അപരാജിതൻ 15 [Harshan] 9652

“എന്റെ പൊന്നു മണിയേട്ടാ ,,ഇതുപോലെ ഒരു യാത്ര ,,,ഹോ,,,സൂപ്പർ ആയിരുന്നു ,, ഒരു രാജ്യം കണ്ടപോലെ ആയിരുന്നു , പുഴയിലെ കുളിയും അമ്പലങ്ങളും പൂന്തോട്ടങ്ങളും കാഴ്ചകളും ഭൂതകോട്ടയും ഒക്കെ കൂടെ അടിപൊളി ,,പിന്നെ ഏട്ടത്തിയെ കണ്ടൂട്ടോ ”

“ആരെ …?”

“യമുനേട്ടത്തിയെ”

“ആൾക്ക് ഒരുപാട് സങ്കടമുണ്ട് ,,,മണിയേട്ടനെന്നു വെച്ചാ ജീവനാ,,കൂട്ടികൂടെ മണിയേട്ട ,, എന്തിനാ ഇങ്ങനെ താമസിപ്പിക്കുന്നത് ”

“അപ്പു ,,,നിനക്കു വേറെ പണി ഇല്ലേ ,,,അവൾക് വട്ടാ,,കുറെ ആയി പുറകെ നടക്കുന്നെ ,,”

“അതിനെന്താ ,,,ഒരു   പ്രശ്നവും തോന്നുന്നില്ലാലോ ,,,കാണാനും കൊള്ളാം ,, മണിയേട്ടനോട് ഒരുപാട് സ്നേഹവും ആണ് ,വീട്ടിൽ വേറെ ആലോചിക്കുന്നുണ്ട് ന്ന പറഞ്ഞത്”

“എന്തേലും കാട്ടട്ടെ ,,, എനിക്കെന്തോ ,,, ആ ഒരു മനസില്ല ”

എന്നുപറഞ്ഞു നരൻ ഒഴിഞ്ഞു മാറി

അപ്പു കൂടുതൽ നിർബന്ധിക്കാൻ പോയില്ല

കുറച്ചു നേരം സംസാരിച്ചു അപ്പുവും റൂമിലേക്കു പോയി

<<<<<<O>>>>

കിടക്കുന്നതിന് മുന്നേ വല്യമ്മയും നീലാംബരി മാമിയും കൂടെ അപ്പുവിന്റെ റൂമില്‍ വന്നു.

അവരെ കണ്ടു അപ്പു എഴുന്നേറ്റു.

വെറുതെ ഇരുന്നപ്പോൾ അവർ ഒന്ന് വന്നതാണ്.

ടേബിളിൽ വെച്ചിരിക്കുന്ന ലക്ഷ്മി അമ്മയുടെ ഫോട്ടോ കണ്ടു

വല്യമ്മ  ആ ഫോട്ടോ എടുത്തു

“ഇതാണോ ,,,അപ്പു ലക്ഷ്മി ?”

“അതെ വല്യമ്മേ ”

വല്യമ്മ നീലാംബരി മാമിക് അപ്പുവിന്റെ അമ്മയെ പരിചയപെടുത്തി ഫോട്ടോ കാണിച്ചു

“സുന്ദരി ആയിരുന്നല്ലേ മോന്റെ ‘അമ്മ ” വല്യമ്മ ചോദിച്ചു

അതുകേട്ടു അപ്പുവിന് അഭിമാനം തോന്നി

അവൻ ഒന്ന് പുഞ്ചിരിച്ചു

അവർ കുറച്ചു നേരം കൂടെ ഇരുന്നു അപ്പുവിനോട് സംസാരിച്ചു

എന്നിട്ടു അവിടെ നിന്നും ഇറങ്ങി

“അവൻ ഫോട്ടോ കൈയിൽ എടുത്തു.

“,,കേട്ടോ , വല്യമ്മ പറഞ്ഞത് ,, എന്റെ ലക്ഷ്മി ‘അമ്മ സുന്ദരി ആണെന്ന് ,, ”

“ഇപ്പോളും ദേഷ്യം ആണോ ,,, എന്താ ഒന്ന് വരാത്തെ ,, അപ്പൂന്റെ സ്വപ്നത്തിൽ ,, ഇവിടെ വന്നപ്പോ പഴേ അപ്പു ആയി മാറിപ്പോയി ,, നല്ല സ്ഥലമാ ,,,നല്ല ആളുകളാ ,,, എന്നാലൂം എന്റെ ‘അമ്മ ഒന്ന് വന്നു എന്റെ അടുത്ത് മിണ്ടിയ ഒരുപാട് സന്തോഷം ആയേനെ ,,, വരാതെ ഇരിക്കല്ലേ ട്ടോ ,,, ലക്ഷ്മി അമ്മയുടെ കുടുംബത്തെ കണ്ടുപിടിക്കാനാ അപ്പു ഈ കഷ്ടപ്പാട് ഒക്കെ പെടുന്നത് ,, ”

അവൻ ഫോട്ടോ അവിടെ വച്ച്  മരുന്നൊക്കെ കഴിച്ചു കിടന്നു.

അവന് ഇപ്പോളും ഒരുപാട് സങ്കടം ഉണ്ട് ലക്ഷ്മി അമ്മയെ കാണാ൯ കഴിയാത്തതില്‍ , തന്നെ കാണാ൯ വരും എന്ന പ്രതീക്ഷയോടെ ആണ് അവ൯ കിടക്കുന്നതും.