അപരാജിതൻ 15 [Harshan] 9652

“വേണ്ട സാർ ,,, സാർ പൊയ്ക്കോളൂ ”

“ശരി ” എന്നുപറഞ്ഞു ആദി ചിരിച്ചു കൊണ്ട് ജീപ്പ് മുന്നോട്ടേക്ക് എടുത്തു

സമയം   നാല്  മണി ആയിരുന്നു

ഇനിയും ഒരുപാട് ദൂരം പോകാൻ ഉണ്ട്

പക്ഷെ പോകും വഴിക്കാണ് ആദിക്ക് പെട്ടെന്ന് ഒരു കാര്യം ഓർമ്മ വന്നത്

ഇത്രയും കാശും കൊണ്ട് ആ കൊച്ചു ഒറ്റക്ക് , അതും ആരും കൂട്ടിനുമില്ല ,

രത്‌നഗിരി എന്ന സ്ഥലം താൻ പോകുന്ന റൂട്ലൂടെ  അല്ലെ ,, എന്ന പിന്നെ താൻ പോകുന്ന സ്ഥലം വേറെ ഡ്രോപ്പ് ചെയ്യാമായിരുന്നു, അപ്പോൾക്കും പകൽ ആകും , പിന്നെ ആ കൊച്ചിന് പേടി വേണ്ടല്ലോ

അവൻ വേഗം വണ്ടി തിരിച്ചു

ബസ് ഒന്നും ഇതുവരെ വന്നിട്ടില്ല

അതോണ്ട് വേഗം തന്നെ വണ്ടി ഓടിച്ചു

ഒടുവിൽ ആ ബസ്റ്റോപ്പിൽ എത്തി

അവിടെ മൂന്നുനാലു മദ്യപൻമാ൪ ആ കൊച്ചിനെ ശല്യം ചെയ്തു കൊണ്ടിരിക്കുക ആയിരുന്നു

അവൻ വലിയ ശബ്ദത്തിൽ ഹോണടിച്ചു കൊണ്ട് അവളുടെ മുന്നിൽ കൊണ്ട് ചെന്ന് ജീപ്പ് നിർത്തി

ആദിയെ കണ്ടതു൦ , ഭയം നിറഞ്ഞു നിന്ന അവളുടെ മുഖത്ത് ആശ്വാസം നിറഞ്ഞു.

“കൊച്ചു ഇങ്ങോട്ടു കേറിക്കേ ,, ചെന്നുവാടി വരെ ഞാൻ ഉണ്ട് , അവിടെ നിന്നും ഞാൻ മിഥിലക് തിരിയും , എന്തായാലും  അവിടെ നിന്നും വലത്തോട്ട് പോയാൽ രത്നഗിരി റൂട്ട് അല്ലെ , അവിടെ നിന്ന് ബസ് കിട്ടില്ലേ , ഇത്രയും കാശു കൊണ്ട് ഈ രാത്രി എന്തായാലും സേഫ് അല്ല ,

അപ്പോ എന്താ തീരുമാനം ,, ഇതാകുമ്പോ എനിക്ക് മിണ്ടിയും പറഞ്ഞും ഓടിക്കാമല്ലോ ,

ഇല്ലേ ഉറക്കം വരും ,, ഒരു കമ്പനിയും ആകും,, എന്തെ പോരുന്നോ ”

അവൾ ചിരിച്ചു ,,വരാം എന്നുപറഞ്ഞു ”

അവൻ അവളെ വണ്ടിയിൽ കയറ്റി.

“അതേ ,,, കാശ് എത്ര വേണേലും തരാം ,,,, കൂടെ പോര് റൂം .. അടുത്ത് ഉണ്ട് ,,  ” എന്ന് ഒരു കള്ളുകുടിയൻ പുറത്തു നിന്നു അവളോട് പറഞ്ഞു

“ചേട്ടാ രൂപ ,, റൊക്കം എഴുപത്തിനായിരത്തി അഞ്ഞൂറു൦ സെര്‍വീസ് ടാക്സു൦  കൊടുത്തിട്ട ഈ കൊച്ചിനെ ഞാൻ കൊണ്ടുപോകുന്നത് ,,, നാളെ പകൽ വരെ എന്റെ കൂടെയാ ,,,എന്ന് പറഞ്ഞു

അതുകേട്ടു വല്ലാത്തൊരു ലജ്ജയോടെ അവൾ ചിരിച്ചു

“കിട്ടാതേ പോയ മുന്തിരിങ്ങ പുളിക്കും എന്ന പോലെ ആ കള്ളുകുടിയ൯

“എന്‍റേല് അത്രയും ഇല്ലാഞ്ഞിട്ടാ ,, ഇല്ലേ ഞാനും മുടക്കിയെനെ ,, അപ്പോ ഓള്‍ ദി ബെസ്റ്റ് .. സഹോദര൯ പോയി സന്തോഷിക്കൂ,,,”

“ആയിക്കോട്ടെ ചേട്ടാ ,,,,,,,,,,,,”

“ഇതിനെ ബാക്കി വെച്ചേക്കണെ…………..” അയാള്‍ ഒരു നെടുവീര്‍പ്പോടെ പറഞ്ഞു

ആദി വെറുതെ ചിരിച്ചു , എന്നിട്ട് അവളെ  നോക്കി