റെജിയുടെ സുവിശേഷങ്ങൾ 2 [മനൂസ്] [Climax] 3163

റിനിയും റിൻസിയും വല്ലാതെ പേടിച്ചിരുന്നു..

ഷേർളിയുടെ കണ്ണുകൾ അടയുന്നത് റെജി ശ്രദ്ധിച്ചു…

അവൻ ഞൊടിയിടയിൽ അവളേയും താങ്ങി വെളിയിലേക്ക് ഇറങ്ങി…

കരഞ്ഞുകൊണ്ട് റിനിയും റിൻസിയും അവന് പുറകേ നടന്നു…

“മോൻ മാത്രേ ഉള്ളു അവർക്ക്…അമ്മച്ചിയോട് പൊറുക്കണം…”

ബോധം മറയുന്നതിന് മുന്നേ അവ്യക്തമായി ഷേർളി പറഞ്ഞു…

റെജിയുടെ കണ്ണീരിനാൽ അമ്മച്ചിയുടെ മുഖം അപ്പോഴേക്കും നനഞ്ഞിരുന്നു….

ഐ സി യു വിന് പുറത്ത് അവർ മൂവരും അക്ഷമരായി കാത്തിരുന്നു…

ഭയവും കുറ്റബോധവും കാരണം റെജി വല്ലാതെ തളർന്നിരുന്നു…

റിനിയെയും റിൻസിയേയും സമാധാനിപ്പിക്കാൻ പോയിട്ട് അവരുടെ മുഖത്തേക്ക് ഒന്ന് നോക്കാൻ പോലും ആശക്തൻ ആയിരുന്നു അവൻ…

പ്രകൃതി പുറത്ത് രൗദ്രഭാവം പൂണ്ടിരുന്നു..

ശക്തമായ ഇടിയോട് കൂടിയ മഴ അവന്റെ മനസ്സെന്നപോലെ കലുഷിതമായിരുന്നു…

മഴയുടെ തണുപ്പിലും അവൻ ആകെ വിയർത്തിരുന്നു…

എന്തൊക്കെയോ അരുതാത്തത് സംഭവിക്കാൻ പോകുന്നു എന്നൊരു തോന്നൽ അവനെ ഭയപ്പെടുത്തി…

പെട്ടെന്നാണ് ഐ സി യു വിൽ നിന്നും വാതിൽ തുറന്ന് ഡോക്ടർ പുറത്തേക്ക് വന്നത്…

ചങ്കിടിപ്പോടെ അവൻ ഡോക്ടറിന് സമീപത്തേക്ക് വന്നു…