രുദ്ര 2 [രാവണാസുരൻ] 200

കൂടെ കൊടുത്തു അവൻ താഴെവീണു ഞാൻ ചാടി ഒരു കിക്ക് കൂടെ അവന്റെ വയറിന്റെ ഭാഗത്ത്‌ കൊടുത്തു.എന്നിട്ട് ഒരു മലക്കം മറിഞ്ഞു പിന്നെയും വന്നു fighting പൊസിഷനിൽ നിന്നു.അവൻ എഴുന്നേറ്റു ഞാൻ അവനു നേരെ കയ്യോങ്ങി അവൻ ഒഴിഞ്ഞുമാറി എന്നിട്ട് എന്റെ പിന്നിൽ നിന്ന് ചോക്ക്ഹോൾഡ് ചെയ്തു അവൻ ഇത് അവസാനിപ്പിക്കാനുള്ള ശ്രമത്തിലാണ് ഇതിൽ ഞാൻ പെട്ടാൽ തീർന്നു എന്റെ കഴുത്തിൽ ചോക്ക്ഹോൾഡ് മുറുകുന്നതിനു മുൻപ് പെട്ടെന്ന് ഞാൻ ഒരുകാല് അവന്റെ കാലിന്റെ പിന്നിലായി വച്ച് അവന്റെ രണ്ടു കാലിലും തൂക്കിയെടുത്തു തറയിലടിച്ചു. എന്നിട്ട് പെട്ടെന്ന് അവിടുന്ന് ഉരുണ്ടുമാറി.അവൻ പിന്നെയും എഴുന്നേറ്റു എനിക്ക് നേരെ കയ്യോങ്ങി ഞാൻ അവന്റെ കൈത്തണ്ടയിൽ അടിച്ചുപിടിച്ച് താഴ്ത്തി കൈത്തണ്ട കൊണ്ട് അവന്റെ biceps ൽ താഴെഭാഗത്ത് ഇടിച്ചു കൈത്തിരിച്ചു ഞാൻ അവന്റെ പിന്നിലായി എത്തി ഇപ്പൊ അവന്റെ കൈ ലോക്ക് ആയി എന്നിട്ട് ഇടതു കൈകൊണ്ട് അവന്റെ കഴുത്ത് ലോക്ക് ചെയ്തു.
കൊല്ലുപൂട്ട് നല്ലതുപോലെ തന്നെ കിട്ടി.
ഒരു സേഫ്റ്റിക്ക് അവന്റെ കാലുകൾ കൂടെ എന്റെ കാലുകൊണ്ട് ലോക്ക് ചെയ്ത് പിന്നിലേയ്ക്ക് വീണു.

കൊല്ലുപൂട്ട്
അഴിക്കാൻ ശ്രമിക്കുംതോറും മുറുകുന്ന.മുറുകുംതോറും കൊരവള്ളി മുറുകി മരണം വരെ സംഭവിക്കാൻ സാധ്യതയുള്ള കളരി മുറയിലെ അപകടകരമായ പൂട്ടുകളിൽ ഒന്ന്.

ഇനിയും അവൻ പ്രതിരോധിക്കാൻ ശ്രമിച്ചാൽ കൊരവള്ളി മുറുകി വെള്ളംപോലും കുടിക്കാൻ പറ്റാത്ത അവസ്ഥയിലാകും.അവൻ ശ്വാസംമുട്ടി അബോധാവസ്ഥയിലേക്ക് പോയി ഞാൻ അവനെ പതിയെ എന്റെ പുറത്തു നിന്ന് മാറ്റിയിട്ടു ജോൺ എന്നുതുടങ്ങി

ഒന്ന്…….. രണ്ട്…..മൂന്ന്….. നാല്…… അഞ്ച്……. ആറ്…… ഏഴ്……എട്ട്…… ഒൻപത്…….. പത്ത്.

ഞാൻ ജയിച്ചു ഏച്ചിയുടെയും മുത്തശ്ശന്റെയും മുഖത്തേയ്ക്ക് നോക്കി അവിടെ സന്തോഷം മാത്രം.എന്നാൽ പെട്ടെന്ന് അത് ഭയത്തിലേക്ക് വഴിമാറുന്നത് ഞാൻ കണ്ടു.

അപ്പൂ…..
ഏച്ചി പിന്നിലേയ്ക്ക് നോക്കി വിളിച്ചു ഞാൻ പെട്ടെന്ന് തിരിഞ്ഞു എന്റെ അടുത്തായി നിന്നിരുന്ന ജോൺ എന്നെ പിടിച്ചു തള്ളി പക്ഷേ എന്തോ മൂർച്ചയേറിയ ഒന്ന് എന്റെ വയറ്റിൽ ഉരഞ്ഞു പോകുന്നതായി തോന്നി പിന്നെ ഒന്നും ഓർമ്മയില്ല.ഇത്രയും നേരത്തെ അടിയുടെ ക്ഷീണത്തിൽ നിന്ന ഞാൻ അബോധാവസ്ഥയിലേക്ക് പോയി.

(ഇനി ബാക്കി രുദ്രയുടെ view ൽ നോക്കാം )

ചെക്കൻ പഠിച്ചതൊന്നും മറന്നിട്ടില്ല പക്ഷെ പോരാ ഇനിയും മെച്ചപ്പെടാനുണ്ട്.
അങ്ങനെ സന്തോഷിച്ചു നിന്നപ്പോഴാ നേരത്തെ വന്നവരിൽ ഒരുത്തൻ ഒരു വാൾ അപ്പുവിന്റെ നേരെ വീശിയത് അപ്പു തിരിഞ്ഞു നോക്കി ജോൺ അപ്പുവിനെ പിടിച്ചു തള്ളി അത്കൊണ്ട് വെട്ട് നല്ലോണം കൊണ്ടില്ല. അപ്പു വീണു അവന്റെ വയറിന്റെ ഭാഗത്ത്‌ മുറിഞ്ഞു ചോര വരുന്നുണ്ട്.ആ വാളുംകൊണ്ട് വന്നവൻ പിന്നെയും അപ്പുവിനെ കുത്താനായി വാൾ ഓങ്ങി.പിന്നെ ഒന്നും നോക്കിയില്ല
ഞൊടിയിടയിൽ ഓടി അവന്റെ ചെസ്റ്റിനു താഴെയായുള്ള മർമം നോക്കി തന്നെ ഒരു ചവിട്ട് കൊടുത്തു.അതോടെ അവൻ വീണു ബാക്കി നിന്നവന്മാർ എന്റെ നേരെ ഓടി അടുത്തു.

മുത്തശ്ശാ, നന്ദേട്ടാ അപ്പുവിനെ ഹോസ്പിറ്റലിൽ കൊണ്ടുപോ.