അപരാജിതൻ 15 [Harshan] 9649

അവന്റെ മുഖത്ത് നോക്കാ൯ നാണം ഉള്ള കാരണം അവള്‍ തല താഴ്ത്തി ഇരുന്നു ചിരിച്ചു

“ചുമ്മാ ,,,,,,,,,,,,,,,നമുക്കൊക്കെ ഒരു വില ഇല്ലേ ,,,അതാ അങ്ങനെ പറഞ്ഞത് , ” എന്ന് പറഞ്ഞു ഒരു ചിരിയോടെ ആദി ജീപ്പ് സ്പീഡിൽ മുന്നോട്ടേക് എടുത്തു.

അങ്ങനെ ഇരുവരും ആ യാത്ര തുടർന്നു.

“സർ” അവള്‍ വിളിച്ചു.

“ദേ,,പറയാൻ മറന്നു ,, എന്നെ ഈ സാറെ കൂറേ എന്നൊന്നും വിളിക്കണ്ട , എന്റെ പേര് ആദിശങ്കരൻ , ആദി എന്ന് വിളിക്കും , അപ്പു എന്നും വിളിപ്പേരുണ്ട്,  എന്നെ പേര് വിളിച്ച എനിക്ക് ഏറെ സന്തോഷം ആകും”

“അപ്പൊ ,,,സാർ എന്ന് വിളിക്കുന്നത് ഇഷ്ടമല്ലേ ?”

“ഏയ്,,, അത് വേണ്ട ,, ”

“എന്നാലും എന്നേക്കാളും മുതി൪ന്ന ആളിനെ എങ്ങനെ ആണ് ഞാൻ പേര് വിളിക്കുക?”

“അത് കുഴപ്പമില്ല,, ധൈര്യമായി വിളിച്ചോ’

“ആദിശങ്കരൻ എന്ന് വിളിക്കാൻ ഒക്കില്ല , അത് വലിയ പേരാ , ആദി അതു കുഴപ്പമില്ല ,,,എന്നാലും

അപ്പു ,,,അത് കുറെ കൂടെ സുഖമാ ,,, അപ്പു ” അവൾ ചിരിച്ചു.

“അതുപോട്ടെ കൊച്ചിന്റെ പേരെന്താ ?”

“എന്നെ ഈ കൊച്ചെ കൊച്ചെ എന്ന് വിളിക്കാതെ ഇരിക്കാമോ ?”

“ഞാൻ എന്ത് ചെയ്യാൻ ആണ് പേര് എനിക്ക് അറിയില്ല , എടി എന്ന് ഇപ്പോ വിളിക്കാനും പറ്റില്ല ,

അത് സർജറി കഴിഞ്ഞിട്ട് വിളിച്ചാൽ പോരെ , എന്ന എടാ എന്ന് വിളിക്കാൻ പറ്റുമോ , അതും ഇല്ല ,, അപ്പൊ പിന്നെ കൊച്ചെ എന്ന് വിളിച്ചാ എളുപ്പമല്ലെ ,,അതാ ഇങ്ങനെ വിളിക്കുന്നത്”

“എന്ന ,,, എന്റെ ഇപ്പോളത്തെ പേര് ചിന്നു എന്നാ , അപ്പൊ അത് വിളിച്ച മതി”

“കൊള്ളാം ,,,,ചിന്നു ,,,,,,,,,,,,നല്ലപേരാ ”

“നല്ല പേര് ആണെങ്കിൽ ചിന്നു എന്ന് വിളിച്ചോ ”

“ശരി ഞാൻ ചിന്നു എന്നു വിളിച്ചേക്കാം ,,”

“എന്നാൽ ഞാൻ അപ്പു എന്നും വിളിക്കാം ”

“ചിന്നുവിന് അറിയുമോ എന്റെ രണ്ടു നല്ല ഫ്രണ്ട്സ് ഉണ്ട് ഒരാൾ ദേവിക മറ്റൊരാൾ ഇന്ദുലേഖ , ഇവരും എന്നെ അപ്പു എന്നാണ് വിളിക്കുന്നത് , പിന്നെ എനിക്ക് വേണ്ടപെട്ട വളരെ കുറച്ചു പേരും,,”

“അപ്പൊ എന്നെയും ഒരു കൂട്ടുകാരി ആക്കിക്കോ , ഞാനും അപ്പുന്നല്ലേ വിളിക്കുന്നത്”

“ഹ്മ് ,,,അത് നമുക് ആലോചിക്കാം ”

“ഞാൻ തമാശ പറഞ്ഞതാ ,,,എന്നെ കൂട്ടുകാരി ഒന്നും ആക്കണ്ട ,, ആക്കാൻ കൊള്ളില്ല , ഞാൻ ആണും പെണ്ണും അല്ലല്ലോ” സങ്കടത്തോടെ ചിന്നു പറഞ്ഞു

“അതെന്താ ,,, കൂട്ടിനു ലിംഗഭേദങ്ങൾ ഉണ്ടോ , എനിക്ക് തോന്നുന്നില്ല , സൗഹൃദ൦ ശരീരം നോക്കി അല്ല മനസ് നോക്കി ആണ് ,, സൗഹൃദത്തിനെ ഒരിക്കലും മത ജാതി വർണ്ണ ലിംഗ വിവേചനങ്ങൾ ഒരിക്കലും പാടില്ല എന്നാണ് എന്റെ അഭിപ്രായം”

“സാധാരണ എന്റെ കൂടെ സൗഹൃദം മോഹിക്കുന്നവർ എന്റെ ശരീരം മോഹിക്കുന്നവർ ആയിരിക്കും , ഇത് ആദ്യമായി ആണ് നല്ലൊരു ആണിനെ കണ്ടു മുട്ടിയത്, നല്ല വീരനായ ഒരു പുരുഷനെ ”