ഉറുദുമാഷ് [Hyder Marakkar] 530

“”””നീ   വിശ്വസിക്കില്ലെന്ന്   അറിയാം, പക്ഷെ  സത്യം  അതാണ്…..എന്റെ  അപ്പൂപ്പനൊക്കെ   നേരിട്ട്   കണ്ടിട്ടുണ്ട് പോലും”””

“””ഉവ്വ…..”””

തള്ള്   അസ്സഹനീയം  ആണെങ്കിലും  ഇനി  കഥ   കേൾക്കണമെങ്കിൽ   അവനെ  സപ്പോർട്ട്   ചെയ്തേ  പറ്റു,

“””നിന്റെ   അപ്പൂപ്പൻ  ഒക്കെ   കണ്ടിട്ടുണ്ടോ….. ന്റമ്മോ  എന്നാ  സത്യമാവും….. നീ  കഥ  പറ   കഥ   പറ””””

എന്റെ  ഉള്ളിൽ   ഉറങ്ങി  കിടന്ന   നാച്ചുറൽ  ആക്ടറേ  അങ്ങ്  പുറത്തിറക്കി…..അതോടെ  ജിത്തു  കഥ  പറയാനുള്ള  തയാറെടുപ്പുകൾ  തുടങ്ങി….

ഇരുട്ട്   മൂടി  കിടക്കുന്ന   റെയിൽവേ  ട്രാക്കിലേക്ക്  ഒരു  നിമിഷം  നോക്കിയ  ശേഷം   തൊണ്ട  ശരിയാക്കികൊണ്ട്  ജിത്തു  പറഞ്ഞ്   തുടങ്ങി…..

“”പണ്ട്….. പണ്ട്  ഇവിടെ  ട്രെയിനിന്  മുനിൽ  ചാടി  ആത്മഹത്യ  ചെയ്ത   ഉറുദുമാഷിന്റെ   പ്രേതം  ഇതിലെ  ഒക്കെ  അലഞ്ഞ്   നടന്നിരുന്നു, ഒടുക്കം  എന്തൊക്കയോ  പൂജയൊക്കെ  ചെയ്ത്  അതിനെ  തളച്ചതാണ്”””

“””ഇങ്ങനെ  ആണോ  കോപ്പേ  കഥ   പറയുന്നേ….. ഒന്ന്   ഡീറ്റൈൽ  ആയി  പറ….. നിനക്ക്   അറിയുന്നത്  എല്ലാം””””

അവൻ  ഒറ്റ  വരിയിൽ  കഥ  അവസാനിപ്പിച്ചപ്പോൾ   നല്ലൊരു   കഥ  പ്രതീക്ഷിച്ച   എനിക്ക്  സ്വാഭാവികമായും  ദേഷ്യം   വന്നു…..

“””കെ.പി.സി  സ്കൂളിലേ   ഉറുദു  പഠിപ്പിച്ചിരുന്ന   മാഷാണ്  കക്ഷി…. ഒരു  ദിവസം   പുള്ളി  പഠിപ്പിച്ചിരുന്ന  ഒരു  വിദ്യാർത്ഥിനിയുടെ  വീട്ടുകാര്    അങ്ങേര്    ആ   കൊച്ചിനെ  പീഡിപ്പിച്ചു  എന്ന്   പറഞ്ഞ്   കേസ്  കൊടുത്തു….. അതോടെ   പിന്നെ  പറയണോ,  പഠിപ്പിക്കുന്ന   അദ്ധ്യാപകൻ   കുട്ടിയേ  പീഡിപ്പിക്കാൻ   ശ്രമിച്ചെന്ന്   പറഞ്ഞ്  ആകെ  പ്രശ്നമായി…. ഒടുക്കം  മറ്റൊരു  നിവർത്തിയും   ഇല്ലാതെ  പുള്ളി   ട്രെയിനിന്റെ   മുനിൽ  ചാടി  ആത്മഹത്യ  ചെയ്തു…..'”””

“””അയ്യേ…… ഇതാണോ  കഥ, കോപ്പ്…… എന്ത്   മണ്ടനാടാ  അയാള്,  പീഡിപ്പിക്കുന്നവർക്ക്   ഇത്രയും  സൗകര്യങ്ങൾ   ചെയത്  കൊടുക്കുന്ന  നമ്മുടെ  നാട്ടില്   പീഡന  കേസിൽ   അകത്ത്  പോവുന്നത്   പേടിച്ച്   ഒരാൾ   ആത്മഹത്യ  ചെയ്യാനൊക്കെ  പറഞ്ഞ  വിശ്വസിക്കാൻ  ഇത്തിരി  പാടാണ്…..  പീഡന  കേസിൽ   പ്രതിയാവുക  എന്നൊക്കെ  വെച്ച   ഗവണ്മെന്റ്  ജോലി  കിട്ടുന്നതിന്  തുല്യമല്ലേ….. എല്ലാം  കൊണ്ടും  വിഐപി  ട്രീറ്റ്മെന്റ്  ആണ്…. ഒക്കെ  കഴിഞ്ഞ്   ഒരു   പെരുനാളിന്   അറുത്താലും   തീരാത്ത   പരിവം   ആകുമ്പോ   ജയിലിന്ന്   ഇറങ്ങാം…….. അപ്പോഴേക്കെ   ഈ   പറയുന്ന   കൊടി   പിടിച്ചും   മെഴുകുതിരി  കത്തിച്ചും  നടന്ന   നാട്ടുക്കാര്    മാന്യന്മാര്   അതൊക്കെ  മറന്നു   കാണും…… അപ്പോ   എവിടേലും  പോയി  സുഖമായി  ജീവിക്കുകയും  ചെയ്യാം…..””””