രുദ്ര 2 [രാവണാസുരൻ] 200

ഈ പ്രാവശ്യം എന്റെ മോള് കൊയ്യട്ടെ.അതിന് പ്രശ്നങ്ങൾ ഒന്നുമില്ലലോ പൂജാരി

എന്ത് പ്രശ്നം അവൾ കൊയ്യട്ടെ. പൂജാരി പറഞ്ഞു

ഒരുപിടി നെല്ല് കൊയ്തെടുത്തു തുടക്കം കുറിച്ചു.അത്രേ എനിക്കും ഓർമ്മയുള്ളു പിന്നെ ഒരു യുദ്ധം തന്നെയായിരുന്നു ഉച്ചയായപ്പോഴാ കൊയ്ത്തു കഴിഞ്ഞത്.

അപ്പൊ മക്കളെ പോയാലോ ഇനിയും നിങ്ങൾ ഇവിടെ നിന്നാൽ നിങ്ങടെ മുത്തശ്ശി പിണങ്ങും.

ശരിയാ വന്നിട്ട് ഇതുവരെ മുത്തശ്ശിയെ കണ്ടില്ല ഇനി അതുമതി എന്റെ പാറുകുട്ടിക്ക്.
ഇപ്പൊത്തന്നെ വിവരം അവിടെ എത്തിയിട്ടുണ്ടാകും.

നന്ദാ നീ കമുക് മുറിക്കാനുള്ള ആളെയും പൂജാരിയെയും കൂട്ടി വീട്ടിലേക്ക് പോര് ഞങ്ങൾ പോകുവാ.
ടാ അപ്പു നീ ആ കാർ ഒന്നെടുത്തേടാ.ഞാൻ ഇവളോട് കുറച്ചു കാര്യങ്ങൾ ചോദിക്കട്ടെ.മുത്തശ്ശൻ പറഞ്ഞു

ഇന്ന് കാക്ക മലർന്ന് പറക്കും.ഇതെന്തുപറ്റി സാധാരണ വണ്ടി ആരെക്കൊണ്ടും തൊടിക്കാത്തതാണല്ലോ? അപ്പു ചോദിച്ചു

നീ കൂടുതൽ വാചകമടിക്കാതെ വണ്ടി എടുക്കാൻ നോക്കെടാ ചെക്കാ.മുത്തശ്ശൻ പറഞ്ഞു

മ്മ് ശരി ശരി ഇനി എന്റെ നെഞ്ചിൽ കേറാൻ നിൽക്കണ്ട.

മുത്തശ്ശന്റെ വണ്ടി എന്ന് പറയുമ്പോ കൂടുതൽ ഒന്നും പ്രതീക്ഷിക്കണ്ട ഒരു ബ്ലാക്ക് അംബാസിഡർ പുള്ളി വാങ്ങിയ ആദ്യ കാർ അത് ഇപ്പോഴും അമൂല്യ നിധിയായി സൂക്ഷിക്കുന്നു.പക്ഷെ പുള്ളി സ്വയം ഡ്രൈവ് ചെയ്യാറാ പതിവ് മുത്തശ്ശനും ഞാനുമല്ലാതെ വേറെ ആരും ഈ വണ്ടി ഇതുവരെ ഓടിച്ചിട്ടില്ല

ഞങ്ങൾ വീട്ടിൽ എത്തി വേറൊന്നും വിചാരിക്കരുത് ഞാൻ വീട് എന്ന് പറയും നാട്ടുകാർ തറവാട് എന്ന് പറയും
ദേവലോകം തറവാട് നാട്ടുകാർ എന്തിനും ഏതിനും തേടിവരുന്ന സ്ഥലം.
ഇപ്പോൾ ദേവലോകം തറവാട്ടിലെ കാരണവർ ശിവരാമൻ എന്ന എന്റെ മുത്തശ്ശൻ പിന്നെ മുത്തശ്ശന്റെ എല്ലാമെല്ലാമായ പാർവതി എന്ന എന്റെ മുത്തശ്ശിയും.

ഏച്ചി പാറുക്കുട്ടി നല്ല ദേഷ്യത്തിലാണല്ലോ ഇന്ന് നമ്മളെ പുഴുങ്ങി എടുക്കുമെന്നാ തോന്നുന്നത്.

കരിനാക്ക് എടുത്ത് വളയ്ക്കാതെടാ. ഒന്നാമത് മുത്തശ്ശി കലിതുള്ളി നിക്കുവാ അതിനിടയ്ക്ക് നീ പോയി ആവശ്യമില്ലാതെ ഓരോന്ന് പറയരുത്.

അപ്പു കാർ വീടിന്റെ മുറ്റത്ത് കൊണ്ട് നിർത്തി.

മക്കളെ മ്മടെ പറമ്പിൽ പണിക്ക് ആള് നിക്കുവാ ഞാൻ പോയി നോക്കിയിട്ട് വരാം.
മുത്തശ്ശൻ അതും പറഞ്ഞു തടിതപ്പി

ഒന്ന് വിളിക്കാൻ പോലും സമയം കിട്ടിയില്ല മുത്തശ്ശൻ തടിതപ്പി ഇനി അപ്പു പണി തരാതെ നോക്കണം ഇല്ലേൽ ഇന്ന് മുത്തശ്ശി എന്നെ പെട്ടിയിലാക്കും.അതും ചിന്തിച്ചു നിന്നപ്പോഴേക്കും അപ്പു മുത്തശ്ശിടെ അടുത്തെത്തി.

ഉത്സവത്തിന് രണ്ടു ദിവസം മുൻപ് എത്തും എന്ന് പറഞ്ഞിട്ടല്ലേടി നീ ഇവനേം കൂട്ടി ഇവിടുന്ന് പോയത്?മുത്തശ്ശി ചോദിച്ചു

അത് മുത്തശ്ശി…… ഞാൻ…