അപരാജിതൻ 15 [Harshan] 9651

അവൻ പറഞ്ഞു

അവൻ കൈ കൊടുത്തു അവളെ പിടിച്ചു എഴുന്നേൽപ്പിച്ചു

എന്നിട്ട് ആ ബസ്റ്റോപ്പിലെ ബെഞ്ചിൽ ഇരുത്തി

അതിനുള്ളിൽ വെളിച്ചമുണ്ടായിരുന്നു

അവളുടെ നെറ്റിയും ചുണ്ടും ഒകെ പൊട്ടിയിട്ടുണ്ട്

കൈ ഒക്കെ ഉരഞ്ഞു പൊട്ടിയിട്ടുണ്ട്

അവൻ വേഗം പോയി ജീപ്പിൽ നിന്നും വെള്ളവും ഫസ്‌റ് എയിഡ് ബോക്‌സും എടുത്തു കൊണ്ട് വന്നു.

എന്നിട്ടു കുപ്പി തുറന്നു അവൾക് വെള്ളം കൊടുത്തു

അവൾ ആ വെള്ളം കൊതിയോടെ കുടിച്ചു

“എന്റെ കാശ് അവര് കൊണ്ടുപോയി ” എന്ന്പറഞ്ഞു കരയാൻ തുടങ്ങി

അവൻ ആശ്വസിപ്പിച്ചു അതിൽ നിന്നും ആന്റിസെപ്റ്റിക് ലോഷൻ പഞ്ഞിയിൽ എടുത്തു   മുറിവേറ്റ ഭാഗം തുടച്ചു എന്നിട്ടു മരുന്ന് പുരട്ടി ബാൻഡ് എയ്ഡ് ഒട്ടിച്ചു

“ആരാ അവര് , അവരെ അറിയോ ,? എന്തിനാ അവർ കാശ് കൊണ്ടോയത് ?”

“അവൾ മറുപടി ഒന്നും പറയാതെ കരഞ്ഞു കൊണ്ടിരുന്നു ,”

“എത്ര രൂപ ഉണ്ടായിരുന്നു അതിൽ ?”

“മൂന്നു ലക്ഷം ”

“അയ്യോ അത് ഒരുപാട് ഉണ്ടല്ലോ ,,, നമുക് ഇവിടെ ഉള്ള പോലീസ് സ്റെഷനിൽ കംപ്ലെയ്ന്റ് ചെയ്താലോ ?” അവൻ ചോദിച്ചു

“അവൾ സാരി തുമ്പു കൊണ്ട് മുഖം പൊത്തി കരഞ്ഞു , “ഒരു കാര്യവും ഇല്ല അവർ സഹായിക്കില്ല”

അവൾ കാശ് പോയ സങ്കട൦ പറഞ്ഞു വിങ്ങിപ്പൊട്ടി കൊണ്ടിരുന്നു

“,അതെ ,,,കരയണ്ട ,, ആ കൊണ്ടുപോയവർ എവിടെ ഉള്ളവരാന്നു അറിയോ ,, അറിഞ്ഞാൽ നമുക് പോയി വാങ്ങിക്കാം ”

“അങ്ങനെ ഒന്നും അവര് തരില്ല,, അത് ഇനി കിട്ടില്ല ”

“അതെന്താ അങ്ങനെ ,,, നമുക് ഒന്ന് പോയി നോക്കിയാലോ ,,, ഞാൻ സഹായിക്കാം,,, ഞാനും അപേക്ഷിക്കാം ,, ചെയ്യാം .,,,എന്റെ വണ്ടിയിൽ പോകാം .,,എന്നെ വിശ്വാസം ഉണ്ടെങ്കിൽ മാത്രം മതി”

എന്തോ ആ വാക്കുകളിൽ ഒരു വിശ്വാസം തോന്നിയ ആ പെണ്ണ് , കൂടെ പോകാം എന്ന് സമ്മതിച്ചു ,, അവൾ ആദിയുടെ ഒപ്പം നടന്നു , ആദി അവളെ ജീപ്പിൽ ഇരുത്തി , ആദി ജീപ്പിൽ കയറി സ്റ്റാർട്ട് ചെയ്തു, അവൾ പറഞ്ഞത്  ചോലാവാരംആണ് എന്നാണ് ,

അവൻ ജീപ്പ് നേരെ എടുത്തു

ആ പെണ്ണ്,, സാരി തുമ്പു കൊണ്ട് കണ്ണ് തുടക്കുന്നതല്ലാതെ വേറെയൊന്നും സംസാരിക്കുന്നുണ്ടായിരുന്നില്ല. എന്നാലും ഇടക്കിടെ അവളെ ആദി നോക്കിയിരുന്നു , അവളുടെ കണ്ണുകൾക്ക് വല്ലാത്തൊരു ആകർഷണീയത ആയിരുന്നു,

ആദി ,,അവളോട് പേരോ ഊരോ ഒന്നും ചോദിച്ചതും ഇല്ല,, അവൾ പറയുന്ന വഴിയേ വണ്ടി ഓടിച്ചതല്ലാതെ.

അങ്ങനെ ചോലാവാരം എത്തിയതിനു ശേഷം അവൾ പറഞ്ഞ ഇടവഴികളിലൂടെ ജീപ്പ് കൊണ്ടുപോയി.

ഒരു വലിയ ബംഗ്ലാവ് പോലെ ഉള്ള വീട്ടിൽ എത്തി.