അപരാജിതൻ 15 [Harshan] 9652

അപ്പോള്‍ തന്നെ ആദി അവളുടെ കവിളിൽ അവന്റെ കരുത്തുറ്റ കൈപ്പത്തി കൊണ്ട് ആഞ്ഞടിച്ചു. നല്ല ശബ്ദം അവിടെ മുഴങ്ങി ,

ആദിയുടെ അടിയുടെ ശക്തിയിൽ അവൾ നിലത്തേക്ക് വീണു ,

അവളുടെ മുഖം ചുവന്നു തുടുത്തിരുന്നു , കണ്ണുകൾ നിറഞ്ഞൊഴുകി , ദയനീയതയോടെ ഭയത്തോടെ  അവൾ ആദിയെ നോക്കി

“ആണും പെണ്ണും കെട്ട നായെ ,,,,,,,,,,പറ്റിക്കുവായിരുന്നല്ലേ”  എന്നും പറഞ്ഞു കാർക്കിച്ചു മണ്ണിലേക്കു തുപ്പി അവൻ അവിടെ നിന്നും ഇറങ്ങി

“അപ്പോളേക്കും ആ വന്ന തള്ളച്ചി ഹിജഡ ,   അവളുടെ മുടിക് പിടിച്ചു ഉളിലേക് കയറ്റി , വാതിൽ അടച്ചു , പുറത്തേക് അവൾ അടികൊണ്ടു കരയുന്ന ശബ്ദം നല്ല പോലെ കേൾക്കുന്നുണ്ടായിരുന്നു

അത് കേട്ടപ്പോൾ ആദിക്ക് ഒരു സന്തോഷം തോന്നി

“കള്ളി അല്ലെ ,,, ആ ആണും പെണ്ണും കെട്ട കൊടിച്ചി പട്ടിക്ക്  അത് തന്നെ വേണം എന്നൊരു തോന്നൽ അവന്റെ ഉള്ളിൽ ഉണ്ടായി

അവൻ ജീപ്പിൽ കയറി ഇരുന്നപ്പോളും അവളുടെ നിലവിളി  നല്ലപോലെ പുറത്തു കേൾക്കാമായിരുന്നു.

അവന്‍ ജീപ്പ് പുറത്തേക്ക് എടുത്തു

പെട്ടെന്നു അവന്‍ ജീപ്പ് നിര്‍ത്തി മുന്നില്‍ ഒരു ചുരിദാര്‍ ഒക്കെ ഇട്ട വേറെ ഒരു ഹിജഡ.

“എന്താ വഴീന്നു മാറ് ,,, ” അവന്‍ ദേഷ്യപ്പെട്ടു

“നന്നായിട്ടുണ്ട് സാറേ ,,, ഒരുപാട് നന്നായിട്ടുണ്ട് ,, എന്തിനാ സാറേ ആ പിശാചിന്റെ കൈയ്യില്‍ പാവത്തിനെ എറിഞ്ഞു കൊടുത്തത്,,”

“പൈസ മോഷ്ടിച്ച പെരുങ്കള്ളിയെ ഞാൻ മാലയിട്ടു അഭിനന്ദിക്കണോ ?” അവൻ ദേഷ്യത്തോടെ ചോദിച്ചു

“ശരിയാ സാറെ ,,, അവള് കള്ളിയാ ,,,പക്ഷെ ഒരാളുടെയും ഒരു കാശ് പോലും അവൾ എടുത്തിട്ടില്ല, തെണ്ടിയും ദേഹം വിറ്റും പാവം ഉണ്ടാക്കി ഏൽപ്പിച്ച കാശാ,,,അഞ്ചു ലക്ഷത്തോളം ഉണ്ടായിരുന്നു ,, ഒടുവിൽ അവർ അവളെ പറ്റിച്ചു ,, സർജറിക്ക്‌ വേണ്ട കാശ് ചോദിച്ചപ്പോൾ അവർ കൊടുത്തില്ല ,, അതാ അവൾ സർജറിക്ക്‌ വേണ്ടി മാത്രമുള്ള കാശും എടുത്തു ഇവിടെ നിന്നും പോയത് ,,”

അത് കേട്ടപ്പോൾ ആദിക്ക് വല്ലാത്ത ഒരു നടുക്കം ഉണ്ടായി

“ഞങ്ങൾക്കും ഉണ്ട് സാറേ മനസും മോഹങ്ങളും ഒകെ ,, അവളുടെ ആ മോഹത്തിനായി ആണ് അവൾ ഇത്ര ഏറെ കഷ്ടപെട്ടത്‌ , മൂന്നുകൊല്ലം കൊണ്ട് ആ പാവം ഉണ്ടാക്കിയ കാശാ അവർ കൊടുക്കാതെ ഇരുന്നത് ,, എതിർത്ത് നില്ക്കാൻ അവൾക് ത്രാണി ഇല്ല ,, ഇന്ന് അവളെ ഒരു പക്ഷെ തല്ലി കൊല്ലും , പിന്നിൽ കുഴി ഉണ്ടാക്കി വെച്ചിട്ടുണ്ട് , ചത്താ അവളെ അതിൽ ഇട്ടു മൂടും ആരും ചോദിക്കില്ല , അന്വേഷിക്കുകയും ഇല്ല കാരണം ആണും പെണ്ണും കെട്ട ഹിജഡ അല്ലെ ,,,”

ആദിക്ക് മറുപടി ഉണ്ടായിരുന്നില്ല

“നിങ്ങളെ പോലെ കോട്ടും സൂട്ടും ഒക്കെ ആളുകൾ തന്നെ രാത്രി ഞങ്ങളെ തേടി വരുന്നത് , അതിൽ എല്ലാരും ഉണ്ട്, പോലീസും വക്കീലും രാഷ്ട്രീയകാരും ഡോക്ടർമാരും ബിസിനസ് കാരും എല്ലാം ,, പകൽ ഞങ്ങളെ ഒകെ ആട്ടി അകറ്റും , രാത്രി തേടി വരും,, നിങ്ങളോടൊക്കെ എന്ത് പറയാൻ ആണ് ,,,സാർ ചെന്നാട്ടെ ,,ഒരു പാവത്തിനെ മരണത്തിനു കൊടുത്തിട്ടു പോകുമ്പോ കിട്ടുന്ന ആ സന്തോഷം ഉണ്ടല്ലോ അത് നല്ലപോലെ ആസ്വദിച്ചാട്ടെ ” എന്നുപറഞ്ഞു ആ ഹിജഡ ഉള്ളിലേക്കു കയറി

ആദിക്ക് ആകെ സങ്കടമായി

തെളിവ് ഇല്ലാത്തിടത്തോളം കാലം താനും ഒരു കള്ളന്റെ മകൻ അല്ലെ ,, അവൾ കഷ്ടപെട്ടുണ്ടാക്കിയ കാശ് അല്ലെ എടുത്തു കൊണ്ട് പോയത് , അതെങ്ങനെ മോഷണം ആകും , അവനാകെ ധര്‍മ്മസങ്കടത്തില്‍ ആയി .