അപരാജിതൻ 15 [Harshan] 9650

” വല്യമ്മേ ,,മൂപര് അവതാരമല്ലേ,  നാരായണന്റെ ”

“അപ്പു ,, അദ്ദേഹത്തിന് ഒരേ സമയം ക്ഷത്രിയ രക്തവും ബ്രാഹ്മണ രക്തവും ഉണ്ടായിരുന്നു , ‘അമ്മ രാജ൪ഷി ആയിരുന്ന വിശ്വാമിത്രന്റെ സഹോദരി രേണുക ആയിരുന്നു അച്ഛൻ മഹാ ബ്രാഹ്മണനായ ജമദഗ്നിയും , അപ്പോൾ ‘അമ്മ രാജവംശവും അച്ഛൻ ബ്രാഹ്മണ വംശവും , നാരായണന്റെ ആറാമത്തെ അവതാരം ആണ് ഭാർഗവ രാമൻ , അദ്ദേഹം മഹാദേവന്റെ ഭക്തനായിരുന്നു , ഉഗ്ര തപസ് ചെയ്തു മഹാദേവനെ പ്രസാദിപ്പിച്ചു നേടിയത് ആണ് കൈയിലെ പരശു, മാത്രവും അല്ല മഹാദേവൻ ആയിരുന്നു പരശുരാമന്റെ ഗുരുനാഥ൯ , മഹാദേവൻ ആണ് അദ്ദേഹത്തെ സകല ആയുധ വിദ്യകളും യുദ്ധതന്ത്രങ്ങളും അഭ്യസിപ്പിച്ചത്.”

“ഹോ ,,,,,അപ്പൊ എന്റെ മാഷാണ് ,, മൂപ്പരുടെ ഗുരു അല്ലെ ”

“മാഷോ ?”

“ആ വല്യമ്മേ ,, മഹാദേവനെ ഞാൻ മാഷെന്ന വിളിക്കുന്നത് , എനിക്ക് ഒരുപാട് ബഹുമാനമാ?”

“ആ അങ്ങനെ പറ ,,, അപ്പൊ അപ്പു ,, അതുകൊണ്ടു രണ്ടു രക്തവും ശരീരത്തിൽ ഓടുന്നത് കൊണ്ട് ബ്രഹ്മക്ഷത്രിയ എന്ന് കൂടെ അദ്ദേഹത്തെ വിളിക്കും, ഒരിക്കൽ കാ൪ത്തവീര്യർജുനൻ എന്ന രാജാവ് ജമദഗ്നി മഹ൪ഷിയുടെ ആശ്രമത്തിലെ ദിവ്യഗുണങ്ങൾ ഉള്ള സുരഭി എന്ന പശുവിനെ ബലമായി കൊണ്ടു പോയി , പരശുരാമൻ ഒരുപാട് കോപം ഉള്ള ആൾ ആണ് , അദ്ദേഹം പോയി സൈന്യത്തെയും രാജാവിനെയും കൊന്നു പശുവിനെ തിരികെ കൊണ്ട് വന്നു , അച്ഛനെ കൊന്ന പ്രതികാരം തീർക്കാൻ കാ൪ത്ത വീര്യർജുനന്റെ മകൻ ജമദഗ്നിയെ കഴുത്തറുത്തു കൊന്നു, പരശു രാമൻ വന്നപ്പോൾ മാറത്തലച്ചു നിലവിളിക്കുന്ന അമ്മയെ കണ്ടു , അതോടെ ആദ്യമേ പോയി കാ൪ത്ത വീര്യർജുനന്റെ മകനെ പരശു കൊണ്ട് കഴുത്തറുത്തു കൊന്നു , ‘അമ്മ ഇരുപത്തി ഒന്ന് വട്ടം മാറത്തടിച്ചു കരഞ്ഞത് കൊണ്ട് ഇരുപത്തി ഒന്ന് പ്രാവശ്യം ഭൂമിയെ ചുറ്റി എല്ലാ ക്ഷത്രിയ രാജാക്കന്മാരെയും കൊന്നു കളഞ്ഞു . ഭഗവാന്റെ അവതാര ഉദ്ദേശം തന്നെ ഭൂമിയിലെ ദുഷ്ടരാജാക്കന്മാരെ ഇല്ലായ്മ ചെയ്യുക ആയിരുന്നു ,, അതിനു  ശേഷം അദ്ദേഹം തപസ്സ് അനുഷ്ഠിക്കുവാൻ പുറപ്പെട്ടു.

“ആഹാ ,,,,അപ്പൊ ആൾ സൂപ്പർ ഹീറോ ആയിരുന്നൂല്ലേ വല്യമ്മേ”

“ആണോന്നോ ,,, യുദ്ധതന്ത്രങ്ങൾ ആയുധവിദ്യകൾ എന്ന് വേണ്ട അറിയാത്ത കാര്യങ്ങൾ ഇല്ല ,, ഭീഷ്മരെയും ദ്രോണരെയും കര്ണനെയും ഒക്കെ ആയുധവിദ്യ പഠിപ്പിച്ച ആൾ അല്ലെ ,, മാത്രവും അല്ല ചിരഞ്ജീവി ആണ് , കലികാലത്തിൽ കൽക്കി അവതരിക്കുമ്പോൾ അദ്ദേഹത്തിന് ആയുധവിദ്യകൾ അഭ്യസിപ്പിക്കുവാൻ അദ്ദേഹം വരും എന്നാണ് വിശ്വാസം,,”

“എന്താല്ലേ ,,, നാരായണന്റെ ആറാമത്തെ അവതാരമായ പരശുരാമൻ , മഹാദേവനിൽ നിന്നും നേടിയ വിദ്യകൾ , തന്റെ തന്നെ പത്താമത്തെ അവതാരമായ കൽക്കിക്കു പറഞ്ഞു കൊടുക്കും ”

“അപ്പു ,,,, പരശുരാമന്റെ മന്ത്രം അറിയുമോ?”

“അയ്യോ ,,എനിക്കറിയില്ല”

“ഞാൻ പറഞ്ഞു തരാം ,,, അപ്പു ചൊല്ലണ൦ കേട്ടോ

“ആ ഞാൻ ചൊല്ലിക്കൊളാ൦ വല്യമ്മ പറഞ്ഞോ ”

“അഗ്രത: ചതുരോ വേദാ  , പൃഷ്ടത: സശരം ധനു ”

അത് കേട്ട് അപ്പുവും ഏറ്റു ചൊല്ലി

“ഇദം ബ്രാഹ്മം ഇദം ക്ഷാത്രം ശാപദാപി ശരദപി

അപ്പു ഏറ്റു ചൊല്ലി

“ഇതിന്റെ അർത്ഥമെന്ത വല്യമ്മേ ?”