രുദ്ര 2 [രാവണാസുരൻ] 200

ഇത് ഞങ്ങടെ നാട്ടിലെ ഉത്സവത്തിന് തുടക്കം കുറിക്കുന്നതാണ്.ക്ഷേത്രത്തിന്റെ സ്ഥലത്ത് എല്ലാവർഷവും നെൽകൃഷി ഇറക്കും അത് ഉത്സവസമയത്താണ് കൊയ്ത്തു നടത്തുന്നത്.ഈ നെല്ലാണ് പത്ത് ഉത്സവദിവസങ്ങളിലും അന്നദാനത്തിനു ഉപയോഗിക്കുന്നത്.ഞങ്ങളുടെ കുടുംബക്ഷേത്രം ആയത്കൊണ്ട് ഇതിനൊക്കെ നേതൃത്വം കൊടുക്കുന്നത് മുത്തശ്ശനാണ്.ഗ്രാമത്തിലെ ഏകദേശം ആൾക്കാരും ഇപ്പോൾ പാടത്തു കാണും.

ഞങ്ങൾ പാടത്ത് എത്തി കൊയ്ത്തുത്സവത്തിനുള്ള പൂജകൾ പുരോഗമിക്കുകയാണ് എല്ലാത്തിന്റെയും ചുക്കാൻ പിടിച്ച് മുത്തശ്ശൻ മുന്നിൽ തന്നെയുണ്ട്.

മുത്തശ്ശാ ഞാൻ എത്തി.

മുത്തശ്ശന്റെ കുട്ടി എത്തിയോ എങ്ങനാ നിങ്ങള് വന്നത്?

മുത്തശ്ശൻ വിളിച്ചാൽ പറന്നു വരില്ലേ ഞാൻ.

ഹോ പറക്കാനൊക്കെ ഇപ്പൊ എന്താ ചിലവ് .അപ്പു ആരോടെന്നില്ലാതെ പറഞ്ഞു

ടാ ടാ നീ ഇന്ന് എന്റെ കയ്യിന്ന് മേടിക്കും.
അവന്റെ തലയ്ക്കിട്ട് ഒരു കൊട്ട് കൊടുത്തുകൊണ്ട് മുത്തശ്ശൻ പറഞ്ഞു

നന്ദാ നീ ഇവിടുത്തെ കാര്യം ഒന്ന് നോക്കിക്കോ ഞാൻ ഇവരേംകൊണ്ട് ഒന്ന് വീടുവരെ പോയിട്ട് വരാം.മുത്തശ്ശൻ പറഞ്ഞു

ശരി ഗുരുക്കളെ.നന്ദേട്ടൻ പറഞ്ഞു

അതെന്ന ഏർപ്പാടാ മുത്തശ്ശാ ഞങ്ങളെന്താ ഈ നാട്ടുകാരല്ലേ.ഞങ്ങൾ നെല്ല് കൊയ്തിട്ട് വന്നോളാം മുത്തശ്ശന് അത്യാവശ്യം വല്ലതുമുണ്ടെൽ പൊയ്ക്കോ അല്ലപിന്നെ

ഇപ്പൊ ഞാൻ കുറ്റക്കാരൻ ആയോ യാത്ര കഴിഞ്ഞു വന്നതല്ലേ കുറച്ചു വിശ്രമിക്കട്ടെ എന്ന് കരുതി പറഞ്ഞതാ.മുത്തശ്ശൻ പറഞ്ഞു

അല്ല ഇവിടെയുള്ളവരുടെ കിളിയെല്ലാം നമ്മൾ ഒന്ന് യാത്ര കഴിഞ്ഞു വന്നപ്പോഴേക്കും പോയോ ഏച്ചി.പൂജ കഴിഞ്ഞാൽ മുത്തശ്ശനല്ലേ ആദ്യപിടി നെല്ല് കൊയ്യേണ്ടത്.അപ്പു പറഞ്ഞു

അത് ശരിയാണല്ലോ.നന്ദേട്ടൻ പറഞ്ഞു

ഇങ്ങടെ കിളി പണ്ടേ പോയതാണെന്ന് എനിക്കറിയാം നന്ദേട്ടാ എന്നാലും മുത്തശ്ശന് എന്തുപറ്റി.അപ്പു ചോദിച്ചു

ഹ് ഞാൻ നിങ്ങള് വന്ന സന്തോഷത്തിൽ അത് മറന്നുപോയെടാ.മുത്തശ്ശൻ പറഞ്ഞു

ഇതാണ് എന്റെ മുത്തശ്ശൻ ശിവരാമൻ പേര് പോലെ തന്നെയാ ആളുടെ സ്വഭാവവും സ്നേഹിക്കുന്നവർക്ക് രാമനും ഇടഞ്ഞാൽ ആള് ശിവനും.പിന്നെ പുള്ളി നാട്ടിലെ പ്രധാന രണ്ടു കളരി ഗുരുക്കന്മാരിൽ ഒരാളാണ്.നേരത്തെ നിങ്ങൾ ചിന്തിച്ചു കാണില്ലേ എന്താ ഈ പെണ്ണ് മൂന്നുനാലു പേരെ നിസ്സാരം പോലെ അടിച്ചു വീഴ്ത്തിയതെന്ന് അതിന്റെ ക്രെഡിറ്റ്‌ മൊത്തം മുത്തശ്ശനുള്ളതാ ഞാനും അപ്പുവും ചെറുതായി കളരി പഠിച്ചിട്ടുണ്ട് അതൊക്കെ നിങ്ങൾക്ക് വഴിയേ മനസ്സിലാകും ഉത്സവം തുടങ്ങാൻ പോകുന്നതല്ലേ ഉള്ളു ഇനി എന്തൊക്കെ കാണാൻ കിടക്കുന്നു.പുള്ളിക്ക് 65വയസ്സ് കഴിഞ്ഞെങ്കിലും കണ്ടാൽ അത്രയും പ്രായം പറയില്ല നല്ല ഉറച്ച ശരീരം
നാട്ടിൽ എന്ത് പ്രശ്നം ഉണ്ടായാലും മുത്തശ്ശനാണ് ഒത്തുതീർക്കുന്നത്.മുത്തശ്ശനെക്കുറിച്ച് പറഞ്ഞാൽ തീരില്ല അത്രയ്ക്കുണ്ട് പുള്ളിടെ വീര സാഹസങ്ങൾ.

പാടം ഇങ്ങനെ നീണ്ടുനിവർന്നു കിടക്കുവാ
നല്ല സ്വർണ കതിരുകൾ ചൂടി സർവ്വാഭരണ വിഭൂഷണയായ നവവധുവിന്റെ ചേലോടെ അവൾ ചിരിതൂകി നിൽക്കുന്നതുപോലെ തോന്നുന്നു.

ശിവേട്ടാ കൊയ്ത്തിനു സമയമായി.ആൾക്കൂട്ടത്തിൽ നിന്ന് ഒരാൾ പറഞ്ഞു

പൂജാരി പൂജിച്ചു വച്ച കൊയ്തുവാൾ മുത്തശ്ശനെ ഏൽപ്പിച്ചു.മുത്തശ്ശൻ ആ വാൾ വാങ്ങി എന്നെ ഏൽപ്പിച്ചു