അപരാജിതൻ 15 [Harshan] 9650

“അല്ല വലിയ ശക്തിശാലി എന്നല്ലേ പറഞ്ഞത് ”

“ആമാ ,,,,,,,,,,, മിക പെരിയ  സക്തിസാലി ….വീര മാര്‍ത്താണ്ഡ പെരുമാൾ ..എന്‍ താതാ ” അയാൾ അഭിമാനത്തോടെ അപ്പൂപ്പനെ പരിചയപ്പെടുത്തി.

അപ്പു ചിരിച്ചു കൊണ്ട് ” മച്ചാനെ പോലെ ആണോ  ,,,,,,,,,അതോ മച്ചനെക്കാളും  പെരിയ ശക്തിശാലിയാണോ  ?”

അത് കേട്ട് വീണ്ടും എല്ലാരും പൊട്ടി ചിരിക്കാൻ തുടങ്ങി

അപ്പുവിന്റെ മുന്നിൽ ഉദ്ദേശിച്ച വീരവാദം നടക്കാത്തതിനാൽ ഇളിഭ്യനായി അയാൾ ഭാര്യയെ നോക്കി

“,,,,,, ഉങ്കളെ പട്രി   അപ്പു നല്ലാ  തെരിഞ്ചുറുക്കിത് ,,,അവനെ സുമ്മാ  വിടുങ്കോ ” എന്ന് പറഞ്ഞു കൊണ്ട് അപ്പുവിനെയും കൂട്ടി ഉള്ളിലേക്കു പോയി

“പെരുമാൾ മച്ചാൻ കുറെ നേരം തലയാട്ടി ആ …. എന്നു ആരും കേള്‍ക്കാതെ അലറി  പറഞ്ഞു പരാജയക്ഷീണം ഒഴിവാക്കി”

“ഡേയി .. ശപ്പുണ്ണി  ,,ഇങ്കെ വായാ “

“ദോ വന്തിട്ടേ൯” ശപ്പുണ്ണി ഓടി മച്ചാന്‍റെ അടുത്ത് എത്തി.

“എന്ന മാമാ  ?”

“ഡേയി ,,,നീ ചൊന്ന മാതിരിയെ താ൯… ഇവന്‍ സാധാരണ ആളെ കെടയാത് ,, “

“ആമ മാമാ  ,,നാന്‍ മൂന്നാലെ സൊല്ലയില്ലെയാ.. ഇവര് റൊമ്പ ഡെഞ്ചര്‍  “

പെരുമാള്‍ കീശയില്‍ നിന്നും ഒരു അഞ്ഞൂറു രൂപ കൂടെ ശപ്പൂണിക് കൊടുത്തു ,

“ഡെയ് … കൊഞ്ചം ജാഗ്രതആയിട് …”

“ആമ,,,മാമാ “ എന്നു പറഞ്ഞു അവന്‍ ആ കാശു വാങ്ങി കീശയിലേക് ഇട്ടു .

ഡൈനിങ് ടേബിളിൽ എല്ലാരും ഇരുന്നു ,

വേലക്കാരി വന്നു എല്ലാര്ക്കും കാപ്പി വിളമ്പി ,  പലഹാരങ്ങളും

എല്ലാരും അതൊക്കെ കഴിച്ചു

പെരുമാൾ മച്ചാനും വന്നു എങ്കിലും അപ്പുവിനു കൊടുക്കുന്ന ബഹുമാനം അത് അങ്ങോട്ട് കുശുമ്പ് കാരണം ഇഷ്ടപെടുന്നുണ്ടായിരുന്നില്ല.

എല്ലാരും കൂടെ കിടപ്പിൽ ആയ പെരുമാൾ മച്ചാന്റെ അമ്മയുടെ അടുത്ത് പോയി

എല്ലാവരെയും കണ്ടപ്പോൾ  അമ്മക്കു ഒരുപാട് സന്തോഷമായി ,

വല്യമ്മയെ അരികിൽ ഇരുത്തി സംസാരിച്ചു

വലിയ ഒരു മുറി ആയിരുന്നു

ആ മുറിയിൽ ഒരു കോണിൽ അപ്പുവിന്റെ ശ്രദ്ധ പതിഞ്ഞു

ഒരു വീണ

അപ്പു അടുത്തുണ്ടായിരുന്ന വെങ്കിടിയോടു ഇത് ആരുടെ ആണ് എന്ന് ചോദിച്ചു ?

ഇപ്പോൾ കിടക്കുന്ന ആ പാട്ടിയമ്മ വീണ വായിക്കുമായിരുന്നു , വൈഗ അക്ക വീണ പഠിക്കുന്നുണ്ട് , വൈകുന്നേരങ്ങളിൽ അക്ക ഇവിടെ വന്നിരുന്നു പാട്ടിയമ്മയെ  കേൾപ്പിക്കാൻ പ്രാക്ടീസ് ചെയ്യും എന്നുപറഞ്ഞു ”

അപ്പോളേക്കും വൈഗ അപ്പുവിന്റെ അടുത്തെത്തി

“എന്ന ,,അപ്പു അണ്ണാ ,,”

“വെങ്കിടി പറഞ്ഞു മോൾ വീണ വായിക്കുമെന്ന് ,,,ഒന്ന് വായിക്കാമോ ?”

“അണ്ണാ ,,,നല്ല മാതിരി എനക് തെരിയാത് ,,, ഇപ്പോ വീണ കത്തുകൊണ്ടിരുപ്പത് ,,”

“അത് കുഴപ്പമില്ല ,, കേള്‍ക്കാന്‍ വേണ്ടി ആണ് ,, ”

അത് കേട്ട് വൈഗ വീണ വച്ചിരിക്കുന്നിടത്തു ചെന്ന് ഇരുന്നു

എന്നിട്ടു തൊട്ടു തൊഴുതു

വീണ എടുത്തു , സാ ……..പാ ,,,,,,,,,,,,,,സാ…. എന്ന് മീട്ടി

അവൾ വെങ്കിടിയോടു മൃദ൦ഗം കൊണ്ടുവരാൻ പറഞ്ഞു

അവൻ മൃദ൦ഗം എടുത്തു കൊണ്ട് വന്നു , എന്നിട്ടു താളം ഇട്ടു