അപരാജിതൻ 15 [Harshan] 9650

ചർച്ചക്കു വന്നപ്പോൾ  നരൻ  അതിനെ എതിർത്തു.അതിന്റെ ഒന്നും ആവശ്യമില്ല എന്ന് തന്നെ പറഞ്ഞു , ഇപ്പോൾ കൊടുക്കുന്ന പോലെ തന്നെ കൊടുക്കാം , എങ്ങനെ പോയാലും ഓരോ മാസവും മന്ത്രവാദിയെയും പരികർമ്മികളെയും വണ്ടി വിളിച്ചു കൊണ്ടുവരുന്നു , മൂന്നു ദിവസം താമസം ഭക്ഷണം അടക്കമുളള ചിലവുകൾ കൊടുക്കുന്നു , ദക്ഷിണ വേറെ  അതും എല്ലാ മാസവും , ഈ രീതിയിൽ ചെയ്യാൻ ആണെകിൽ മതി ,എന്ന് പറഞ്ഞു

“യക്ഷി സർവ്വശക്ത ആകുക ആണ് , ഇനി തളക്കാൻ വയ്യാത്ത അവസ്ഥയിൽ എത്തും എന്ന് മന്ത്രവാദി അറിയിച്ചതായി ഭവാനി അരുവാലർ അവിടെ പറഞ്ഞു

“”കഴിഞ്ഞ പത്തു  കൊല്ലമായി മുടങ്ങാതെ ഈ കർമ്മങ്ങൾ ചെയ്യുന്നു .  എന്നാൽ യക്ഷിയെ നേരിട്ട് കണ്ടിട്ടുമില്ല. ,,ഇനി നാട്ടുകാരുടെ ഒരു സമാധാനത്തിനു വേണ്ടി  ആണെങ്കിൽ ഇതേ പോലെ പൂജകൾ ചെയാം ,,എന്നുള്ളതല്ലാതെ ,, ഈ പൂജഒക്കെ നിർത്തണം എന്ന് മുന്നേ ഞാൻ ഈ നാട്ടുകൂട്ടത്തിൽ പറഞ്ഞത് ആണ് ,, അന്ന് എല്ലാവരുടെയും അഭിപ്രായം കൊണ്ട് ആണ് ഈ മന്ത്രവാദം നാട്ടുകൂട്ടം തീരുമാനിച്ചത് , നരന്‍ നാട്ടുക്കൂട്ടത്തിൽ അഭിപ്രായപ്പെട്ടു

“ഞാൻ എല്ലാം ഇവിടെ പറഞ്ഞിട്ടുണ്ട് , എനിക്ക് ഇതിൽ ഒരു ഉത്തരവാദിത്തവും ഇല്ല , ഇനി എന്തെങ്കിലും ബുദ്ധിമുട്ട് ഉണ്ടായാലും ഇതേ മന്ത്രവാദിക്കു മാത്രമേ യക്ഷിയെ തളക്കാൻ പറ്റുകയുള്ളു ,,,”എന്ന് ഭവാനി പറഞ്ഞു

“എന്ത് വന്നാലും താൻ അതിന്റെ ഉത്തരവാദിത്വം ഏറ്റു കൊള്ളാം എന്ന് നരനും പറഞ്ഞു.

എല്ലാവരും നരനെ  പിന്താങ്ങിയപ്പോൾ ഭവാനി അരുവാലർക്കു കൂടുതൽ ഒന്നും പറയാനും സാധിച്ചില്ല

ആദ്യം നരന്‍  , നാട്ടുകൂട്ടത്തിൽ അങ്ങനെ പോകൽ ഒക്കെ കുറവായിരുന്നു , ഇപ്പോൾ മണിയേട്ടൻ നാട്ടുക്കൂട്ടത്തിൽ കൂടുതൽ പോകുന്നത് കൊണ്ടും മറ്റുള്ളവർ പിന്താങ്ങുന്ന കൊണ്ട് ഭവാനീ അമ്മാ വുക്ക് വളരെ ദേഷ്യവും ഉണ്ട് , തന്റെ മേല്കോയ്മ ഇലാതെ ആകുന്നതിൽ , മുൻപ് അവർ പറഞ്ഞ അതിനപ്പുറത്തേക് ആരും ശബ്‌ദിക്കുക ഇല്ലായിരുന്നു , അവരെ ആരും ചോദ്യം ചെയ്യുകയും ഇല്ലായിരുന്നു

മണിയേട്ടൻ അവിടെ കൂടുതൽ ആക്റ്റീവ് ആയതോടെ ആ ബഹുമാനത്തിനു ഒക്കെ ഇടിവ് സംഭവിച്ചിട്ടുണ്ട്.

നാട്ടുകൂട്ടം പിരിച്ചു വിട്ടു

ഇറങ്ങാൻ നേരം

“മണി സ്വാമി ,,,,ഉങ്കൾ വിളയാട്ടു ,,അന്ത തേന്മൊഴി യക്ഷിക്കിട്ടെ വേണ്ട…”

എന്ന് മുന്നറിയിപ്പ് കൊടുത്തു

“ഏയ് ..ഇങ്ക വായാ ” എന്ന് മൂലയ്ക്ക് നിൽക്കുന്ന ഭർത്താവിനെ നോക്കി അലറി

“അയാൾ പേടിയോടെ ഓടി വന്നു

എന്നിട്ടു ചെരുപ്പ് താഴെ വച്ചുകൊടുത്തു

അവർ ആ ചെരുപ്പ് ധരിച്ചു

എന്നിട്ടു കുട ഉയർത്തി അവർക് പിടിച്ചു കൊടുത്തു

അവർ തന്റെ ഇമ്പാല കാറിൽ കയറി യാത്ര ആയി

അപ്പുവും നരേനും കൂടെ വണ്ടിയുടെ അടുത്തേക് നടക്കുമ്പോൾ

“മണിയേട്ട ..എന്നു വിളിച്ചു യമുന അടുത്തേക്ക് വന്നു

നരൻ മൈൻഡ് പോലും ചെയ്തില്ല

“,എന്താ ,മണിയേട്ടാ ,,ഇങ്ങനെ ,,, ഫോൺ വിളിച്ചാലും ഒഴിവാക്കും , നേരിട്ടു കണ്ടാലും ഒഴിവാക്കും,,എത്ര നാൾ ആയി മണിയേട്ടാ ഞാൻ ഈ നടപ്പു നടക്കുന്നത് ഇങ്ങനെ മണിയേട്ടന്റെ പുറകെ ..”

അതുകേട്ടു അപ്പു ചിരിച്ചു

“നരൻ ഇത്തിരി കോപത്തോടെ അപ്പുവിനെ നോക്കി , പെട്ടെന്ന് അവന്റെ ചിരി നിന്നു

“ഞാൻ നിന്റെ അടുത്ത് നടക്കാൻ പറഞ്ഞില്ലല്ലോ ,,,”

“പറഞ്ഞാലും പറഞ്ഞില്ലേലും ഞാൻ നടക്കും ,,, അതെ വീട്ടില് കല്യാണം കഴിക്കാൻ പറഞ്ഞു വലിയ ,ബഹളമാ ,, അടുത്ത ആഴ്‌ച ഒരു കൂട്ടർ വരും ,,എന്നെ കാണാൻ ,,”