അപരാജിതൻ 15 [Harshan] 9650

നോക്കിയപ്പോൾ നേരെ കിടക്കുന്ന അപ്പു തിരിഞ്ഞു കിടക്കുന്നു , തലയിണ ആണെന്ന് കരുതി അവളുടെ മാറിനു കീഴെ വയറു ഭാഗത്ത് ആണ് തലവെച്ചിരിക്കുന്നത് ,

അവനിത് ഒന്നും അറിഞ്ഞിട്ടില്ല

അപ്പുവിന്റെ കൈകള്‍ , തലയിണയിൽ എന്ന  ഓർമ്മയിൽ അവളുടെ വലത്തേ മാറിടത്തിൽ ആണ് കൈകള്‍ അമര്‍ന്നിരിക്കുന്നത്

അത് അവളില്‍ വല്ലാത്ത ഒരു അനുഭൂതി ആണ് ഉണ്ടാക്കിയത് ,

അവളുടെ ദേഹത്തു ഒരു രോമാഞ്ചം ഉണ്ടായി.

അവൾ പതുക്കെ കൈ കൊണ്ട് അപ്പുവിന്റെ തലയിൽ പതുക്കെ തലോടി

അപ്പു പെട്ടെന്നു ഉണര്‍ന്നു.

തന്റെ കിടപ്പു കണ്ടു അവനാകെ അയ്യടാന്നായി

ചിന്നുവിന്റെ മേല്‍വയറില്‍ തലയും വെച്ചു കൈകള്‍ അവളുടെ മാറിടത്തിലും

അവന്‍ പെട്ടെന്നു കൈകള്‍ മാറ്റി

അവൻ, നോക്കിയപ്പോൾ ചിന്നു കണ്ണ് തുറന്നു കിടക്കുന്നു

“യ്യോ സോറി ചിന്നു ,,,ഉറക്കത്തിൽ ചിലപ്പോ ഞാന്‍  വട്ടം കറങ്ങും അതാ ,,,വെരി സോറി …വെരി സോറി ചിന്നു ,,ശേ ,,, ഞാൻ കാരണം ഉറക്കവും പോയില്ലേ ,,,ഒന്ന് വിളിക്കായിരുന്നിലെ ,,,” അവൻ ഇരുന്നു ആകെ സങ്കടപ്പെട്ടു .

അപ്പോൾ ആണ് ചിന്നുവിന് അപ്പു പുറമെ കാണുന്ന പോലെ അല്ല , അവന്റെ ഉള്ള് ഒരു കുട്ടിയെ പോലെ നിഷ്കളങ്കത നിറഞ്ഞവൻ ആണ് എന്ന് കൂടുതല്‍ മനസിലായത്

അവൾ അവനെ തന്നെ  കൌതുകത്തോടെ നോക്കി ഇരുന്നു

“നീ എന്തിനാ നോക്കുന്നെ ,, ?” അപ്പു ചോദിച്ചു

“ഒന്നുമില്ല ,,, വെറുതെ നോക്കിയതാ”

” ,,എന്നെ ആരും നോക്കി ഇരിക്കുന്നത് എനിക്ക് ഇഷ്ടമല്ല”

“അതെന്താ”

“എനിക്ക് നാണം ആകും ” അവൻ ചിരിച്ചു കൊണ്ട് പറഞ്ഞു

“ഓ വലിയ നാണക്കാരൻ , എന്നിട്ടാണോ ഇന്നലെ പെരിയമ്മയെ ഫാനിൽ കെട്ടിത്തൂക്കിയത്”

“അത് ആ നേരത്തു അങ്ങ് ആയിപോയതല്ലെ”

അപ്പോൾ ആണ്  , ചിന്നുവിന്റെ ഡ്രെസ്സിൽ നോക്കിയത്.

“ഇത് ഒരുപാട് ലൂസ് ആണല്ലോ ”

“പിന്നെ ഈ മസിൽ നിറച്ചു വെച്ച ആളുടെ ടീഷർട്ട്  എനിക്ക് ലൂസല്ലേ ആകൂ ”

അതുകേട്ട് അവനൊന്നു ചിരിച്ചു.

എന്നിട്ടു തല  കുമ്പിട്ടു പറഞ്ഞു

“അത് വെച്ച്കെട്ടൊന്നുമല്ലായിരുന്നല്ലേ ,, നാച്ചുറൽ ആയിരുന്നൂല്ലേ .. ”

“എന്ത് ? “ ചിന്നു ആകാംഷയോടെ ചോദിച്ചു

“അത് ,,,,,,,,,,,, ആ ചെസ്റ്റിലെ മസ്സില്‍ “ മുഖം കുനിച്ചു അവന്‍ പറഞ്ഞു.

തന്റെ മാറിടത്തെ കുറിച്ചു അപ്പു പറയുന്നതു കേട്ട് ചിന്നുവിന്റെ മുഖത്തു ഒരു നാണം നിറഞ്ഞു ,

“എന്തൊക്കയൊ ഈ പറയുന്നേ, ഒരു നാണവും ഇല്ലേ  ”