ഉറുദുമാഷ് [Hyder Marakkar] 530

എന്നാലും  ആരാവും  ആ   പെണ്ണ്??  എങ്ങനെയാണ്   ഇന്നുവരെ  കണ്ടിട്ടില്ലാത്ത   ഒരാൾ   ഇങ്ങനെ   സ്വപ്നത്തിൽ  നിരന്തരം  വരുന്നത്??

ഇതുവരെ  കണ്ടിരുന്നത്  പോലെയല്ല, ഇന്നലെ  ആ  മിഴികൾ   നനഞ്ഞിരുന്നു, അതാണ്  എന്നെ  ഇത്ര  അസ്വസ്ഥൻ  ആകുന്നത്….  എനിക്ക്  ഈ  നിയോഗത്തിലും  മാങ്ങാത്തൊലിയിലും  ഒന്നും  വല്യ  വിശ്വാസം  ഇല്ലായിരുന്നു, പക്ഷെ  ഇപ്പോ  എന്തോ……. ഇനി  അങ്ങനെ  എനിക്ക്  വേണ്ടി  ഒരു  പെണ്ണ്   എവിടേലും   ജീവിച്ചിരിപ്പുണ്ടെങ്കിൽ,

അങ്ങനെ  ഒരു  നിയോഗം  ഉണ്ടെങ്കിൽ  എന്ന്  ആഗ്രഹിച്ചു  പോവുന്നു….. ആ   കണ്ണുകൾ   എന്നെ   അത്ര  അധികം  അടിമ  പെടുത്തിയിരിക്കുന്നു…..

***

“””പണ്ടാരം  അടങ്ങാൻ….. പെട്രോൾ   കഴിഞ്ഞോ??”””

ബൈക്കിന്  മിസ്സിംഗ്  വന്നപ്പോൾ   ജിത്തു  അരിശത്തോടെ  പറയുന്നത്  കേട്ടു…. പടച്ചോനെ  പെട്ടോ…. പാതിരാത്രി   ഈ   പട്ടിക്കാട്ടില്   വണ്ടി  നിന്നുപോയ  തീർന്ന്…..

“””ഡാ  നീ  പെട്രോൾ  അടിച്ചില്ലേ??”””

“”” മിനിഞ്ഞാന്ന് അമ്പത്  രൂപയ്ക്ക്   അടിച്ചതാടാ….””””

“””ഓ  ഞഞ്ഞായി  പോയി….. മോൻ   എങ്ങനെയെങ്കിലും  ഓഫ്  ആവാതെ  ആ   കൂട്ടുമുകിലുള്ള  പമ്പ്  വരെ  എത്തിക്കാൻ   നോക്ക്….””””

ഞാൻ  അത്   പറഞ്ഞ്  തീരലും  വണ്ടി  ഓഫാവലും   ഒരുമിച്ചായിരുന്നു….

“””ഓ   നശിച്ചവനെ…… നിന്റെ   ഒരു  നാക്ക്”””

“””ഓ  അല്ലാതെ   മോൻ   പെട്രോൾ   അടിക്കാഞ്ഞിട്ടല്ല”””

എല്ലാം  ഒപ്പിച്ചു  വെച്ചിട്ട്   എന്റെ   നാക്കിനെ   കുറ്റം  പറഞ്ഞത്  കേട്ട്  അവന്റെ  പാട്ട ബൈക്കിൽ  നിന്നും  ഇറങ്ങി  അതിന്റെ  പിൻസീറ്റിൽ  അടിച്ചുകൊണ്ട്  ഞാൻ  പറഞ്ഞു…

അവൻ   കിക്കർ  ചവിട്ടി  പൊട്ടിക്കാനുള്ള  കഠിന പരിശ്രമത്തിലാണ്, ഇന്ദനം  ഇല്ലാതെ  അതിൽ   ചവിട്ടി  കളിച്ചിട്ട്   എന്തോന്ന്  കാര്യം…..

ശരിക്കും  പെട്ടു…. സമയം  ഏകദേശം  പന്ത്രണ്ടര   കഴിഞ്ഞിട്ടുണ്ട്… ഈ  പരിസരത്തെങ്ങും   ആൾ   താമസം  ഒന്നും  ഇല്ല…. വല്ല  വീടും  ഉണ്ടായിരുന്നേൽ   നൈസ്  ആയിട്ട്  പോയി  പെട്രോൾ   ഊറ്റാമായിരുന്നു…