ഉറുദുമാഷ്

Urudu Mash | Author : Hyder Marakkar

“””ഡാ……ഞാൻ   ഇന്നും  ആ   സ്വപ്നം  കണ്ടു…..”””

ബൈക്ക്   ഓടിക്കുന്ന  ജിത്തുവിന്റെ  തോളിൽ  തല  ചായ്‌ച്ച്  മുന്നോട്ട്  നീങ്ങി  ഇരുന്നുകൊണ്ട്   ഞാൻ  പറഞ്ഞു

“””ഏത്   ആ   പൂച്ചക്കണ്ണിയോ??”””

“””മ്മ്………”””

ഞാൻ   വെറുതെ  ഒന്ന്  മൂളി…., കഴിഞ്ഞ  ഒരു  മാസമായി  ദിവസവും  രാത്രി  അവൾ  എന്റെ    സ്വപ്നത്തിൽ   വരുന്നു…..   പൂച്ചക്കണ്ണുള്ള  സുന്ദരി….

“””പൂച്ചക്കണ്ണ്  മാത്രേ  ഉള്ളോ  അതോ  പൂച്ചെന്നെ  പോലെ   വാലൊക്കെ  ഉണ്ടോ??”””

ജിത്തുവിന്റെ    ആ   ചോദ്യമാണ്   അവളുടെ   മുഖം  പൂർണമായും  ഓർത്തെടുക്കാൻ  ശ്രമിച്ചുകൊണ്ടിരുന്ന  ഉദ്യമത്തിൽ  നിന്നും  എന്നെ  പിന്തിരിപ്പിച്ചത്…. ഒരു  മാസമായി  ഒരേ

സ്വപ്നമാണ്  കാണുന്നത്, പക്ഷെ  ഇപ്പോഴും   അവളുടെ   ആ   കാന്തിക  ശേഷിയുള്ള   കണ്ണുകൾ  അല്ലാതെ  മറ്റൊന്നും  എനിക്ക്   ഓർമ്മവരുന്നില്ല….

“””ഓ  പിന്നെ…  വാല്…..ഒന്ന്   പോയെടാ”””

അവന്റെ  തോളിൽ  ചായ്ങ്ങിരുന്നുകൊണ്ട്  തന്നെ  ഞാൻ  അല്പം  പുച്ഛ ഭാവത്തിൽ  പറഞ്ഞു….

“””നീ  വിശ്വസിക്കണ്ട…..സംഭവം  ഉള്ളതാണ്…. എന്റെ   വീട്ടിന്റെ  അടുത്തുള്ള    ഗോകുൽ    ഇല്ലേ, ആ   അവൻ  കഴിഞ്ഞ  ദിവസം  രാത്രി  മൂത്രം  ഒഴിക്കാൻ   എഴുന്നേറ്റപ്പോൾ  അവന്റെ  വീട്ടിന്റെ   മുന്നിലൂടെ  പൂച്ചയുടെ  തലയും  നീണ്ട  വാലും  ഒക്കെയുള്ള  ഒരു  പെണ്ണ്   തൊട്ടിയും കയറും  പിടിച്ചോണ്ട്  ഓടുന്നത്  കണ്ടതാണ്……. ചെക്കന്    ഇപ്പോഴും  പനി  വിട്ട്  മാറിയിട്ടില്ല, അതുപോലെ   വല്ലതും  ആണോന്ന്  പറയാൻ   പറ്റില്ലല്ലോ…..”””

“””ഒന്ന്  പോടോ  ഹേ…….തള്ള്  നിർത്തി  നേരെ  നോക്കി  വണ്ടി  ഓടിക്ക്”””

അവന്റെ   ഹെൽമെറ്റ്‌  ഇട്ട   തലയിൽ   കൊട്ടി കൊണ്ട്  ഞാൻ  പറഞ്ഞു….

അവൻ   എത്ര  ആഞ്ഞ്   തള്ളിയാലും  ഞാൻ  ഈ  പൊട്ടത്തരം  ഒന്നും  വിശ്വസിക്കില്ലെന്ന്  തോന്നിയത്  കൊണ്ടാകാം, ആശാൻ  പിന്നെ  ഒന്നും  മിണ്ടാതെ  നേരെ  നോക്കി    വണ്ടി  ഓടിക്കാൻ   തുടങ്ങി…..