രുദ്ര 2 [രാവണാസുരൻ] 200

അതിന് നീയൊക്കെ ഈ ഉത്സവം കാണാൻ ഉണ്ടായിട്ടു വേണ്ടേ.ഈ ഉത്സവം തീരുന്നതിനു മുന്നേ നിന്നെയൊക്കെ തീർത്തിരിക്കും ആദ്യം എന്റെ കൈ ഒടിച്ച ഇവന്റെ കയ്യും കാലും ഒടിക്കും എന്നിട്ട് നിന്നെയും ആ തട്ടമിട്ടവളേയും ഇവന്റെ മുന്നിൽ വച്ചു ഞാനും എന്റെ കൂട്ടുകാരും ആസ്വദിക്കച്ചു അനുഭവിക്കും.ഇത് പാലമറ്റത്തെ സണ്ണിയുടെ മോൻ പാലമറ്റത്തെ സാമാ പറയുന്നേ നീയൊക്കെ കുറിച്ച് വച്ചോ.

ഇവന് കിട്ടിയതൊന്നും പോരെന്നാ തോന്നുന്നേ ഇവനെ ഇന്ന് ഞാൻ.
ഇതും പറഞ്ഞ് അപ്പു പിന്നേം അവനെ അടിക്കാൻ തുനിഞ്ഞു.

അപ്പൂ…
ഞാൻ അവനെ കൈക്കു പിടിച്ചു നിർത്തി
ടാ ചള്ള് ചെക്കാ നീയീ പറഞ്ഞതൊക്കെ ചെയ്യാൻ നീയല്ല നിന്റപ്പൻ പാലമറ്റത്തെ സണ്ണിയല്ല അവന്റെ അപ്പനും അപ്പന്റപ്പനും നല്ല നട്ടെല്ലുള്ള തന്തയ്ക്ക് പിറക്കണം.എന്തായാലും അത് ഈ ജന്മത്തിൽ നടക്കില്ല.
പിന്നെ ഞങ്ങൾ ഈ ഉത്സവം തികയ്ക്കില്ല എന്ന നിന്റെ വെല്ലുവിളി അത് ഞാൻ സ്വീകരിച്ചിരിക്കുന്നു.നിന്നെക്കൊണ്ട് പറ്റുന്നത് നീ ചെയ്യ്‌.ഞാൻ തോറ്റാൽ നീ കൊണ്ടുപോകണ്ട ഞാൻ വരും നീ പറയുന്ന സ്ഥലത്ത്.
അപ്പൊ ജോണേ നിന്റെ ഈ പാലമറ്റത്തെ സണ്ണി മൊതലാളിയെയും പിള്ളാരെയും ഹോസ്പിറ്റലിൽ കൊണ്ട് ചെന്നാക്കടാ.

ടാ അപ്പു രുദ്ര എന്താ ഇവിടെ പ്രശ്നം ഇവിടെ അടിയൊക്കെയായെന്ന് പറഞ്ഞല്ലോ. നന്ദേട്ടൻ പറഞ്ഞു

ഹോ വന്നല്ലോ നാട്ടിലെ അടുത്ത പ്രമാണി അല്ല ഇങ്ങള് ഈ അടിനടക്കുന്ന സമയം ഇത് എവിടെ പോകുന്നു മനുഷ്യാ ഇങ്ങളെ മഷിയിട്ട് നോക്കിയാൽ കാണില്ലല്ലോ. അപ്പു പറഞ്ഞു

ഓ പിന്നെ നീയും നിന്റെ ഏച്ചിയും അടിവയ്ക്കുമ്പോ വന്നു മാധ്യസ്ഥം നടത്തലല്ലേ എന്റെ പണി ഒന്ന് പോടാ ചെക്കാ.നന്ദേട്ടൻ പറഞ്ഞു

നന്ദേട്ടാ ആ പിള്ളേർ മ്മടെ പാത്തുനെ ഒന്ന് ഞോണ്ടി ഞങ്ങള് അവന്മാരെ തിരിച്ചങ്ങു മാന്തി അത്രേ ഉള്ളു
അപ്പു നീയൊന്ന് അവളടുത്തേയ്ക്ക് പോയെടാ ഒന്ന് അവളെ സമാധാനിപ്പിക്ക്.
അതേയ് സമാധാനിപ്പിക്കാനാ പറഞ്ഞത് വേറൊന്നും ചെയ്തേക്കല്ലും.

രുദ്ര ഇത്താ…
കുഞ്ഞൻ എന്റെ അടുത്തേയ്ക്ക് വന്നു കണ്ടാലറിയാം അവൻ നല്ലോണം പേടിച്ചിട്ടുണ്ട്.

ടാ കുഞ്ഞാ അവന്മാർ നിന്റെ ഇത്തടെ കൈക്ക് പിടിച്ചപ്പോ നീ എവിടെ പോയി കിടക്കുവായിരുന്നു.ഞാൻ കരുതി നീ അവന്മാരെ അടിച്ചോടിക്കും എന്ന്.ഞാൻ നിന്നെ ശിഷ്യനാക്കാം എന്ന് വിചാരിച്ചതാ നീ തീരെ പോരാ.

അത് രുദ്ര ഇത്തയ്ക്ക് ഇടിക്കാനൊക്കെ അറിയാമോ എന്നറിയാൻ ഞാൻ മാറി നിന്നതല്ലേ.ഇത്തയ്ക്ക് എന്നെ പഠിപ്പിക്കാൻ വല്ലതും അറിയാവോ എന്ന് നോക്കണ്ടേ.എന്നും പറഞ്ഞ് അവൻ ഇളിച്ചു കാണിച്ചു.

ടാ കുറുമ്പാ നീ ആള് കൊള്ളാവല്ലോ ഇവിടെ വാടാ തെമ്മാടി.അവനെ അടുത്തേയ്ക്ക് വലിച്ചു ഇക്കിളിയാക്കി ചിരിപ്പിച്ചു.

രുദ്ര ഇത്താ..