അപരാജിതൻ 15 [Harshan] 9629

“അല്ല കൊച്ചെ ,, ഞാൻ ഈ വെറുതെ പറയുന്നതേ ഉള്ളു അല്ലോ , കൊച്ചീ പഴം പുഴുങ്ങിയ പോലെ ഇരുന്നാൽ എങ്ങനെ ആണ് ”

“ഞാൻ ,,,,,ഞാൻ എല്ലാം കേട്ടിരിക്കുക ആയിരുന്നു ”

“ദേ ,,,,കുയിലിന്റെ ശബ്ദം ,,, ഇത് തനി പെണ്ണ് തന്നെ ”

“എന്നാലും ഒരു ഹിജഡ ആണെന്ന് വിചാരിക്കാൻ പറ്റുന്നെ ഇല്ല ,, ”

“ആരും ഇങ്ങനെ ജനിക്കുന്നതൊന്നുമല്ല സാറെ,,, ആണായും പെണ്ണായും ജനിക്കും , ചിലർ ആണിന്റെ ഉടലും പെണ്ണിന്റെ മനസുമായും ജീവിക്കും , ചിലർ പെണ്ണിന്റെ ഉടലും ആണിന്റെ മനസുമായും ജീവിക്കും , ഇനി മറ്റു ചില൪ ആണെങ്കിൽ പാതി പെണ്ണും പാതി ആണും ആയി ശരീരത്തിലും മനസു പെണ്ണിന്റെയും ആയി ജീവിക്കും , അവസാനം പറഞ്ഞത് തന്നെ ആണ് ഞാൻ ,,, ഒരു നീചജന്മം,,, എല്ലായിടത്തു നിന്നും പരിഹാസങ്ങൾ ഏറ്റു വാങ്ങി , ‘അമ്മ ഒഴിച്ച് അച്ഛനും സഹോദരങ്ങൾക്കും ഒക്കെ ഞാൻ ഒരു അധികപറ്റു തന്നെ ആയിരുന്നു , ഒടുവിൽ പത്തൊൻപതാം വയസിൽ വീട് വിട്ടിറങ്ങി, കുറെ അലഞ്ഞു ഒടുവിൽ ഇവിടെ എത്തിചേർന്നു ,,മൂന്ന് കൊല്ലത്തോളം ഒരുപാട് തെണ്ടിയും ദേഹം വിറ്റും ഒക്കെ ആണ് കിട്ടുന്ന പൈസ പെരിയമ്മയെ ഏല്പിച്ചത് , എന്നാലും മനസിൽ കണക്കുണ്ടായിരുന്നു , അവരുടെ പരമ്പരാഗത കർമ്മങ്ങളിൽ താൽപര്യം ഇല്ലാത്തോണ്ടാ രത്നഗിരിയിൽ ഒരു പ്ലാസ്റ്റിക് സർജനെ കണ്ടത്  , എല്ലാം കൂടെ മൂന്നു ലക്ഷം രൂപക്ക് സർജറി ചെയ്തു തരാം എന്നുപറഞ്ഞു , അത് അവിടെ പറഞ്ഞപ്പോൾ പെരിയമ്മ കൈമലർത്തി , ഒടുവിൽ ഒരു രൂപ പോലു൦ എനിക്ക് തന്നില്ല ,, ചതിക്ക പെടുക ആണ് എന്ന് മനസിലാക്കിയപ്പോ ആണ് സർജറിക്ക് ആവശ്യമായ തുക എടുത്തുകൊണ്ടു അവിടെ നിന്നും ഓടിയത് , രത്നഗിരിക് ബസ് കാത്തു നിന്നപ്പോൾ ആണ് അവർ പിന്തുട൪ന്നു വന്നു ആ കാശ് കൊണ്ടോയത്”

ആദി എല്ലാം മൂളി കേട്ട്

അപ്പോളേക്കും ചോലവാരം ബസ്സ്റ്റോപ്പ് എത്തിയിരുന്നു

“ഒരുപാട് ഒരുപാട് നന്ദിയുണ്ട് , എനിക്ക് സർജറിക്കാവശ്യമായ  മൂന്നുലക്‌ഷം മാത്രം മതിയാകും , ബാക്കി സാർ വെച്ചോ,,അവൾ ബാക്കി ഉള്ള കാശ് അവനു നേരെ നീട്ടി ”

“ആദി ഒന്നുചിരിച്ചു , മൂന്ന് ലക്ഷം സർജറി , അത് കഴിഞ്ഞു മരുന്നുകൾ , ചിലവുകൾ , ഹോർമോൺ ട്രീറ്റ്മെന്റ് അങ്ങനെ പലതും ഇല്ലേ ,, ഇതിനൊക്കെ കാശ് വേണ്ടേ ,,, അതോണ്ടു തന്നെ ആണ് ഇത്രയും എടുത്തത് , അതൊക്കെ കൊച്ചു തന്നെ വെച്ചോ ,,,”എന്നുപറഞ്ഞു ആദി ഒരു കവർ അവൾക്കു കൊടുത്തിട്ടു പണം അതിൽ ഇട്ടു വെക്കാൻ പറഞ്ഞു.

അവൾ അത് അനുസരിച്ചു

“എന്നെ ഇവിടെ ഇറക്കിയാൽ മതി, ബസ് കിട്ടും ഇവിടെ നിന്ന്, ഒരുപാട് നന്ദി ഉണ്ട് സാറിനോട് , ഒരിക്കലും മറക്കാൻ ആകാത്ത ഉപകാരം ആണ് ചെയ്തത് ”

‘ഹോ നന്ദി ഒന്നും വേണ്ട ,, എന്തായാലും ഒരുപാട് നാളത്തെ ആഗ്രഹം അല്ലായിരുന്നോ , അത് നല്ലപോലെ നടക്കട്ടെ , മഹാദേവൻ അനുഗ്രഹിക്കട്ടെ ,, ഇവിടെ മതിയോ ”

“ഇവിടെ മതി ,, ബസ് വരും ,, അവൾ ജീപ്പിൽ നിന്നും പുറത്തേക് ഇറങ്ങി,, എന്നിട്ടു കൈകൾ കൂപ്പി നിറഞ്ഞ കണ്ണുകളോടെ നന്ദിപറഞ്ഞു”

“ബസ് വരുന്ന വരെ ഞാൻ നിൽക്കണോ ,, ”