അനാമിക 5 [Jeevan] 295

സുനിലിന്റെ കൈ എന്റെ തോളിനു അടുത്തു എത്തിയതും, ഞാൻ ആമിയുടെ തോളിൽ ഇരുന്ന എന്റെ വലതു കൈ എടുത്തു, മുഷ്ടി ചുരുട്ടി, ആമിയുടെ തോളിൽ ഇടം കൈ കൊണ്ടു സപ്പോർട്ട് ചെയ്തു, അല്പം പിന്നിലേക്ക് നീങ്ങി, പിന്നിലേക്ക് വട്ടം കറങ്ങി എന്റെ വലം കൈയുടെ കൈ മുട്ട് കൊണ്ടു സുനിലിന്റെ മുഖത്തു തന്നെ ഒന്ന് കൊടുത്തുകൊണ്ട് വെട്ടി തിരിഞ്ഞു നിന്നു. സുനിൽ കിട്ടിയ അടിയുടെ ആഘാതത്തിൽ കറങ്ങി താഴെ വീണു.അവന്റെ വായിൽ നിന്നും പല്ലും ചോരയും നിലത്തേക്ക് വീണു കൊണ്ടിരുന്നു.

അപ്പോളേക്കും ആൽബി എണിറ്റു, അവനും ജെറിനും എന്റെ നേരെ മുഷ്ടി ചുരുട്ടി രണ്ടു സൈഡിൽ നിന്നും പാഞ്ഞു വന്നു. ആൽബിൻ ഇടത് വശത്തു നിന്നും ആദ്യം എന്റെ അടുത്തു എത്താറായിരുന്നു. അവൻ അടുത്തു വന്നു എന്റെ മുഖത്തിനു നേരെ വലതു മുഷ്ടി കൊണ്ടു പ്രഹരിക്കാൻ വന്നപ്പോൾ ഞാൻ തന്ത്ര പൂർവ്വം പിന്നിലേക്ക് വളഞ്ഞു ഒഴിഞ്ഞു മാറി, അവന്റെ കയ്യിൽ എന്റെ രണ്ടു കൈകൊണ്ടും പിടിത്തമിട്ടു, അതിൽ സപ്പോർട്ട് ചെയ്തു രണ്ടു കാലും പൊക്കി ഉയർന്നു ചാടി, അടുത്തേക് ഓടി വന്നു കൊണ്ടിരുന്ന  ജെറിന്റെ നെഞ്ചിൽ തന്നെ ചവിട്ടി വീഴ്ത്തി. അവൻ നേരെ പോയി സുനിലിന്റെ മുകളിൽ വീണു.

ഞാൻ കാല് താഴെ കുത്തി, ഇടം കൈ കൊണ്ടു അവന്റെ വലതു കൈ തിരിച്ചു ഓടിക്കാൻ നോക്കിയപ്പോൾ, അവൻ ഇടം കാലു പൊക്കി എന്നെ ചവിട്ടാൻ വന്നു. ഞാൻ വലം കൈ കൊണ്ടു അത് തടഞ്ഞു, അല്പം പിന്നിലേക്ക് നീങ്ങി, വലതു കാൽ പൊക്കി, അവന്റെ തുടയിൽ ചവിട്ടി ഉയർന്നു, വലത്തേ കൈ മുഷ്ടി ചുരുട്ടി മുകളിൽ നിന്നും അവന്റെ മുഖത്തേക്കു പ്രഹരിച്ചു താഴേക്ക് വന്നു. ഇടി കിട്ടി കിളിപറന്ന അവന്റെ വലം കൈ പൊക്കി, അവന്റെ കക്ഷത്തിന്റെ അവിടെ എന്റെ വലതു കൈ കൊണ്ടു  അപ്പർ കട്ട്‌ പഞ്ച് ചെയ്തു. അവന്റെ ജോയിന്റ് ഡിസ്ലൊക്കേറ്റ് ആയി.

അപ്പോൾ ആണ് ജെറിൻ പിന്നിൽ നിന്നും എന്നെ ചവിട്ടിയത്. ഞാൻ ആൽബിനെയും കൊണ്ടു വീണു. ആൽബിന്റെ പുറത്തു കമിഴ്ന്നു വീണ ഞാൻ, പെട്ടന്ന് ഉരുണ്ടു മലർന്നു കിടന്നു  നോക്കി. ജെറിൻ ആണ് ചവിട്ടിയത് എന്ന് മനസ്സിലായി. ഞാൻ കൈ രണ്ടും  നിലത്തു തലയുടെ മുകളിൽ കുത്തി, ചാടി എണിറ്റു. എന്നിട്ട്, പെടലി രണ്ടു വശത്തേക്കും ചരിച്ചു ഞൊട്ട ഇട്ടു, കൈയും ഒന്ന് മുന്നിലേക്ക് പിടിച്ചു ഞൊട്ട ഇട്ടു ജെറിനെ നോക്കി പുഞ്ചിരിച്ചു, പിന്നെ പേടിച്ച് നിന്ന ആമിയെയും.

ജെറിൻ വീണ്ടും അലറി എന്റെ തല്ലാൻ വന്നു, ഞാൻ അവന്റെ പഞ്ചിൽ നിന്നും ഒഴിഞ്ഞു മാറിക്കൊണ്ടിരുന്നു. അവസാനത്തെ പഞ്ച് മുഖത്തിന് നേരെ വന്നപ്പോൾ ഞാൻ എന്റെ ഇടത് കൈ കൊണ്ടു അവന്റെ കൈ മുഷ്ടിയിൽ പിടുത്തമിട്ടു തടുത്തു, എന്നിട്ടു കൈ പിടിച്ചു അവന്റെ നെഞ്ചിൽ തന്നെ ശക്തിയായി പ്രഹരിച്ചു. വെച്ച് പിന്നിലേക്ക് വീഴാൻ പോയ അവന്റെ ഇടം കൈയ്യിൽ പിടുത്തമിട്ടു എന്നിലേക്കു വലിച്ചു, അവന്റെ താടിയിൽ ഒരു അപ്പർ കട്ട്‌ പഞ്ച് ചെയ്തു, രണ്ടു കൈയും നിവർത്തി നെഞ്ചിൽ ആഞ്ഞു ഒരു തല്ല് കൊടുത്തു, അവൻ പിന്നിലേക്ക് പോയപ്പോൾ അല്പം പിന്നിലേക്ക് മാറി, പിന്നിലേക്ക് കറങ്ങി ഇടം കാലിൽ ഊന്നി അവന്റെ മുഖത്തു ഒരു  ടൊർണാഡോ കിക്ക്  കൂടെ കൊടുത്തു. അപ്പോളേയ്ക്കും മൂന്നു എണ്ണവും ഫ്ലാറ്റ്. അവർ മുന്നും വേദന കൊണ്ടു നിലത്തു കിടന്നു പുളഞ്ഞു.

അപ്പോളേക്കും  അവിടെ മുഴുവൻ ആളുകൾ വന്നു. കുട്ടികൾ മിക്കതും പോയത് കൊണ്ട്‌ കുറച്ചു പേരെ ഉണ്ടായിരുന്നുള്ളു, എങ്കിലും അതിൽ എല്ലാ ബാച്ചിലെ കുട്ടികളും ഉണ്ട്. അദ്ധ്യാപകരിൽ അഞ്ചു, സുനിത, എന്നീ കുറച്ചു ടീച്ചേർസ്, ശ്രീ കുമാർ എന്ന സർ.