രുദ്ര 2 [രാവണാസുരൻ] 200

ടാ സാമേ അവളെ തൊട്ടാൽ കൈപൊള്ളും വേണ്ടെടാ വാ പോകാം.

ഓഹോ അവൾഅത്രയ്ക്ക് hot ആണോ എനിക്കും കുറച്ചു hot ആയിട്ടുള്ള പെൺപിള്ളേരെയാ ഇഷ്ടം.

ടാ അത് രുദ്ര ഏച്ചി അനിയത്തിയെ പോലെ കാണുന്ന കുട്ടിയാ.അതിനെ തൊട്ടാൽ നിനക്ക് മാത്രം അല്ല എനിക്കും പണി കിട്ടും

വന്നപ്പോൾ തൊട്ട് കേൾക്കുന്നതാണല്ലോ ഈ രുദ്രയെ പറ്റി എന്നിട്ട് ആ ഐറ്റത്തെ ഇതുവരെ കണ്ടില്ലല്ലോ. എന്തായാലും ഇവളെ മുട്ടാം അപ്പൊ മറ്റവൾ വന്നോളും.

സാം പാലമറ്റം കോട്ടയത്തെ പേരുകേട്ട പ്ലാന്റർ ആയ പാലമറ്റത്തെ സണ്ണിയുടെ രണ്ടാമത്തെ മകൻ.ശിവപുരത്തെ പ്രമാണിയായ അവറാച്ചന്റെ മൂന്നാമത്തെമകൻ ജോണിന്റെ കൂട്ടുകാരൻ.
ക്ഷേത്രത്തിലെ ഉത്സവം കൂടാൻ ജോൺ ക്ഷണിച്ചതാണ് സാമിനെ കൂടെ തന്നെ അവന്റെ മൂന്നു തലതെറിച്ച കൂട്ടുകാരും വന്നു.

സാം കൂടെ ഉണ്ടായിരുന്ന ജിത്തു എന്ന കൂട്ടുകാരനെ പാത്തുവിന്റെ അടുത്തേയ്ക്ക് പറഞ്ഞയച്ചു

ഈ സമയം രുദ്ര തന്റെ കൂട്ടുകാരിയെ കണ്ടു സംസാരിച്ചു നിൽക്കുവായിരുന്നു.പാത്തു കുഞ്ഞന്റെ കൂടെ അടുത്ത് കണ്ട കളിപ്പാട്ടങ്ങളും കുപ്പിവളകളും മാലയും ഒക്കെ വിൽക്കുന്ന ഒരു തട്ടിൽ സാധനങ്ങൾ നോക്കികാണുകയായിരുന്നു.

ഇത്ത എനിക്ക് ആ കണ്ണാടി വാങ്ങി തരോ

ഒന്ന് അടങ്ങി നിക്ക് ചെക്കാ വാങ്ങിത്തരാം
ചേട്ടാ ആ മാലയ്ക്ക് എന്താ വില പാത്തു ചോദിച്ചു

മോളെ അതിന് അൻപതു രൂപ കടക്കാരൻ പറഞ്ഞു

വില കുറയല്ലേ ചേട്ടാ.പാത്തു ചോദിച്ചു

കുറച്ചു എന്തെങ്കിലും കുറയ്ക്കാം മോളെ.കടക്കാരൻ പറഞ്ഞു

എങ്കിൽ ചേട്ടാ ഈ മാലയും ഈ കണ്ണാടിയും വേണം.പാത്തു പറഞ്ഞു

അവൾ മാലയും വാങ്ങി കണ്ണാടി കുഞ്ഞന് കൊടുത്തു അവൻ ആ കണ്ണാടി ഒക്കെ വച്ചു ഗമയിൽ നിക്കുവായിരുന്നു അപ്പോഴാണ് ജിത്തു അവിടെ എത്തിയത്

ചേട്ടാ ഈ അരയ്ക്ക് പറ്റിയ അരഞ്ഞാണമോ അരപ്പട്ടയോ വല്ലതുമുണ്ടോ. ജിത്തു പാത്തുവിന്റെ അരയ്ക്ക് ചൂണ്ടി ചോദിച്ചു

കടക്കാരൻ പാത്തുവിനെ നോക്കി പാത്തു ഇത് ശ്രദ്ധിക്കാതെ അനിയൻ കാട്ടിക്കൂട്ടുന്നതൊക്കെ നോക്കി നിൽക്കുവായിരുന്നു.
പാത്തു അനിയനേയും കൂട്ടി അവിടുന്ന് രുദ്രയുടെ അടുത്തേയ്ക്ക് നടക്കാൻ തുടങ്ങിയപ്പോഴത്തേയ്ക്കും ജിത്തു അവളുടെ കൈക്ക് കയറിപ്പിടിച്ചു.പാത്തു എന്താ സംഭവം എന്നറിയാതെ തിരിഞ്ഞു നോക്കി. ആരോ ഒരുത്തൻ വഷളൻ ചിരിയോടെ തന്നെ നോക്കി നിൽക്കുന്നു.

അങ്ങനെ അങ്ങ് പോയാലോ മോളെ.നമുക്ക് കുറച്ചു കൊച്ചുവർത്തമാനം ഒക്കെ പറഞ്ഞിട്ട് പോകാം.ജിത്തു പറഞ്ഞു

കൈവിട് ചേട്ടാ എനിക്ക് പോണം. പാത്തു പറഞ്ഞു

ഈ ചേട്ടനെയും ചേട്ടന്റെ കൂടെ ഉള്ള രണ്ടുമൂന്നു ചേട്ടന്മാരെയും സുഖിപ്പിച്ചിട്ട് മോള് പൊയ്ക്കോ കാശ് എത്രവേണേൽ തരാം.