രുദ്ര 2 [രാവണാസുരൻ] 200

ഈ ചെക്കനെക്കൊണ്ട് ഞാൻ തോറ്റല്ലോ.
ടാ അപ്പു വാ മ്മക്ക് പോകണ്ടേ പോകുമ്പോ മുത്തശ്ശനെ കാണാൻ പറഞ്ഞു.

അങ്ങനെ ഞങ്ങൾ നാലുപേരും മുത്തശ്ശനെയും കണ്ട് വീട്ടിലേക്ക് തിരിച്ചു നാളെ രാവിലെ അടവ് ഉറപ്പിക്കൽ ഉണ്ട് ഇനിയും കറങ്ങി നടന്നാൽ അപ്പൂന് വേണ്ടി തെക്കേത്തൊടിയിലെ മാവ് മുത്തശ്ശൻ വെട്ടിക്കും.

*******

ഇന്ന് എട്ടാം നാൾ ഉത്സവം ഇന്ന് ഒരു പ്രത്യേകത കൂടെ ഉണ്ട് സൗഹൃദ കളരിപ്പയറ്റ് മത്സരം.നാട്ടിൽ രണ്ടു കളരിത്തറ(കളരി പഠിപ്പിക്കുന്ന സ്ഥലം) ഉണ്ട്.അത്കൊണ്ട് രണ്ടുകൂട്ടരും അവരവരുടെ പുതിയ ശിഷ്യന്മാരെ തമ്മിൽ മത്സരിപ്പിക്കുന്ന ഒരു ചിന്ന മത്സരം.ഇതിൽ ആയുധങ്ങൾ ഉപയോഗിക്കില്ല ഇത് അടവുകൾ ഉറപ്പിക്കാൻ ഉള്ള മാധ്യമമായാണ് ഇവിടുള്ളവർ കരുതുന്നത്.ഇതിനായി പ്രത്യേകം സ്ഥലം തയാറാക്കിയെടുക്കും മ്മടെ ഗുസ്തി ഒക്കെ പരിശീലിക്കാൻ ഉള്ള സ്ഥലം ഇല്ലേ അതുപോലെ.അപ്പുവാണ് മുത്തശ്ശന്റെ ശിഷ്യന്മാരെ കൂടെ നിൽക്കുന്നത് ശരിയായിട്ടു പറഞ്ഞാൽ അവനും ഒരു ചിന്ന കളരി ഗുരുക്കൾ ആണ്.പക്ഷേ കൊച്ചെറുക്കൻ മ്മടെ ഏഴയല്ലത്തു വരില്ല.

അപ്പു ടാ ഇന്ന് പിള്ളേരെ അടവ് ഉറപ്പിക്കാൻ കൊണ്ടുപോകാനുള്ളതാ.മോളെ രുദ്ര നീ അപ്പുനെ കണ്ടോ? മുത്തശ്ശൻ ചോദിച്ചു

ഇല്ല മുത്തശ്ശാ അവൻ ഇങ്ങോട്ട് വന്നില്ല.

പാർവതി നീ അപ്പൂനെ കണ്ടോ? മുത്തശ്ശൻ മുത്തശ്ശിയോടായി ചോദിച്ചു

എന്റെ ശിവേട്ടാ ഇങ്ങോട്ട് പോര് അവൻ ഇവിടെ ഉണ്ട്.മുത്തശ്ശി പറഞ്ഞു

ഞാനും മുത്തശ്ശനും കൂടെ അടുക്കളയിലേക്ക് പോയി.
അവിടെ
ഇരുന്ന് നല്ലതുപോലെ food തട്ടുന്നുണ്ട് ആശാൻ.

ആഹാ പുട്ടും കടലക്കറിയും ആയിരുന്നോ വെറുതെയല്ല ഇവന്റെ അനക്കം ഒന്നും ഇല്ലാത്തത്.ടാ ചെക്കാ പതിയെ കഴിക്കെടാ ഇവിടെ ആരും തട്ടിപ്പറിച്ചു കഴിക്കാനൊന്നും പോണില്ല.

അപ്പു പെട്ടന്ന് കഴിച്ചിട്ട് വാടാ പിള്ളേരെ കൊണ്ട് പോകാനുള്ളതാ.മുത്തശ്ശൻ ഒരു ചെറിയ ചിരിയോടെ പറഞ്ഞിട്ട് പോയി

ടാ തെണ്ടി നീ ഇവിടെ ഒറ്റയ്ക്കിരുന്ന് പുട്ടും കടലക്കറിയും വെട്ടിവിഴുങ്ങുവാണല്ലേ എന്നോട് ഒരു വാക്ക് പറഞ്ഞോടാ നീ ദുഷ്ടാ.
മുത്തശ്ശി ഇവിടെ വല്ലതും മിച്ചം ഉണ്ടോ അതോ ഈ കുംഭകർണൻ എല്ലാം തിന്നു തീർത്തോ?

നിനക്കുള്ളതൊക്കെ ഇവിടെ ഉണ്ടെടി നീ ചുമ്മാ എന്റെ കൊച്ചിനെ വഴക്ക് പറയാതെ.അവൻ നിന്റെ കൂടെ ഊര് തെണ്ടാൻ വന്നു വന്നു ഇപ്പൊ നേരാംവണ്ണം ഒന്നും കഴിക്കുന്നുപോലും ഇല്ല

നേരാംവണ്ണം കഴിക്കുന്നില്ലെന്നോ അപ്പൊ ഇതൊന്നും ഒന്നുമല്ലേ?

ടി കണ്ണ് വയ്ക്കതെടി.മുത്തശ്ശി പറഞ്ഞു

ഓ ഞാനെങ്ങും കണ്ണ് വയ്ക്കുന്നില്ല എനിക്കുള്ളത് ഇങ്ങെടുക്ക്.

മുത്തശ്ശി ഒരു പ്ലേറ്റിൽ ഒരു കുറ്റി പുട്ടും നല്ല ആവിപറക്കുന്ന കടലക്കറിയും ഒഴിച്ച് തന്നു.
ഞാൻ ശ്വാസം ഒന്ന് ആഞ്ഞു വലിച്ചു വെറുതെയല്ല ഇവനെ കുറ്റം പറയാൻ പറ്റില്ല ഈ മണം കൊണ്ട് തന്നെ വായിൽ കപ്പലോടാൻ തുടങ്ങി. മുത്തശ്ശിടെ പുട്ടും കടലക്കറിയും അന്തസ്സ് ആ കൈപ്പുണ്യം ഹോ പ്രശംസനീയം.