റെജിയുടെ സുവിശേഷങ്ങൾ 2 [മനൂസ്] [Climax] 3163

റിൻസി ഉമ്മറത്തെ പ്രകാശം തെളിയിച്ചു…

“ആ നക്ഷത്രം നിങ്ങള് കണ്ടോ….”

ആകാശത്തേക്ക് ചൂണ്ടി റെജി ചോദിച്ചു…

അവൻ ചൂണ്ടിക്കാട്ടിയിടത്തേക്ക് അവർ നോക്കി…

ഒരുപാട് നക്ഷത്രങ്ങൾ അതിനോടകം ആകാശത്ത് മിന്നുന്നുണ്ടായിരുന്നു…

സംശയത്തോടെ അവർ അവനെ നോക്കി…

“എന്നെ നോക്കി മിന്നിത്തിളങ്ങുന്ന ആ നക്ഷത്രത്തെ കണ്ടോ… എന്റെ അമ്മച്ചിയാണ്..”

അവൻ പറയുന്നതിന്റെ പൊരുൾ മനസ്സിലാകാതെ ഇരുവരും മുഖത്തോട് മുഖം നോക്കി..

അത് കണ്ടതും റെജി വീണ്ടും പുഞ്ചിരിച്ചു…

“കുറച്ച് ദിവസങ്ങളായി എന്നോട് പിണക്കം ആയിരുന്നു…

എന്നെ കാണാനും എന്നെ കേൾക്കാനും വരില്ലായിരുന്നു…

ഇന്നാണ് അമ്മച്ചിയുടെ പിണക്കം മാറിയത്…

എന്റെ മനസ്സ് അമ്മച്ചി അറിഞ്ഞു കാണും… അതാ വന്നേ…”

അവൻ കണ്ണീരിന്റെ നനവോടെ പറഞ്ഞു നിർത്തി…

“എന്നെ ഒരുപാട് ഇഷ്ടമായിരുന്നു അമ്മച്ചിക്ക്.

അമ്മച്ചിയുടെ വിയർപ്പിന്റെ മണം പിടിച്ചല്ലാതെ കിടന്നാൽ എനിക്ക് ഉറക്കം വരില്ലായിരുന്നു…

കളിക്കാനും,സ്‌കൂളിൽ കൊണ്ട് പോകാനുമൊക്കെ അപ്പനേക്കാൾ ഞാൻ അമ്മച്ചിയെ ആണ് കൂട്ടുക…