അപരാജിതൻ 15 [Harshan] 9652

“കൊഞ്ചാതേ കാര്യം പറ കോച്ചേ ,,എന്തിനാ വിളിച്ചത് ?”

“കൂട്ടാവാനാ ,,,,, അപ്പു കൂട്ടവതോണ്ട് ഒരുപാട് സങ്കടവാ ,,, ഞാന്‍ സോറി പറഞ്ഞതല്ലെ ,,,എന്നിട്ടും എന്നോടു ദേഷ്യം മാറ്റാത്തത് എന്താ അപ്പു ,,,,,,,,,,,,”

സത്യത്തില്‍ അവളുടെ സംസാരം കേള്‍ക്കുമ്പോ പാവം തോന്നുന്നുണ്ട്

എങ്കിലും ഇങ്ങനെ അവളോടു ചൂടായി സംസാരിക്കുമ്പോ ഉള്ളിലൊരു സന്തോഷവും

“എന്നെ ബെസ്റ്റ് ഫ്രെണ്ട് ആക്കോ അപ്പു ,,,,,,,,,,,,,,?”

“ഇല്ല ,,,,എനിക് ഇനി ഒരു ഫ്രെണ്ടും വേണ്ട ,,, ഉള്ളത് തന്നെ ധാരാളം ആണ് ,, ”

“അങ്ങനെ പറയല്ലേ അപ്പു ,,,,,,,,,,,,,,,,ഞാന്‍ അപ്പൂന്റെ ശ്രിയമോള്‍ അല്ലേ ,, സോറി ഒക്കെ പറഞ്ഞതല്ലെ”

“എനിക് ആരുടേയും സോറിയും വേണ്ട ,,ആരോടും സംസാരിക്കാനും തല്‍പര്യമില്ല ,,ഇനി എന്നെ വിളിക്കാനും നില്‍കണ്ട ,,”

“ഇങ്ങനെ കുറുമ്പു കാണിക്കല്ലേ ,അപ്പു ,,, കൂട്ടാകാതെ ഇരുന്നാ എനിക് ഉറങ്ങാന്‍ പോലും പറ്റില്ല..”

“പിന്നെ ,,,ഉറങ്ങാന്‍ പറ്റാത്ത ആള്‍ ,,ഒന്നു പോകുന്നുണ്ടോ ,,?”

അവള്‍ പിന്നേയും അവനോടു സംസാരിക്കാന്‍ ശ്രമിച്ചു

“അപ്പു ,,പിന്നെ ,, ആ ഡാനിയെ  ഹോസ്പിറ്റലില്‍ നിന്നും ഡിസ്ചാര്‍ജ് ചെയ്തു ,,എന്നാലും എന്തൊരു ഇടിയാ അപ്പു ഇടിച്ചേ ,,, ഞാന്‍ ഇടക്ക് സ്വപ്ണമൊക്കെ കണ്ടു പേടിക്കും ,, അമ്മ പിന്നെ അമ്പലത്തില്‍ പോയി ചരട് ജപിച്ച് കെട്ടി തന്നു , അപ്പോള പേടി മാറിയത്”

“ഇതൊകെ എന്തിനാ എന്നോടു പറയുന്നെ ,,?,, ”

“പറഞ്ഞതാ അപ്പു ,,, അറിയാന്‍ വേണ്ടി ,, ”

“എനിക് ഒന്നും അറിയണ്ട ,,, ഇയാളെ കുറിച്ചുള്ള ഒന്നും അറിയണ്ട ,,”

“അപ്പു ,,,അമ്മയോട് കൂട്ടുണ്ട്, എട്ടനോടും കൂട്ടുണ്ട്, പപ്പയോടും മിണ്ടു൦,,എന്നോടു മാത്രം മിണ്ടതില്ല ,, അവള്‍ സങ്കടം പറഞ്ഞു.

അവന്‍ ഒന്നും മിണ്ടിയില്ല

“ഞാന്‍ ഇപ്പോ കണ്ണനോട് പ്രാര്‍ഥിക്കുന്നുണ്ട് , അപ്പു പെട്ടെന്നു കൂട്ടവാന്‍ ആയി ,അതിനു വെണ്ണ കൊടുക്കാം എന്നു ഞാന്‍ നേര്‍ന്നിടുണ്ട്..”

“ഞാന്‍ ഫോണ്‍ വെക്കാണ്  ,,, എനിക് എന്നും കേള്‍ക്കണ്ട , സംസാരികുകയും വേണ്ട ,,,”

“പ്ലീസ് അപ്പു ,,,, ഒന്നു കൂട്ടാവ് അപ്പു ,,, ശ്രീയമോള്‍ അല്ലേ പറയുന്നത്” അവള്‍ കെഞ്ചി

അപ്പു വേറെ ഒന്നും കേള്‍ക്കാന്‍ നിന്നില്ല

ഫോണ്‍ വെച്ചു.

സത്യത്തില്‍ അവന് ഉള്ളില്‍ ഒരു വല്ലാത്ത ആനന്ദം ആണ് തോന്നിയത് , ഒരു കാലത്ത് തന്നെ കടിച്ചു കീറാ൯ വന്നുകൊണ്ടിരുന്ന പെണ്ണ്  ഇന്ന് തന്നോടു കൂട്ടാകാന്‍ ആയി യാചിക്കുന്നു

ആറേഴു കൊല്ലം അവളുടെ ആട്ടു൦ തുപ്പു൦ ഏറ്റവന് ഇതില്‍ പരം എന്തു ആനന്ദം ലഭിക്കുവാന്‍ ആണ്

അവന്‍ റൂമില്‍ നിന്നും ഇറങ്ങി

നരന്റെ ബുള്ളട്ടും എടുത്തു ശപ്പുണ്ണിയെയും കൂട്ടി നാച്ചിയപ്പാ മൈതാനത്തിലെക് പുറപ്പെട്ടു

<<<<<O>>>>>