അപരാജിതൻ 15 [Harshan] 9629

“ഏതു വലിയ പാപനാശിനി പുഴയിൽ കൊണ്ടുപോയി പാറുവിന്റെ വസ്തുക്കളല്ലേ ഒഴുക്കിക്കളയാൻ സാധിക്കൂ,,അവളെ അങ്ങനെ പാടെ അപ്പൂന്റെ മനസ്സിൽ നിന്നും പറിച്ചു കളയാൻ സാധിക്കോ ,,, എനിക്ക് തോന്നണില്ല,,, അപ്പു സ്വയം അറിഞ്ഞുകൊണ്ട് തന്നെ മനസിൽ ഒരു മൂടുപടം ഇട്ടതാണെന്നേ എനിക്കു തോന്നുന്നുള്ളൂ ,,അപ്പുവിന്റെ കാര്യങ്ങൾ ഇത്രത്തോളം പറഞ്ഞിടത്തോളം എനിക്ക് അങ്ങനെ തന്നെയാ തോന്നുന്നത്,,”

ആദി കുറച്ചു നേരം ചിന്നുവിനെ നോക്കി.

“അറിയില്ല ,,,അങ്ങനെ ഒകെ ആണോ എന്ന് ,,, പക്ഷെ ഞാൻ ശ്രമിക്കുക ആണ് , ശ്രമിച്ചു കൊണ്ടിരിക്കുക ആണ്”

” ഇന്നലെ പാറു അപ്പൂന്റെ അടുത്ത് വന്നു കൂട്ടാകുമോ എന്ന് ചോദിക്കുമ്പോ , ദേവികയുമായി അപ്പൂന് ഉള്ള കൂട്ട് അവളെ അലോസരപ്പെടുത്തുമ്പോ , അപ്പുവിന്റെ best ഫ്രണ്ട് ആകണം എന്ന് വാശി പിടിക്കുമ്പോ ,,ഇതൊക്കെ ആരോ തീരുമാനിച്ചു വെച്ച പോലെ ,, ഒരുപക്ഷെ ‘അമ്മ പറഞ്ഞത് സത്യമാകാൻ ഉള്ള പോലെ ആണോ എന്ന് ,,,ഒരു തോന്നൽ…അപ്പു നാളെ പാറു അപ്പുനോട് പറയുക ആണ് ,, ശിവയെ വേണ്ട എനിക്ക് അപ്പുനെ മതി എന്ന് ,,,,,,,,,,അങ്ങനെ എങ്കിൽ അപ്പു പാറൂനെ സ്വീകരിക്കില്ലേ ”

“ഇല്ല ,,,,,,,,,,,,,അതൊരിക്കലും ഉണ്ടാകില്ല,,, ”

“അതെന്താ ,,,,

“കുറെ നാൾ ഒരാളെ പ്രാണനെ പോലെ കൊണ്ട് നടക്കുക , അത് കഴിഞ്ഞു അയാൾ വേണ്ട , ഇയാൾ മതി ,,എന്നു പറയുക ,,, അതൊന്നും എനിക്ക് ചിന്തിക്കാൻ പോലും പറ്റില്ല ,, എന്റെ അച്ഛൻ അമ്മയെ ഒരുപാട് ഇഷ്ടമായിരുന്നു , അമ്മക്ക് എന്ന ആദ്യം അങ്ങനെ ഒന്നും ഉണ്ടായിരുന്നില്ല , പിന്നെ പതുക്കെ ഇഷ്ടമായി തുടങ്ങി ,, ഞാൻ അവരെ കണ്ടേ പഠിച്ചിട്ടുള്ളു ,,അതുകൊണ്ടു തന്നെ ,,ഇനി അവളൊരിക്കലും എന്റെ ലൈഫിലെ ഉണ്ടാകില്ല ,,, എനിക്ക് ഒരു രണ്ടാമ൯ ആകാൻ ഒരിക്കലും താല്പര്യമില്ല”

“ഇതൊക്കെ ഈ കുഞ്ഞുനാവിൽ വലിയ വർത്താനം പറയുന്നതല്ലേ ,, നമുക് കണ്ടറിയാം” ചിന്നു ചിരിയോടെ പറഞ്ഞു

“ഒന്നും കണ്ടറിയാൻ ഇല്ല ചിന്നു ,,ഞാൻ ഒന്നു തീരുമാനിച്ച , അത് തീരുമാനിച്ചതാ,,,നമുക് തിരിച്ചാലോ ”

“ആ ശരിയാ ,,, നമുക് പുറപ്പെടാം ”

അങ്ങനെ അവർ മുസലാഹള്ളിയിൽ നിന്നും പുറപ്പെട്ടു

ഉച്ചക്ക് ഒന്നര മണിയോടെ അവർ ചെന്നുവാടിയിൽ എത്തി

അവിടെ ഇറങ്ങി

അടുത്തുള്ള ബാങ്കിൽ കയറി , ചിന്നുവിന്റെ  ബാങ്ക് അകൗണ്ടിൽ കാശ് നിക്ഷേപിച്ചു

അത്യാവശ്യത്തിനു ഇരുപതിനായിരം രൂപ കയ്യിൽ വെച്ചു.

പിന്നെ ഗാര്മെന്റ് ഷോപ്പിൽ കയറി ചിന്നുവിന് വേണ്ട വസ്ത്രങ്ങൾ എല്ലാം എടുത്തു.

ഒരു രണ്ടര മണിയോടെ എല്ലാ കാര്യങ്ങളും കഴിഞ്ഞു.

നേരെ അവർ ബസ്റ്റാന്റിൽ എത്തി.

അവിടെ നിന്നും കുറെ ദൂരം  ഉണ്ട് രത്നഗിരിയിലേക്ക് ,

അവർ അടുത്തുള്ള ഒരു ഹോട്ടലിൽ കയറി ഭക്ഷണം ഒക്കെ കഴിച്ചു.

അവർ ബസ് കാത്തു ഇരിക്കുക ആയിരുന്നു

“അപ്പൊ ,,, നമ്മൾ ഇനി കാണുമ്പോ നീ ഒരു ശരിക്കും പെൺകുട്ടി ആയി കാണട്ടെ ” അവൻ ചിന്നുവിനെ ആശംസിച്ചു.

അവൾ അതുകേട്ടു ചിരിച്ചു.