ശിവശക്തി 9 [പ്രണയരാജ] 325

സ്വർണ്ണ വർണ്ണത്തിൽ ഒരു വലിയ നാഗം വരുന്നത് കരിനാഗം കണ്ടു, അടുത്ത നിമിഷം കരിനാഗത്തിൻ്റെ മിഴികൾ ഭക്തിയിലാണ്ടു. സ്വർണ നാഗം നീല നാഗത്തിൻ്റെ വയർ ഭാഗത്ത് തൻ്റെ പല്ലുകൾ ആഴ്ത്തി, അടുത്ത നിമിഷം കരിനാഗം വിമോചിതനായി.

വേദനയിൽ പുളഞ്ഞ നീല നാഗം പെട്ടെന്നു തന്നെ തിരിഞ്ഞ് സ്വർണ്ണ നാഗത്തെ കൊത്താൻ ശ്രമിച്ചതും സ്വർണ്ണ നാഗം ഒഴിഞ്ഞു മാറി. അടുത്ത നിമിഷം തന്നെ തൻ്റെ ശരീരം കൊണ്ട് നീല നാഗത്തെ വരിഞ്ഞു മുറിക്കി . ഒപ്പം തൻ്റെ ശരീരം ക്രമാധീതമായി വലുതാക്കി. വലിയ നാഗത്തിനു മുന്നിലെ ചെറു നാഗം കണക്കിന് നീല നാഗം .

നീല നാഗം സ്വശരീരം വലുതാക്കാൻ ശ്രമിച്ചപ്പോ കൂടുതൽ മുറുകുയാണ് ചെയ്തത്, കാരണം സ്വർണ്ണ നാഗം അതിഭീകരരൂപം പൂണ്ടു കഴിഞ്ഞു, ഒപ്പം ആ ശരീരത്തിനുള്ളിലാണ് തൻ്റെ ശരീരം, ഒന്നനക്കാൻ പോലും കഴിയാത്തത്ര മുറുക്കം, ശരീരം വലുതാക്കുക എന്നത് അസംഭവ്യമായി തീർന്നു.

സ്വർണ്ണ നാഗം തൻ്റെ വലിയ വാ തുറന്ന് നീല നാഗത്തിൻ്റെ തല ഭാഗം തൻ്റെ വായിനകത്താക്കി. പിന്നെ വളരെ സാവധാനത്തിൽ ആ നാഗത്തെ വിഴുങ്ങാൻ തുടങ്ങി. നീല നാഗത്തെ വിഴുങ്ങിയതും സ്വർണ്ണ നാഗം സ്വരൂപത്തിലേക്കു മടങ്ങി.

അടുത്ത നിമിഷം സ്വർണ്ണ നാഗത്തിൻ്റെ ശിരോഭാഗത്ത് നഗമണിക്കല്ല് സപ്തവർണ്ണം പോലെ തിളങ്ങി, ആ വെളിച്ചത്തിൽ കരിനാഗത്തിൻ്റെ മുറിപ്പാടുകൾ ഉണങ്ങി, തളർച്ച മാറി. കരിനാഗം ഭക്തിയോടെ ശരസ്സു താഴ്ത്തി വണങ്ങി. ശിവനിൽ വിരാചിതനായ വാസുകി നാഗത്തെ. നാഗാധിപനെ.

ഗുരുദേവാ….

ആചാര്യൻ്റെ അലമുറ കേട്ടാണ് ഗുരുദേവൻ യോഗ മുറിയിലേക്കു കയറി വന്നത്. ഗുരുദേവൻ സന്തോഷത്താൽ അറാടുന്നത് കണ്ട് ആശ്ചര്യചകിതനായ ഗുരുദേവൻ കാര്യമെന്തെന്നാരാഞ്ഞു.

നമ്മുടെ തപോ ബലത്തെ നിഗ്രഹിച്ചിരിക്കുന്നു.

സത്യമോ…. ആര്

വാസുകി, ശിവ വിരാചിതൻ, സർവ്വശക്തൻ

എല്ലാം ശിവ ഹിതമല്ലേ….

അതെ, നമ്മുടെ അനന്തയിൽ നിന്നുമുണർന്ന അനർത്ഥം, മഹാപാപം ,ആ പാപത്തിൽ നിന്നും സാക്ഷാൽ വാസുകി, നാഗാധിപൻ നമ്മെ കരകയറ്റി.

അതു പറഞ്ഞു നിൽക്കുമ്പോഴാണ് യോഗ മുറിയുടെ പല ഭാഗത്തു നിന്നും ആയിരക്കണക്കിന് നാഗങ്ങൾ, അതും കറുത്ത നാഗങ്ങൾ ഇഴഞ്ഞു വന്നത്. ആ നാഗങ്ങൾ , ആ മുറിക്കു ചുറ്റുമായി വലിയൊരു വട്ടം തീർത്തു. അതു കണ്ടു ഭയന്ന ഗുരുദേവൻ ആചാര്യൻ്റെ മുഖത്തു നോക്കി , അദ്ദേഹം പുഞ്ചിരി തൂകി നിൽക്കുന്ന കാഴ്ച്ച ഗുരുദേവൻ ആശ്ചര്യത്തോടെ നോക്കി നിന്നു.

നാഗാധിപൻ വാസുകിയുടെ ഇച്ഛ നാം ശിരസ്സാ വഹിക്കുന്നു.

ആചാര്യൻ പറഞ്ഞ വാക്കുകളുടെ പൊരുളറിയാതെ, ഗുരുദേവൻ അദ്ദേഹത്തെ തന്നെ നോക്കി നിന്നു.