അപരാജിതൻ 15 [Harshan] 9649

കുറച്ചു കഴിഞ്ഞു അരികിൽ ഒരു പെട്രോൾ പമ്പ് കണ്ടു ,

അവിടെ കയറി ഫുൾ ടാങ്ക് ഡീസല്‍  അടിച്ചു , കൂടാതെ കൂടാതെ ആദി പുറകിൽ സൂക്ഷിച്ചിരുന്ന പത്തുലിറ്ററിന്റെ പ്ലാസ്റ്റിക് ക്യാനിലും ഡീസല്‍  നിറച്ചു, ഒരു സേഫ്റ്റിക്ക്

അവിടെ നിന്നും കുറച്ചൂടെ മുന്നോട്ടു പോയി

മൂലയിൽ  ഒരു ചായകട കണ്ടു.

കുറെ വണ്ടി ഓടിച്ചതിനാല്‍ ഒന്നു വിശ്രമിക്കാനവിടേ വണ്ടി നിര്‍ത്തി

ഒന്ന് ദേഹമൊക്കെ മൂരി നിവർത്തി

ഒരു ചൂടൻ അടിച്ച ചായ വാങ്ങി കുടിച്ചു

നല്ല സ്വയമ്പൻ പരിപ്പുവടയും കഴിച്ചു.

അവിടെ നിന്നും ആദി യാത്ര തിരിച്ചു,

അസ്തമയത്തോടെ സൂര്യൻ മറഞ്ഞു

ആ നദീതീരത്തിന് സമീപമുള്ള റോഡിലൂടെ അങ്ങനെ പോകുമ്പോൾ ആണ് ഇടക്കിടെ കൊച്ചു കൊച്ചു കടകൾ , അതും ആ നദിയിൽ നിന്നും പിടിക്കുന്ന മീനുകൾ പൊരിച്ചുവിൽക്കുന്ന കടകൾ കണ്ടത് , അത് വഴി പോകുന്നവർ അവിടെ ഇറങ്ങി കഴിക്കുന്നുമുണ്ട് , എല്ലാ കടകളിലും ആളുകൾ ഉണ്ട്, ആ പ്രദേശത്തൊക്കെ മീൻ പൊരിക്കുന്ന വാസന നിറഞ്ഞു നില്‍ക്കുക ആണ്.

ജീപ്പിൽ ഇരുന്നു വണ്ടി ഓടിക്കുന്ന അവനു ആ മണം കിട്ടിയപ്പോൾ തന്നെ വായിൽ കപ്പലോടിക്കാൻ ഉള്ള വെള്ളം നിറഞ്ഞിരുന്നു. നിരവധി കൊച്ചു  കടകൾ ഉണ്ട് , അവൻ ഒരിടത്തു വണ്ടി ഒതുക്കി, ഇറങ്ങി

എന്നിട്ടു പേഴ്സും എടുത്തു അങ്ങോട്ടേക്ക് ചെന്നു , തിരക്ക് കുറഞ്ഞ ഒരു കടയിൽ ചെന്നു, ഒരു പ്രായം ചെന്ന വൃദ്ധയുടെ കട ആയിരുന്നു. അവിടെ തട്ടിൽ പുഴയിൽ നിന്നും പിടിച്ച മീനുകൾ വൃത്തി ആക്കി മസാല പുരട്ടി വെച്ചിരിക്കുക ആണ്, അവൻ നോക്കിയപ്പോൾ നല്ലൊരു ഇടത്തരം വലുപ്പത്തില്‍ ചെമ്പല്ലി മീന്‍ മസാലയില്‍ മുങ്ങി ഇരിക്കുന്ന കണ്ടു , അവനത് തന്നെ പൊരിക്കാന്‍ പറഞ്ഞു.

അവരത് എടുത്തു ചട്ടിയില്‍ ഇട്ടു അങ്ങ് പൊരിക്കുവാന്‍ തുടങ്ങി,

സംഭവം പൊരിഞ്ഞു വന്നപ്പോള്‍ കുരുമുളകും ഇഞ്ചിയും വെള്ളുള്ളിയും ഒക്കെ ചേര്‍ത്ത അരപ്പ് വെളിച്ചെണ്ണയില്‍ മൊരിഞ്ഞു വന്നതിന്റെ  വാസന അങ്ങ് പരന്നു.

അങ്ങനെ ഒരു പത്തു പതിനഞ്ചു മിനിറ്റ് കൊണ്ട് ഒക്കെ റെഡി ആക്കി നല്ല സുന്ദരകുട്ടനാക്കി ചെമ്പല്ലി മീനിനെ വാഴയില വെച്ചു പത്രത്തിലെക് ഇട്ടു കൂടെ സവാളയും ഒരു മുറി നാരങ്ങയും അതിനു മുകളില്‍ ആയി മീന്‍ വറുത്ത പൊടിയും ആ വറവെളിച്ചെണ്ണയും കൂടെ അങ്ങ് ചൊരിഞ്ഞു

അവിടെ ഉള്ള സ്റ്റൂള്‍ഇല്‍ അതും പിടിച്ച് ആദി ഇരുന്നു

അവന്‍ ഒന്നുകൂടെ മണത്തു , ഇഷ്ടായി നല്ലപോലെ ഇഷ്ടായി അവനതിന്റെ വയറു ഭാഗം തന്നെ പിടിച്ച് അടര്‍ത്തി  എടുത്തു , എന്നിട്ട് നാവില്‍ വെച്ചു, ആഹാ ഒരു പൊടിക്ക് മുന്നോട്ട് ഉപ്പ് കൂടെ ആയപ്പോള്‍ ഭേഷായി.

നദിയില്‍ നിന്നും വീശുന്ന തണുത്ത കാറ്റില്‍ അവിടെ ഇരുന്നു ആ മീന്‍ അപ്പാടെ  അവന്‍ അകത്താക്കി , വിരലോക്കെ നല്ലപോലെ നക്കി വടിച്ചു.

നൂറു രൂപ ആയിരുന്നു അവ൪ പറഞ്ഞത് , ആ പൈസയും കൊടുത്തു അവന്‍ നേരെ ജീപ്പില്‍ കയറി