രുദ്ര 2 [രാവണാസുരൻ] 200

രുദ്രാ ഇവന്മാർ….
നന്ദേട്ടൻ എന്തോ പറയാൻ വന്നു മുഴുവിക്കാൻ സമ്മതിക്കാതെ ഞാൻ പറഞ്ഞു
ഇവന്മാരെ ഞാൻ നോക്കിക്കോളാം നിങ്ങൾ അപ്പൂനെ ഹോസ്പിറ്റലിൽ ആക്ക്.

അടുത്തവൻ എന്റെ അടുത്തെത്തി ഞാൻ ചാടി അവന്റെ തലയുടെ സൈഡ് ഭാഗത്തായി ഒരു ചവിട്ട് കൊടുത്തു.
അടുത്തവൻ ഒരു ഇരുമ്പ് ദണ്ഡ് എന്റെ നേരെ വീശി ഞാൻ അതിൽ നിന്ന് ഒഴിഞ്ഞു മാറി അവന്റെ പിൻഭാഗത്ത് എത്തി അവന്റെ കഴുത്തിന്റെയും നട്ടെല്ലിന്റെയും ഇടയ്ക്ക് ഒരു ഇടി കൊടുത്തു. അവൻ കുഴഞ്ഞു വീണു. അടുത്ത് വന്നവന്റെ അടിവയറ്റിൽ പൊക്കിളിനു താഴെയായി കാൽമുട്ട് കേറ്റി ഒരു ചവിട്ട് കൊടുത്തു.ബാക്കിയുള്ള പതിനൊന്നുപേരും എന്റെ ചുറ്റിനുമായി നിന്നു.
അതിൽ ഒരുത്തൻ എന്നെ അടിക്കാനായി ഒരുചുവട് മുന്നോട്ട് വച്ചതും അവന്റെ മുട്ടിൽ ഞാൻ ചവിട്ട് അവന്റെ കാൽ ഒഴിഞ്ഞു. അപ്പൊ തന്നെ ഒരുത്തൻ പിന്നിൽ നിന്ന് ഒരു തടി കൊണ്ട് തലയ്ക്കടിക്കാൻ ഓങ്ങി ഞാൻ ഒരുചുവട് പിന്നിലേയ്ക്ക് വച്ചു വെട്ടിത്തിരിഞ്ഞു ഇടതു കൈത്തണ്ട കൊണ്ട് അവന്റെ കൈ തടുത്തു എന്നിട്ട് വലത് കൈ താഴെ നിന്ന് അവന്റെ കൈമുട്ടിൽ ആഞ്ഞടിച്ചു അവന്റെ കൈയൊടിഞ്ഞു തൂങ്ങി എന്നിട്ട് അവന്റെ തലയുടെ സൈഡിൽ ആയി കൈകൊണ്ട് ആഞ്ഞടിച്ചു.അടുത്തവൻ എന്റെ നേർക്ക് വന്നു ഞാൻ ഓടി അവൻ മുന്നോട്ട് വച്ച കാലിൽ ചവിട്ടി അവന്റെ നെറുകം തലയിൽ കൈമുട്ട് കൊണ്ടിടിച്ചു.എന്നിട്ട് എന്റെ അടുത്ത്വന്റെ നെഞ്ചിൽ ചവിട്ടി പിന്നോട്ട് ചാടി
കറങ്ങി ഒരുത്തന്റെ പിന്നിലായി എത്തി എന്നിട്ട് അവന്റെ കഴുത്ത് തിരിച്ചൊടിച്ചു.നേരത്തെ ചവിട്ട് കൊണ്ടു വീണവന്റെ അടുത്തേയ്ക്ക് പോയി അവന്റെ വയറ്റിൽ ചവിട്ടി അവന്റെ കാലു പൊങ്ങി വന്നു അതിൽ പിടിച്ചു അവന്റെ കാലു ചവിട്ടി ഒടിച്ചു.ഇതൊക്കെ കണ്ടപ്പോഴേക്കും ബാക്കിയുണ്ടായിരുന്ന രണ്ടുപേർ ഓടി രക്ഷപ്പെട്ടു.സാം മാത്രമേ ഇനി ബാക്കിയുള്ളു ഒടിഞ്ഞ കയ്യുമായി അവൻ പേടിച്ചു വിറച്ചു നിൽപ്പുണ്ട് അവന്റെ ചേട്ടായി എഴുന്നേറ്റ് ഒരു മരത്തിന്റെ താഴെയായി ചാരി ഇരിപ്പുണ്ട്.
ഞാൻ സാമിന്റെ അടുത്തേയ്ക്ക് പോയി അവൻ പേടിച്ച് പിന്നിലേയ്ക്ക് പോയി.ഞാൻ അവന്റെ കരണം നോക്കി ഒന്ന് പൊട്ടിച്ചു.

ടാ പാലമറ്റത്തെ പുന്നാര മോനെ എന്റെ ചെക്കന് എന്തേലും പറ്റിയാൽ പാലമറ്റത്തെ ആൺതരികളെയെല്ലാം കൂട്ടിയിട്ട് കത്തിക്കും ഞാൻ.പറയുന്നത് രുദ്രയാ ചെയ്തിരിക്കും ഞാൻ.
ടാ ചെക്കാ നിന്റെ അനിയനെയും കൊണ്ട് വീട്ടിൽ പോകാൻ നോക്കെടാ. സാമിന്റെ ചേട്ടായിയോട് അതും പറഞ്ഞു ഞാൻ എന്റെ മയിൽവാഹനത്തിൽ കേറി ഹോസ്പിറ്റലിലേക്ക് വിട്ടു.

അപ്പുവിന് അധികം ആഴത്തിലുള്ള മുറിവല്ല അത്കൊണ്ട് തയ്യലിടേണ്ടി വന്നില്ല അവർ മരുന്നൊക്കെ വച്ചുകെട്ടി ഗുളികകളും തന്നു വീട്ടിൽ പൊയ്ക്കോളാൻ പറഞ്ഞു.എന്റെ അടികൊണ്ടവന്മാരെയും അവിടെ തന്നെ അഡ്മിറ്റ് ചെയ്തിട്ടുണ്ട് പാവങ്ങൾ.

പത്താം ദിവസം…..

ഇന്ന് അവസാന ദിവസമാണ്.അപ്പുവിന് ഇപ്പൊ വലിയ കുഴപ്പമില്ല വയറ്റിൽ ഒരു വലിയ കെട്ടൊക്കെ കെട്ടിയിട്ടുണ്ട് എന്നെ ഉള്ളു.പക്ഷെ ഈ കെട്ടിന്റെ വലിപ്പം കണ്ട് എനിക്ക് മുത്തശ്ശീടെ വഴക്ക് ഒരുപാട് കിട്ടി എല്ലാം ഞാൻ കാരണമാണെന്ന്.ഞാൻ അറിഞ്ഞോ ഈ ചെക്കൻ തല്ലുകൊള്ളി ആണെന്ന് ഈ തടിയും തീറ്റയും ഒക്കെ കണ്ടാൽ ആരെങ്കിലും പറയോ ഇവൻ ഇങ്ങനെ കിടന്നു വാങ്ങി കൂട്ടുന്ന ടൈപ് ആണെന്ന്.മുത്തശ്ശൻ എന്തോ മനസ്സിൽ കണ്ടിട്ടുണ്ട് ഇന്ന് രാവിലെ തന്നെ എവിടെയോ പോണം എന്നൊക്കെ പറഞ്ഞാ ഇന്നലെ കിടന്നത്