വസന്തം പോയതറിയാതെ -18 [ദാസൻ] [Climax 1] 434

പോകാനുള്ളിടത്തൊക്കെ പോയിട്ട് സാവധാനം കൊണ്ടുപോയാൽ മതിയെന്ന് ”

അപ്പോൾ അതാണ് കളക്ടർ എന്നോട് വിളിക്കണ്ട എന്ന് പറഞ്ഞത്. മോളോടുള്ള സംസാരമൊക്കെ കഴിഞ്ഞു  അടുക്കളയിലേക്ക് ചെല്ലുമ്പോൾ സമയം 7:30 ആയി. ഗൗരിയുടെ പണിയൊക്കെ കഴിഞ്ഞ്  അടുക്കള വൃത്തിയാക്കി കുളിക്കാൻ പോകാനുള്ള തയ്യാറെടുപ്പിലായിരുന്നു. ഞാൻ പറഞ്ഞു

” ഞാൻ മോളെ വിളിച്ചിരുന്നു. ”

മോള് എന്താണ് പറഞ്ഞതെന്ന് അറിയാനുള്ള അർത്ഥത്തിൽ എന്റെ മുഖത്തേക്ക് നോക്കി.

” ഈ അമ്മയ്ക്ക് എവിടെയൊക്കെ പോകാനുണ്ട് അതൊക്കെ കഴിഞ്ഞ് അമ്മമ്മയെ കൊണ്ടുപോകാം എന്നാണ് പറഞ്ഞത് ”

ഗൗരി ദേഷ്യം കൊണ്ട്

” മോള് അങ്ങനെ പറഞ്ഞോ? ഞാനൊന്ന് ചോദിക്കട്ടെ ”

സ്പീഡിൽ മുറിയിലേക്ക് പോയി. കുറച്ചുകഴിഞ്ഞ് തിരിച്ചിറങ്ങി വന്നു എന്നോട്

” ഞാൻ എവിടെ പോകുന്നെന്നാ മോള് പറഞ്ഞെ. മറ്റുള്ളവരുടെ ഉള്ളിലുള്ളത് വേറൊരാളുടെ തലയിൽ കെട്ടിവയ്ക്കരുത്  ”

കുറച്ചു കഴിഞ്ഞപ്പോൾ മോളുടെ വിളിവന്നു

” നിങ്ങൾ തമ്മിൽ ഇപ്പോഴും നോർമൽ ആയിട്ടില്ലേ? ഞാൻ അങ്ങോട്ട് വരണോ?  നടന്നുകൊണ്ടിരിക്കുകയാണ് അത് മാറ്റിവെച്ച് വേണമെങ്കിൽ ഞാൻ അങ്ങോട്ട് വരാം ”

” വേണ്ട മോളെ. അമ്മയെ മോൾക്ക് അറിയില്ലേ, ഓരോ കുസൃതികൾ ഒപ്പിക്കുകയാണ്  ”

ഞാൻ ഫോൺ കട്ട് ചെയ്യാതെ

” എന്താണ് ഗൗരി ഇങ്ങനെ, ഞാൻ എന്തെങ്കിലും തമാശ പറഞ്ഞതെന്ന് കരുതി മോളെ പിരി കേറ്റണോ ”

ഇതിനുശേഷം ഞാൻ ഫോൺ കട്ട് ചെയ്തു. ഉടനെ ഗൗരി

” എല്ലാവരുടെയും മുൻപിൽ ഞാൻ ആണല്ലോ തെറ്റുകാരി ശരി, എല്ലാം ഞാൻ ഏൽക്കുന്നു. അങ്ങനെയെങ്കിലും ഞാൻ ചെയ്ത പാപങ്ങളൊക്കെ മാറുമെങ്കിൽ എല്ലാ തെറ്റുകുറ്റങ്ങളും ഞാൻ ഏൽക്കുന്നു. ”

ഞാൻ ഉടനെ തന്നെ അന്തരീക്ഷം തണുപ്പിക്കാൻ

” ഞാൻ എന്തെങ്കിലും തമാശ പറഞ്ഞെന്ന് കരുതി ഇങ്ങനെ സീരിയസ് ആകല്ലേ. ഗൗരിയുടെ ആ വിളി കൊണ്ട് മോള് തെറ്റിദ്ധരിച്ച്  അമ്മമാരോട് പറഞ്ഞാൽ…., അതോർത്തിട്ടാണ് ഞാൻ അങ്ങനെ പറഞ്ഞത് ”

” മോള് തെറ്റിദ്ധരിച്ചതാണോ, മോള് ധരിച്ചതിൽ എന്താണ് തെറ്റ് ”

” അതെ, ഒരു തെറ്റിദ്ധാരണയുമില്ല “