അപരാജിതൻ 15 [Harshan] 9651

അത് കഴിഞ്ഞു അവൻ ചിന്നുവിന്റെ അടുത്തേക്ക് വന്നു

“എന്നിട്ട് നീ ഇതെങ്ങാനും ചെയ്തോ ചിന്നു ,,,?”

“അവൾ ഒന്ന് ചിരിച്ചു ,,, “അപ്പു ,,,ഈ കർമ്മം ചെയുന്ന ദിവസം ആറടി നീളത്തിൽ ഒരു കുഴി കുഴിച്ചു വെക്കും , മറ്റേത് മുറിച്ചു ആ കുഴിയിൽ ഇട്ടു മണ്ണിട്ട് മൂടും , ഒന്നോ രണ്ടോ ദിവസം നോക്കും , അപ്പോളും ലഹരി കൊടുത്തു കിടത്തും ,, മരിച്ചു പോയാൽ അതെ കുഴിയിൽ ഇട്ടു മൂടും ,, ആരും അറിയില്ല , ചോദിക്കുകയും ഇല്ല ,, ”

“ഹോ ,,,വല്ലാത്ത ഒരു ലോകം തന്നെ എന്റെ പൊന്നോ ,,,,” അവൻ വീണ്ടും ഒന്ന് തലകുനിച്ചു സ്വന്തം അരഭാഗത്തേക്ക് നോക്കി

“എന്താ അപ്പു ,, അവിടെ ഉണ്ടോ എന്നു ഉറപ്പു വരുത്താണോ ,, എന്ന് ?”

“ഹോ,,, എങ്ങും പോയിട്ടില്ല ,,, സുരക്ഷിതമായി തന്നെ ഉണ്ട് ,,, എന്റമ്മോ ,,,” അപ്പു ഒരു ലജ്ജ കലര്‍ന്ന ചിരി ചിരിച്ചു “നിനക്കു തമാശ ,,, കേട്ടിട്ടു നല്ല ജീവൻ പോയി”

“അപ്പു ,,, ഞാൻ അവിടെ നിൽക്കുമ്പോൾ നിർവാണ കർമ്മം നടത്തി നാലോളം പേര് മരിച്ചിരുന്നു , അവിടെ അവരെ കുഴിച്ചിടുകയും ചെയ്തു , അതോണ്ട് ഞാൻ പറഞ്ഞു എനിക്ക് ഇത് വേണ്ട ഡോക്ടറേ കൊണ്ട് ചെയ്ത മതി എന്ന് , അപ്പൊ അവർ പറഞ്ഞു അതിനു വേണ്ട തുക അവരെ ഏൽപ്പിച്ചാൽ മതി ,അത് സൂക്‌ഷിച്ചു കൊള്ളാം , എന്നിട്ടു ആവശ്യം വരുമ്പോ പറഞ്ഞ കാശ് തന്നേക്കാം എന്ന് ,,, പിന്നെ ഞാൻ രാവും പകലും അധ്വാനിച്ചു ആണ് അഞ്ചുലക്ഷത്തോളം ഉണ്ടാക്കി അവരെ ഏല്പിച്ചത് , രത്നഗിരിയിൽ വളരെ നല്ലൊരു പ്ലാസ്റ്റിക് സർജൻ ഉണ്ട് , അദ്ദേഹം ഇതിൽ വരെ വിദഗ്ദൻ ആണ് , പക്ഷെ മൂന്നു ലക്ഷ൦ ആണ് പറഞ്ഞത് , സെക്സ് റീ അസ്സൈന്മെന്റ് സർജറിക്കായി . ഞാൻ അദ്ദേഹത്തെ കണ്ടു ടെസ്റ്റുകൾ നടത്തി , എന്നിട്ടു എന്നോട് ഹോസ്പിറ്റലിൽ ചെല്ലാൻ പറഞ്ഞു , അപ്പോ അവരോടു കാശ് ചോദിച്ചപ്പോ അവർ തന്നില്ല , കുറെ ഒഴിവുകൾ പറഞ്ഞു , പിന്നെയാ മനസിലായത് അവർ എന്നെ പറ്റിക്കുക ആണെന്ന് , ഒടുവിൽ ചോദ്യം ചെയ്‌തപ്പോ എന്നെ ഒരുപാട് തല്ലി ,,, അതാ ഞാൻ സർജറിക്ക് വേണ്ട കാശു അവിടെ നിന്നും എടുത്തുകൊണ്ടു രക്ഷപെട്ടത് ..”

“ചിന്നു ,,മതി ,,ബാക്കി ഒക്കെ എനിയ്ക്കറിയാം ,,,,,,,,,,,,,,”

ആദി  ഭയം കൊണ്ട് വീണ്ടും ഒന്ന് നടന്നു , രണ്ടുമൂന്നു വട്ടം ചാടി ,, പിന്നെയും ഉറപ്പു വരുത്തി , ഉള്ളത് കൈമോശം വന്നിട്ടില്ല എന്ന്

അവന്റെ ആ സമയത്തുള്ള ടെൻഷനും പെരുമാറ്റവും ഒക്കെ കണ്ടു ചിന്നു പൊട്ടി ചിരി തുടങ്ങി

അവൻ നാണത്തോടെ കണ്ണുകൾ ഇറുക്കി അടച്ചു.

പിന്നെ അവർ ജീപ്പിൽ കയറി

അപ്പോളേക്കും സമയം നാലു മണി ആകാറായിരുന്നു

ജീപ്പ് എടുത്തു

“ചിന്നു ,,,എന്നാലും അത്ര പെർഫെക്ട് ആകുമോ ,,, സർജറി ഒക്കെ ചെയ്താലും ”

“അതൊരിക്കലും ഇല്ല ,,, പക്ഷെ ,, ഒരു സാദൃശ്യം ഉണ്ടാകും എന്ന് മാത്രം ,,ഒപ്പം പിന്നെ ഹോർമോൺ ട്രീറ്റ്മെന്റ് ഒകെ ഉണ്ടാകും കുറെ ഗുളികകൾ കഴിക്കണം ,, നല്ല റസ്റ്റ് വേണം ,,,”

“ഈ കാശ് കൊണ്ട് തികയില്ലേ ,,,,,,,,,,,,?”  ആദി ചോദിച്ചു

“ഓ ധാരാളമല്ലേ .. ”

“മതി അത് കേട്ടാ മതി”

കുറച്ചു നേരം വണ്ടി ഓടിച്ചപ്പോൾ ആദിക്ക് ഉറക്ക ക്ഷീണം തോന്നി തുടങ്ങി.

അവൻ ചിന്നുവിനോട്  എവിടെയെങ്കിലും ഒരു ലോഡ്‌ജോ , ഹോട്ടലോ കിട്ടുവാണെങ്കിൽ രണ്ടു റൂം എടുക്കാം എന്ന് പറഞ്ഞു , രാവിലെ ഒന്ന് ഫ്രഷ് ആകുകയും ചെയ്യാമല്ലോ , അവളും സമ്മതിച്ചു , അങ്ങനെ കുറെ അന്വേഷിച്ചു പോകും വഴി ഒരു കോട്ടേജ് കണ്ടു ,