സംഭവാമി യുഗേ യുഗേ 2

Sambhavaami Yuge Yuge Part 2 | John Wick | Previous Part

 

ഫ്രണ്ട്സ് എന്നോട് ക്ഷമിക്കണം ഇതായിരുന്നു പാർട്ട്‌ 1 ഇന്റെ അവസാനം. എന്തുകൊണ്ടോ ഈ ഭാഗം വന്നില്ല. ക്ഷമിക്കുമല്ലോ. എല്ലാവരും പറഞ്ഞപ്പോൾ ഞാൻ ഒന്ന് വായിച്ചു നോക്കിയപ്പോളാണ് അമളി പറ്റിയത് മനസ്സിലായത്. അപ്പൊ പാർട്ട്‌ 1 end ആണിത്.എല്ലാവരും വായിച്ചഭിപ്രായം പറയണം

*****************************************

തങ്ങളുടെ ഏറ്റവും മികച്ച ഏജന്റുമാരിൽ ഒരാളായ മൈക്കൽ എന്ന ചെറുപ്പക്കാരൻ അഞ്ചു വർഷം മുൻപ് ഇവരുടെ പിന്നാലെ പോയതാണ്. ഗോൻസൽവേസിന്റെ രഹസ്യതാവളം കണ്ടെത്തി പിന്നാലെ പോയി എന്നാൽ ഉദ്ദേശിച്ച സ്ഥലത്തിന്റെ ഒരു കിലോമീറ്റർ മുൻപ് മൈക്കലുമായിട്ടുള്ള ബന്ധം മുറിഞ്ഞു.പിന്നെ അവനെ കാണുന്നത് അവനെ ഈ ധൗത്യം ഏൽപ്പിച്ച അന്നത്തെ ഡയറക്ടർ ആയ ഷെൽഡൺ എന്നയാളുടെ വീടിന്റെ മുൻപിലുള്ള പോസ്റ്റിൽ പൂർണ നഗ്നനാക്കി കെട്ടി തൂക്കിയ നിലയിൽ. മൈക്കലിന്റെ രഹസ്യ ഭാഗം മറച്ചുകൊണ്ട് ഒരു എഴുത്തും ഉണ്ടായിരുന്നു

“ഡു നോട്ട് റിപീറ്റ് ദിസ്‌”

 

“ശെരിയാണ് ആർക്കും അതിനുള്ള ധൈര്യമില്ല.പിന്നെ എന്താണ് വഴി മെലിസ്സ?”പഴയ കാര്യങ്ങൾ ഓർത്തു കൊണ്ട് ഐറിൻ പറഞ്ഞു.

 

“മാം നമുക്കിപ്പോൾ ഒരു ലീഡ് ആണ് കിട്ടിയിരിക്കുന്നെ. എനിക്ക് തോന്നുന്നു നമുക്ക് ആ ലീഡ് വെച്ച് അവന്റെ പിന്നാലെ ഇപ്പോ പോകാം. അവൻ എന്തിനാ പോയതെന്ന് അറിയാമല്ലോ. തെൻ നമുക്ക് അവനെ പിടിക്കാം”ആത്മവിശ്വാസത്തോടെ മെലിസ്സ പറഞ്ഞു.

 

“മെലിസ്സ നമ്മൾ ഇപ്പോൾ തന്നെ ഏകദേശം 18 മണിക്കൂർ പിറകിൽ ആണ് സൊ വി നീഡ് ടു മൂവ് ഫാസ്റ്റ്.ബട്ട്‌ അവിടെയും പ്രോബ്ലം ഉണ്ടല്ലോ ഒരു ഓപ്പറേഷൻ രണ്ട് രാജ്യങ്ങളുടെയും കൺസന്റ് ഇല്ലാതെ പറ്റില്ലല്ലോ”ആശങ്കയോടെ  ഐറിൻ ചോദിച്ചു.

 

“മാം അതിനാര് ഓപ്പറേഷന് വേണ്ടി പോകുന്നു. നമ്മൾ വെറും ടൂറിസ്റ്റുകൾ ആണ്. അവിടെ എത്തിയാൽ പിന്നെ പോലീസിന്റെ സഹായത്തോടെ അവനെ നമുക്ക് തേടിപിടിക്കാം”ഒരു ചെറു പുഞ്ചിരിയോടെ മെലിസ്സ പറഞ്ഞു.

 

“ഓഹ് ഗ്രേറ്റ്‌ മെലിസ്സ”ഉത്സാഹത്തോടെ ഐറിൻ പറഞ്ഞു.”മെലിസ്സ നിനക്ക് എത്ര പേരെ വേണമെങ്കിലും എടുത്തോ നമുക്ക് അവനെ വേണം”ഐറിൻ പറഞ്ഞു.

 

“മാം എനിക്ക് ഒരുപകാരം ചെയ്യണം”മെലിസ്സ പറഞ്ഞു.