അപരാജിതൻ 15 [Harshan] 9649

“ഏടത്തിയുടെ തോട്ടം അല്ലെ ,,,എപ്പോ വേണേലും ഫോട്ടോ എടുക്കലോ”

“നീ ഈ ഏട്ടത്തി എന്ന് വിളിക്കുന്നത് കേൾക്കാൻ നല്ല സുഖം ഉണ്ടെട”

“അപ്പൊ ശരി ,,ഞാൻ നാട് കാണാൻ ഇറങ്ങിയതാ ,,” എന്ന് പറഞ്ഞു അപ്പു വണ്ടി എടുത്തു

യമുന അവനു ടാറ്റ കൊടുത്തു

“എടാ ,,,ശപ്പുണ്ണി ,,മണിയേട്ടന് ആരോടേലും ലവ് ഉണ്ടോ നിന്റെ അറിവിൽ ?”

“ഇല്ലൈ ….”

“അപ്പൊ ആ വഴി ക്ലിയർ ആയി ,,ഹ്മ്മ് നോക്കട്ടെ ,,,,”

“അണ്ണാ ,,,,അന്ത യമുനഅക്ക  റൊമ്പ ഡേഞ്ചർ ”

“മിണ്ടാതെ ഇരിയെട കുളിസീൻ ചപ്പുണ്ണി ”

അതുകേട്ടു ശപ്പുണ്ണി വാ അടച്ചു

ചേതക് അതിന്റെ യാത്ര തുടർന്നു

അങ്ങനെ ആ പ്രദേശങ്ങൾ ഒക്കെ ചുറ്റി വളഞ്ഞു ഒടുവിൽ നാട്ടിലെ സിനിമാകൊട്ടകക്കു മുന്നിൽ എത്തി

പടയപ്പ മൂവിസ്.

വലിയ ഒരു കെട്ടിടം , അതും പനമ്പ് കൊണ്ട് മൂടിയിരിക്കുന്നു,

അതാണ് ആ നാട്ടിലെ ഒരേ ഒരു സിനിമ കോട്ടക

പ്രൊപ്രൈറ്റർ വീര മാധവ പെരുമാൾ ,,അഥവാ പടയപ്പ പെരുമാള്‍

ആ തീയേറ്ററിന് മുന്നിലായി തലൈവർ രജനികാന്ത് ന്റെ വലിയ കട്ട് ഔട്ട് ആണ് ഉയർത്തി വെച്ചിരിക്കുന്നത്,

അവിടെ തലൈവർ പടം മാത്രമേ ഓടുകയുള്ളു , അതും ഫ്രീ ആയി, വലിയ സൗകര്യം ഒന്നും ഇല്ല . നാട്ടിലുള്ള തലൈവർ ആരാധകർക്കായി പെരിയ തലൈവർ ആരാധകനായ ശ്രീ വീര മാധവ പെരുമാളിന്റെ എളിയ സ്നേഹ സമ്മാനം ആണ് ഈ തീയേറ്റർ.

അപ്പോൾ ആണ് അപ്പു ശ്രദ്ധിച്ചത് , തലൈവരുടെ കട്ട് ഔട്ട് നു സമീപത്തായി പെരുമാൾ മച്ചാൻ മീശയിൽ പിടിച്ചു നിൽക്കുന്ന ഒരു മീഡിയം കട്ട് ഔട്ട് ഉയർത്തിയിട്ടുണ്ട്.  സത്യത്തിൽ ഇങ്ങേർക്ക് പ്രാന്ത് തന്നെ ആണോ എന്നാണ് ആ സമയം അപ്പുവിന് തോന്നിയത്