ്ക്കാൻ അക്ഷീണം പരിശ്രമിച്ചു.

അവരുടെ ബലത്തിനുമൊപ്പം നിൽക്കാൻ അവൾക്ക് സാധിച്ചില്ല.

അതിവേഗമവർ വൈഗയെ വാനിലുള്ളിലേക്ക് തള്ളികയറ്റി അവരും കയറി വാതിലടച്ചു.

ആ വാൻ അതിവേഗം അവിടെ നിന്നും പാഞ്ഞുപോയിരുന്നു.

നിമിഷങ്ങൾക്കുള്ളിൽ നടന്ന സംഭവമായതിനാൽ ഒരാൾക്കും പ്രതികരിക്കുവാൻ സാധിച്ചില്ല.

അവളുടെ കൂട്ടുകാരികൾ അലറിക്കരഞ്ഞു.

ആ കരച്ചിൽ കേട്ട് അവിടെ അടുത്തുള്ള കടകളിൽ ഉണ്ടായിരുന്നവരും ഓട്ടോക്കാരും ഓടിവന്നു..

ചീറിപാഞ്ഞു പോകുന്ന വാനിനുള്ളിൽ കിടന്നവൾ ഉച്ചത്തിലറിക്കരഞ്ഞു.

പക്ഷെ, അവളുടെ നിലവിളി കേൾക്കാനോ അവളെ സഹായിക്കാനോ ആരുമുണ്ടായില്ല.

@@@@@

മാവീരന്റെ ജീപ്പിൽ.

“ആരാ അണ്ണാ ,,ആരെയോ പൊക്കുന്ന കാര്യം പറഞ്ഞേ?” പിന്നിലിരുന്ന കൂട്ടാളി മാവീരനോട് ചോദിച്ചു.

മാവീരൻ മറുപടി പറയും മുന്നേ ഡ്രൈവർ മറുപടി പറഞ്ഞു.

“എടേ,,,അന്ന് നിന്നെയൊക്കെ ടാക്കീസിൽ ഒരുത്തൻ അടിച്ചും ഒടച്ചും ഇട്ടില്ലേ”

“ആ ,,ആ,,,അതും ഇതും എന്താ ” മനസിലാകാതെ പിന്നിലിരുന്ന ആൾ ചോദിച്ചു.

“നമ്മുടെ മുതലാളി, ആ ദല്ലാൾ മഞ്ജുളവർണ്ണനെ വിളിച്ചു അതാരെന്നു അന്വേഷിക്കാൻ ഏർപ്പാടാക്കിയിരുന്നു, അയാൾ അവിടത്തെ കണക്ഷനും ബന്ധങ്ങളും വെച്ചു ആ പെണ്ണ് പഠിക്കുന്ന കോളേജ് കണ്ടുപിടിച്ചു, അവിടെ തപ്പി ആ പെണ്ണിനേയും കിട്ടി,,ആ പെണ്ണിനെ പൊക്കാനായുള്ള പ്ലാനാണ് ഇപ്പോ നടത്തിയത്”

“അയ്യോ അണ്ണാ,അവളെ ഇങ്ങോട്ട് കൊണ്ടുവന്നാൽ പുറകെ അവളുടെ ആ ആളും വരുമോ,,അയ്യോ പേടിയാകുന്നല്ലോ ”

മാവീരൻ നീരസത്തോടെ പിന്നിലേക്ക് നോക്കി.

“ഇത് ടൗണല്ല,, മാവീരനോടെ ഒലകം,,ഒരു നായ പോലും ഇങ്ങോട്ട് വരില്ല, അവനറിയും മുന്നേ തന്നെ അവളുടെ ഒടലിൽ നമ്മൾ കയറി നിരങ്ങും, അവനിനി വന്നാലും ഒന്നുമില്ല, അവൻ ചാകും ,, നാനെ അവനെ സാവടിക്കും,, അതുക്കപ്പുറം എന്നാ…അവനെ വന്ത് പാക്കട്ടും”  ആത്മവിശ്വാസത്തോടെ മാവീരൻ പറഞ്ഞു.

അപ്പോഴേക്കും ജങ്കാർ അക്കര എത്തിയിരുന്നു.