രുദ്ര 2 [രാവണാസുരൻ] 200

അത് മുത്തശ്ശി ഈ ഏച്ചി തിരിച്ചു വരാൻ നിന്നപ്പോൾ ഒരു ഫ്രണ്ടിനെ കാണണം എന്ന് പറഞ്ഞു.പിന്നെ അവിടെ രണ്ടുദിവസം നിന്നു എന്നിട്ട് ഇന്നലെ രാത്രി ഫ്ലൈറ്റ് ടിക്കറ്റ് ഒക്കെ എടുത്താ വന്നത്. എന്നിട്ട് രാവിലെ വന്നതും എന്നേം കൂട്ടി പാടത്തു പോയി ഇത്രയും നേരം അവിടെ ജോലി ചെയ്യിപ്പിക്കുവായിരുന്നു.

ഞാൻ എന്തു കള്ളം പറയണം എന്ന് ആലോചിച്ചു വന്നതായിരുന്നു അപ്പോഴേക്കും തെണ്ടി കലം പടിക്കലിട്ട് തന്നെ ഉടച്ചു തെണ്ടി നിനക്ക് ഞാൻ വച്ചിട്ടുണ്ടെടാ.

ടി നീ എന്റെ കൊച്ചിനെകൊണ്ട് രാവിലെ തന്നെ പണിയെടുപ്പിച്ചോ?ഒന്നാമതേ നിന്റെ കൂടെ ഊര് തെണ്ടി എന്റെ കുഞ്ഞ് കറുത്ത് കരിവാളിച്ച് ആകെ കോലംകെട്ടു. മുത്തശ്ശി പറഞ്ഞു

അതേയ് മുത്തശ്ശി ഇങ്ങള് എന്നെ വല്ല തവിടും കൊടുത്ത് വാങ്ങിയതാണോ?
ഞാൻ അവനെ തുറിച്ചു നോക്കിക്കൊണ്ട് മുത്തശ്ശിയോട് ചോദിച്ചു

ടി നീ എന്റെ കൊച്ചിനെ തുറിച്ചു നോക്കുവൊന്നും വേണ്ട അവൻ എന്നോട് കള്ളം പറയില്ല.നീയാ ഇവനെ വഷളാക്കുന്നത്. മുത്തശ്ശി പറഞ്ഞു

മുത്തശ്ശി എനിക്ക് വിശക്കുന്നു ഇങ്ങനെ സംസാരിച്ചു നിന്നാൽ ഞാൻ ഇവിടെ വല്ലോം തലകറങ്ങി വീഴും. അപ്പു പറഞ്ഞു

ഹോ ഞാനതങ്ങു മറന്നു എന്റെ മക്കള് വാ ഞാൻ നല്ല അപ്പവും മുട്ടക്കറിയും വച്ചിട്ടുണ്ട്. മുത്തശ്ശി പറഞ്ഞു

അപ്പവും മുട്ടകറിയോ എങ്കിൽ ബാ മ്മക്ക് നേരെ അടുക്കളയിൽ പോവാം. അപ്പു പറഞ്ഞു

ടാ മരമാക്രി നീ കുളിച്ചിട്ട് പോയെന്ന് പറഞ്ഞു അപ്പവും മുട്ടക്കറിയും പിണങ്ങി പോകാത്തൊന്നുമില്ല.

വിയർപ്പുനാറുവ എന്നും പറഞ്ഞു അപ്പവും മുട്ടക്കറിയും മൂക്ക് പൊത്തതൊന്നും ഇല്ലല്ലോ മുത്തശ്ശി വാ ഏച്ചി അങ്ങനെ പലതും പറയും. അതും പറഞ്ഞ് അവൻ മുത്തശ്ശിയേയും കൊണ്ട് അടുക്കളയിലേക്ക് പോയി.

***********
ഉത്സവത്തിന് കൊടിയേറി ഇനി പത്തു ദിവസം നീണ്ട ഉത്സവം നാട്ടുകാർ മൊത്തം ഏത് നേരവും ഉത്സവപ്പറമ്പിൽ തന്നെ കാണും.അഞ്ചു ദിവസങ്ങൾ അതിവേഗം കടന്നുപോയി ഇന്ന് ആറാം ദിവസം ഇന്ന് കുട്ടികളുടെ പരിപാടികൾ ഒക്കെ ഉണ്ട്.കുറച്ചു കൂടെ കഴിഞ്ഞിട്ട് പോകണം.

രുദ്ര ഏച്ചി….

ടി പാത്തു ഞാൻ ഇവിടെ ഉണ്ട് നീ ഇങ്ങനെ വിളിച്ചു കൂവണ്ട.

ഇത് ഫാത്തിമ ഞങ്ങടെ പാത്തു ഉപ്പുപ്പാന്റെ കൊച്ചുമോളാ ഇപ്പൊ ഡിഗ്രി രണ്ടാം വർഷം പഠിക്കുവാ. ഇവൾക്ക് ഒരു അനിയൻ കൂടെ ഉണ്ട് ഫൈസൽ എന്ന കുഞ്ഞൻ ഇപ്പൊ അഞ്ചിൽ പഠിക്കുന്നു. ഇവൾ ഞാൻ നാട്ടിൽ ഉണ്ടെങ്കിൽ ഏത് നേരവും ഇവിടെ തന്നെ കാണും.മുത്തശ്ശൻ ഞങ്ങളെപ്പോലെ തന്നെയാ പാത്തൂനെയും കാണുന്നത് പക്ഷെ ഇവിടെ കുറച്ചു underground play ഒക്കെ നടക്കുന്നുണ്ടോ എന്ന് എനിക്ക് ചെറിയ സംശയങ്ങൾ ഉണ്ട് ഒരു ഏറ് എറിഞ്ഞു നോക്കാം.

ഏച്ചി ഇവിടെ നിക്കുന്നത് ഞാൻ കാണാഞ്ഞിട്ടല്ലേ.