രുദ്ര 2 [രാവണാസുരൻ] 200

ഇങ്ങടെ ചങ്ങായി സമ്മതിക്കണ്ടേ കൊടിയേറ്റിനു മുൻപ് ഈ മുത്തലിനെയും കൊണ്ട് വന്നില്ലെങ്കിൽ കാലു തല്ലി ഒടിക്കുമെന്നാ ഓർഡർ.പിന്നെ ഞങ്ങൾ flight പിടിച്ചു. മയിൽവാഹനം ട്രെയിനിൽ ഉടൻ തന്നെ എത്തും.അപ്പു മറുപടി നൽകി

ആര് ശിവനോ ഹഹഹ അതെന്തായാലും നന്നായി അന്റെ കാലിനു അല്ലേലും കുറച്ചു നീളം കൂടുതലാ.ഇജ്ജാ ഇവളെ തുലയ്ക്കുന്നത്. ഉപ്പൂപ്പ പറഞ്ഞു

കുഞ്ഞി അവൻ മ്മടെ ചെക്കനല്ലേ നീയ് ഇങ്ങനെ ഓനെ കുറ്റപ്പെടുത്തല്ലേ.നായർ മുത്തശ്ശൻ പറഞ്ഞു

ഞാൻ ഓനെ അല്ലാണ്ട് വേറെ ആരെ കളിയാക്കാനാ മാധവാ.ഉപ്പൂപ്പ പറഞ്ഞു

ഉപ്പൂപ്പ എന്തൊക്കെയുണ്ട് കരക്കമ്പി?
പഞ്ചായത്ത് ഇലക്ഷന് ഈ പ്രാവശ്യമെങ്കിലും പുതിയ പിള്ളേർക്ക് വല്ലോം നിങ്ങടെ പ്രസിഡന്റ് അവസരം കൊടുക്കോ?

എനിക്കും ആഗ്രഹം ഉണ്ട് രുദ്രമോളെ നാട്ടുകാരും നിന്റെ മുത്തശ്ശനും ഈ കുഞ്ഞിയും സമ്മതിക്കണ്ടേ.പിന്നെ വിശേഷം ഇവിടെയല്ലല്ലോ അങ്ങ് തലസ്ഥാനത്തല്ലേ?നായർ മുത്തശ്ശൻ പറഞ്ഞു

അവിടെ എന്ത് വിശേഷമാ മിഷ്ടർ പ്രസിഡന്റ്? അപ്പു ചോദിച്ചു

ഇജ്ജ് പത്രം ഒന്നും വായിക്കാറില്ലെന്ന് അറിയാം ഒന്നുല്ലേലും അനക്ക് ആ കുത്തികളിക്കണ കുന്ത്രാണ്ടത്തിൽ എങ്കിലും വാർത്ത ഒക്കെ നോക്കിക്കൂടെ എന്റെ അപ്പു.ഉപ്പുപ്പാ ചോദിച്ചു

തലസ്ഥാനത്ത് മിനിയാന്ന് നാല് കൊലപാതകം നടന്നു.അവിടത്തെ MP ടെ മോനും ഉൾപ്പെടെ നാലുപേർ ആണ് കൊല്ലപ്പെട്ടത്.ഇപ്പൊ കേസ് CBI ക്ക് കൊടുത്തേക്കുവാ.

അത് വല്ലതും നടപടി ആകുമോ?നായർമുത്തശ്ശ

ഇപ്പൊ കേസ് ഏൽപ്പിച്ചിരിക്കുന്നത് ആരെയെന്നറിയോ നിനക്ക് ധീരജ് IPS.

അത് മ്മടെ പുലി അല്ലേ അങ്ങേര് കേരളപോലീസിൽ ആയിരുന്നില്ലേ
പിന്നെ എങ്ങനെ CBI ൽ എത്തി?എന്തായാലും കൊലപാതകിയുടെ കാര്യത്തിൽ ഒരു തീരുമാനം ആയി അല്ലേ?
അപ്പു ചോദിച്ചു

ഓനെ സ്പെഷ്യൽ ഡെപൂട്ടേഷനിൽ എങ്ങാണ്ടോ എടുത്തതാ.അധികാരം ഉണ്ടെങ്കിൽ എന്താ നടക്കാത്തത്.ഉപ്പുപ്പാ പറഞ്ഞു

അത് ശരിയാ പക്ഷേ ഓൻ കേസ് അന്വേഷണത്തിൽ ഇരട്ടപ്പേര് പോലെ തന്നെ പുലിയല്ലേ.അവൻ അന്വേഷിച്ച cross series (കുരിശ് )കേസ് ഓർമ്മയില്ലേ.ഒരു തെളിവും ഇല്ല എന്ന് പറഞ്ഞ് കേസ് തള്ളിയതല്ലേ ഇതും അതുപോലെ തെളിവൊന്നും കിട്ടിയില്ല എന്നാ അറിഞ്ഞത്.

മാധവൻമാമ ഇങ്ങള് കൊയ്ത്തിനു പോകുന്നില്ലേ?നന്ദേട്ടൻ ചോദിച്ചു

അല്ല ഇതാര് നന്ദേട്ടനോ ഇങ്ങള് ഈ വെളുപ്പാങ്കാലത്ത് എങ്ങോട്ടാന്നെ?
(ഇത് അനന്ദൻ ഞങ്ങടെ നന്ദേട്ടൻ പുള്ളി ശിവപുരത്തെ all in all ആണ്.പുള്ളി ചെറിയൊരു എഴുത്തുകാരനുമാണ്)

ഹലോ മിഷ്ടർ നന്ദൻ ഞാൻ ഇവിടെ മലപോലെ നിന്നിട്ട് ഇങ്ങക്ക് എന്താ ഒരു mind ഇല്ലാത്തത്? അപ്പു ചോദിച്ചു

നീ എന്നോട് മിണ്ടണ്ട.എന്റെ രുദ്ര ഇവൻ എന്നെ പറ്റിക്കാൻ തുടങ്ങിയിട്ട് കുറച്ചു ദിവസമായി.ഇവൻ ഇങ്ങോട്ട് വന്നാ മ്മടെ ലൈബ്രറിയിൽ ഒരു psc ക്ലാസ് തുടങ്ങാം അവൻ തന്നെ നോക്കിക്കോളാം എന്ന് പറഞ്ഞത് എന്നിട്ട് രണ്ടു ദിവസം വന്നു അതിന് ശേഷം ആളെ അങ്ങോട്ട് കണ്ടിട്ടില്ല ഇപ്പൊ ആ psc ക്ലാസ് എന്റെ തലയിലായി.